Sira 38
38
Endwara n'omubazi
1Omutambi omukunire nomuha ekitinwa kimusaine
mara kuhonderana n'okwo olikumwetaga,
kuba omulimogwe akaguhabwa Omukama ayamutonzire.
2Rukirabyona n'iwe aha omutambi obushobora bw'okukiza,
nangu n'omukama abumurongolera.
3Obubuya bw'omutambi bumuhaisa ekitinwa,
k'aba ali hamoi n'abahango bamutangalira.
4Omukama n'iwe yatonzire emibazi eruga omw'itaka,
omuntu ow'amagezi tagigaya.
5Ekiti tikyanulize maizi
Omukama akaba nikwo amanyisa atyo obushoborabwe?
6N'abantu akabaha obubuya,
ebikorwabye eby'okutangaza bimuhaise ekitinwa.
7Emibazi egyo niyo arabamu kukiza endwara
n'okumara abarwaire amanenwa,
8abagiihya bamanya kugirunga.
Emilimo y'Omukama telihwa;
mara ensi kugira amagara garungi
egaihya ahali wenene.
9Mwana wange k'olirwara otalyenagirana,
shana oshabe Omukama alikukiza.
10Olekere entambara, okore ebirungi,
n'omutima gwawe ogweze guhwemu amafu gona.
11Ogire ekitambo ky'obunuma eky'akataachu
n'ekihongo ky'ensano nungi,
mara okishesheho amajuta gangi
nk'okwo eby'oinabyo bilikwigana.
12Kandi omutambi omuleke akore ebye,
aha rw'enshonga akatebwaho Omukama.
Mara otamuleka kukusigaho, kuba nomwetaga.
13Haliho orwo abatambi batamba bikabagenderage,
14manya nabo bashaba Mukama k'abasingira
bakahiga endwara bakagibona mara bakagitamba,
omurwaire akarora.
15Ow'okufakalira Omutonziwe
hakili kurwara akagya omu mikono y'omutambi.
Okuchulira abafire
16Mwana wange, ayafa omuchulire,
omutongye oyolekye obujune bwawe.
Kandi omuziike kurungi
n'enyangaye ote nogikunira.
17Olire muno, ochulire kimoi;
omutekere ekibi ekimusaine,
ochure ekiro kimoi anga bibili,
kwanga abantu batakuneena,
ahanyuma olekere kujunara, otekane.
18Amajune garugwamu rufu,
kandi obujune bw'omutima bunyunya omuntu amani.
19Omu naku obujune tibuhwa,
kandi omuntu okwikara ashasire
kumuletera okuchuramirwa omutima.
20Otalikunda kujunara mutima,
obujune obubinge,
oijuke okwo oburora bugira endekelero.
21Otebwa okwo amara kufa tagaruka;
afire toina ky'olikumujuna,
shana iwe kweshasa kushai.
22Wenene nakugambira ati,
“Ijuka amaheleruka gange,
kuba nikwo naiwe agawe galiba;
nyeigoro gabaire gange;
kir'eki nigaba gawe.”
23Orwo afire yahumwire,
otaikara omwijukire;
orwo yagenzire otekane.
24Obumanyi bw'omuhandiki obubonesibwa
okugira obushango burungi;
n'omuntu aina bike eby'okumwagaraza yakuba mumanyi.
25Omukwasi w'enfuka yakushobora atai kuba mumanyi?
Manya ebyerabye bili omu kukwata orushanju
kufunya ente kuzilimisa!
Wenene efumoroye omunage aha nte.
26Omutima agutaire aha kulima emirara,
n'ebitekelezobye bili aha bunyasi bw'enyana.
27Nikyo kimoi n'omukozi wena wena
anga omubuya akora kiro na mushana.
N'iwe omoi n'abakozi b'emihuri,
nibo bahiga okwo barakora engeli zingi ezitali zimoi.
Omutima agumalira aha kintu,
kukichora okamanya oti kiina oburora,
akora obutainuka nirwo arakimara.
28Kutyo n'omuhesi ashuntamire aha ibarelye
ly'okuteleraho ebyoma;
amani gona agataire aha byomabye eby'alikwenda kutera.
Omuliro gumukanguura, ekyokezo kimwomesa;
enyondoye ey'alikutera emwigara amatwi,
amaisho agahangire eky'alikuhesha.
Omutima aba agutaire aha kumara eky'alikukora,
natekeleza kukilengya akakimara.
29N'omubumbi nawe nikwo ali,
aikara ashuntamire aha mulimogwe,
eigurudumu nalibugisa amaguru,
omwanya gwona agumalira aha mulimogwe,
n'ebyo yabumba abyekomya orubara.
30Eibumba alikaasa emikono
ashuba alijungisa amaguru;
omutima agumalira aha kusiiga erangi akamara,
n'okusiga yashemeza ekyokezo.
31Aba bona besiga emikono yabo,
kandi buli omoi aba mubuya omw'ikoralye.
32Mbali batali ekigo tikyombekwa,
n'abantu tibaikarayo anga kuturayo.
33Kyonkai tibabahiga kubateka mu rukiko,
kandi n'omu mbaga tibagira ibara.
Tibaikalira ntebe ya muramuzi,
n'omushango tibashobokerwa kwo gwaramurwa.
Balemwa kushoborora entwaza z'obuntu,
n'okuramura kubalema;
n'okukoza emigani tikubamanyikaho.
34Kyonkai ebyo bakora nibyo ensi eyemeleireho,
kandi okutunda kwabo nizo nshara zabo.
Currently Selected:
Sira 38: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 38
38
Endwara n'omubazi
1Omutambi omukunire nomuha ekitinwa kimusaine
mara kuhonderana n'okwo olikumwetaga,
kuba omulimogwe akaguhabwa Omukama ayamutonzire.
2Rukirabyona n'iwe aha omutambi obushobora bw'okukiza,
nangu n'omukama abumurongolera.
3Obubuya bw'omutambi bumuhaisa ekitinwa,
k'aba ali hamoi n'abahango bamutangalira.
4Omukama n'iwe yatonzire emibazi eruga omw'itaka,
omuntu ow'amagezi tagigaya.
5Ekiti tikyanulize maizi
Omukama akaba nikwo amanyisa atyo obushoborabwe?
6N'abantu akabaha obubuya,
ebikorwabye eby'okutangaza bimuhaise ekitinwa.
7Emibazi egyo niyo arabamu kukiza endwara
n'okumara abarwaire amanenwa,
8abagiihya bamanya kugirunga.
Emilimo y'Omukama telihwa;
mara ensi kugira amagara garungi
egaihya ahali wenene.
9Mwana wange k'olirwara otalyenagirana,
shana oshabe Omukama alikukiza.
10Olekere entambara, okore ebirungi,
n'omutima gwawe ogweze guhwemu amafu gona.
11Ogire ekitambo ky'obunuma eky'akataachu
n'ekihongo ky'ensano nungi,
mara okishesheho amajuta gangi
nk'okwo eby'oinabyo bilikwigana.
12Kandi omutambi omuleke akore ebye,
aha rw'enshonga akatebwaho Omukama.
Mara otamuleka kukusigaho, kuba nomwetaga.
13Haliho orwo abatambi batamba bikabagenderage,
14manya nabo bashaba Mukama k'abasingira
bakahiga endwara bakagibona mara bakagitamba,
omurwaire akarora.
15Ow'okufakalira Omutonziwe
hakili kurwara akagya omu mikono y'omutambi.
Okuchulira abafire
16Mwana wange, ayafa omuchulire,
omutongye oyolekye obujune bwawe.
Kandi omuziike kurungi
n'enyangaye ote nogikunira.
17Olire muno, ochulire kimoi;
omutekere ekibi ekimusaine,
ochure ekiro kimoi anga bibili,
kwanga abantu batakuneena,
ahanyuma olekere kujunara, otekane.
18Amajune garugwamu rufu,
kandi obujune bw'omutima bunyunya omuntu amani.
19Omu naku obujune tibuhwa,
kandi omuntu okwikara ashasire
kumuletera okuchuramirwa omutima.
20Otalikunda kujunara mutima,
obujune obubinge,
oijuke okwo oburora bugira endekelero.
21Otebwa okwo amara kufa tagaruka;
afire toina ky'olikumujuna,
shana iwe kweshasa kushai.
22Wenene nakugambira ati,
“Ijuka amaheleruka gange,
kuba nikwo naiwe agawe galiba;
nyeigoro gabaire gange;
kir'eki nigaba gawe.”
23Orwo afire yahumwire,
otaikara omwijukire;
orwo yagenzire otekane.
24Obumanyi bw'omuhandiki obubonesibwa
okugira obushango burungi;
n'omuntu aina bike eby'okumwagaraza yakuba mumanyi.
25Omukwasi w'enfuka yakushobora atai kuba mumanyi?
Manya ebyerabye bili omu kukwata orushanju
kufunya ente kuzilimisa!
Wenene efumoroye omunage aha nte.
26Omutima agutaire aha kulima emirara,
n'ebitekelezobye bili aha bunyasi bw'enyana.
27Nikyo kimoi n'omukozi wena wena
anga omubuya akora kiro na mushana.
N'iwe omoi n'abakozi b'emihuri,
nibo bahiga okwo barakora engeli zingi ezitali zimoi.
Omutima agumalira aha kintu,
kukichora okamanya oti kiina oburora,
akora obutainuka nirwo arakimara.
28Kutyo n'omuhesi ashuntamire aha ibarelye
ly'okuteleraho ebyoma;
amani gona agataire aha byomabye eby'alikwenda kutera.
Omuliro gumukanguura, ekyokezo kimwomesa;
enyondoye ey'alikutera emwigara amatwi,
amaisho agahangire eky'alikuhesha.
Omutima aba agutaire aha kumara eky'alikukora,
natekeleza kukilengya akakimara.
29N'omubumbi nawe nikwo ali,
aikara ashuntamire aha mulimogwe,
eigurudumu nalibugisa amaguru,
omwanya gwona agumalira aha mulimogwe,
n'ebyo yabumba abyekomya orubara.
30Eibumba alikaasa emikono
ashuba alijungisa amaguru;
omutima agumalira aha kusiiga erangi akamara,
n'okusiga yashemeza ekyokezo.
31Aba bona besiga emikono yabo,
kandi buli omoi aba mubuya omw'ikoralye.
32Mbali batali ekigo tikyombekwa,
n'abantu tibaikarayo anga kuturayo.
33Kyonkai tibabahiga kubateka mu rukiko,
kandi n'omu mbaga tibagira ibara.
Tibaikalira ntebe ya muramuzi,
n'omushango tibashobokerwa kwo gwaramurwa.
Balemwa kushoborora entwaza z'obuntu,
n'okuramura kubalema;
n'okukoza emigani tikubamanyikaho.
34Kyonkai ebyo bakora nibyo ensi eyemeleireho,
kandi okutunda kwabo nizo nshara zabo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.