Sira 34
34
Ebiroto tibigira nshonga
1Omuntu atashobokerwa,
ashubira ebitaina nsha na muhoho,
kandi abafera ebiroto bibameza amapapa.
2Omuntu ow'okuta omutima aha biroto,
ashusha akwata ekinyumanyumi anga abinga omuyaga.
3Eby'obona omu biroto
nikyo kimoi n'okwebona omu kyoo.
4Ekihagare kyakurugwamu kitai ekilikwera?
N'ekitalikwo kyakurugwamu kitai ekilikwo?
5Okuragura, okubasha n'ebiroto byona
ebyo biba bishuba,
nk'okwo omukazi alikurumwa atekeleza bingi ebitalibyo.
6Ka Rukirabyona atabikutwekeire
kugira ekyo yakumanyisa, otabitaho mutima.
7Ebiroto birabeihire bangi,
n'ababikiliize bikabafera bushai.
8Okuhikya Amateka tikwetaga bishuba nk'ebyo,
mara eminwa egamba amazima
niyo egira obumanyi obugobire.
Omuntu agenda amanya bingi
9Ayegire amanya bingi,
mara alikumanya ebintu bingi n'iwe agamba eby'amagezi.
10Atamanya bintu bingi amanya bike,
kyonkai agenda amanya bingi.
11Omu ngendo zange ndaboneiremu bingi,
mara nimanya bingi kushaga ebyo nakushoborora omuntu.
12Mirundi nyingi etai nyizire kufa,
kyonkai orufu nkarukiraho
aha rw'enshonga y'ebintu bingi ebi ebyo ndikumanya.
Okutina Omukama
13Abatina Omukama baligira oburora,
aha rw'okuba bashuubira alikushobora kubarokora.
14Atina Omukama taliba mutini anga kuyuguuma,
kuba ashuubira wenene.
15Muberwa omuntu ayesiga Omukama,
enshonga amanya owo arairukira.
16Omukama ahanga amaishoge abamugonza,
n'iwe aba mulinzi wabo agumire,
mara abemamu n'amani,
aba mabeho gabo omw'ilimbe,
kibeho kyabo omu mushana gw'eihangwe,
abalinda batasitara, kandi abaramira batagwa.
17Agaruramu omuntu amagara,
amukyanura n'aha maisho;
n'iwe akiza, atunga abantu oburora n'omugisha.
Okuhonga ebitambo
18Omuntu k'atamba ekintu ekitambo
eky'ataboine mu muhanda gwa mazima,
ekitambo ekyo kiba kina akamogo;
ebihongo by'abatakwata Mateka tibikundwa.
19Rukirabyona tashemelerwa bihongo
by'abatatina Ruhanga;
kandi obungi bw'ebitambo
tibwo bumugwisiliza aha rw'amafu.
20Omuntu ayaka omunaku ekilikye,
akaba nikyo atamba ekitambo,
ashusha aitira omwana omu maisho ga ishe.
21Akakulya akake niko katunga abaanaku,
okubaka ako, buba bwitamuntu.
22Okwaka mutahi wawe ebimutunga oba omwisire;
n'okwima omukozi emperwaye buba bwita muntu.
23Orwo ogu ayombeka ondijo akakambura,
bombili bagasirwaki? Manya bahendekera bushai!
24K'omuntu ashaba ahali Ruhanga,
okwo ondijo namwendera omuraamo,
Omukama arahuliliza eiraka ely'ohai?
25Omuntu k'amara kukwata omufu akanaba,
akashuba akamukwata, okunabakwe kumugasiraki?
26Kumoi n'omuntu kusiba aha rw'okwatilira amafuge,
akashuba akagaruka omu bintu byonene byonene,
n'ohai arahulira ensharaye?
Okwetohyakwe kuba kumugasiraki?
Currently Selected:
Sira 34: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 34
34
Ebiroto tibigira nshonga
1Omuntu atashobokerwa,
ashubira ebitaina nsha na muhoho,
kandi abafera ebiroto bibameza amapapa.
2Omuntu ow'okuta omutima aha biroto,
ashusha akwata ekinyumanyumi anga abinga omuyaga.
3Eby'obona omu biroto
nikyo kimoi n'okwebona omu kyoo.
4Ekihagare kyakurugwamu kitai ekilikwera?
N'ekitalikwo kyakurugwamu kitai ekilikwo?
5Okuragura, okubasha n'ebiroto byona
ebyo biba bishuba,
nk'okwo omukazi alikurumwa atekeleza bingi ebitalibyo.
6Ka Rukirabyona atabikutwekeire
kugira ekyo yakumanyisa, otabitaho mutima.
7Ebiroto birabeihire bangi,
n'ababikiliize bikabafera bushai.
8Okuhikya Amateka tikwetaga bishuba nk'ebyo,
mara eminwa egamba amazima
niyo egira obumanyi obugobire.
Omuntu agenda amanya bingi
9Ayegire amanya bingi,
mara alikumanya ebintu bingi n'iwe agamba eby'amagezi.
10Atamanya bintu bingi amanya bike,
kyonkai agenda amanya bingi.
11Omu ngendo zange ndaboneiremu bingi,
mara nimanya bingi kushaga ebyo nakushoborora omuntu.
12Mirundi nyingi etai nyizire kufa,
kyonkai orufu nkarukiraho
aha rw'enshonga y'ebintu bingi ebi ebyo ndikumanya.
Okutina Omukama
13Abatina Omukama baligira oburora,
aha rw'okuba bashuubira alikushobora kubarokora.
14Atina Omukama taliba mutini anga kuyuguuma,
kuba ashuubira wenene.
15Muberwa omuntu ayesiga Omukama,
enshonga amanya owo arairukira.
16Omukama ahanga amaishoge abamugonza,
n'iwe aba mulinzi wabo agumire,
mara abemamu n'amani,
aba mabeho gabo omw'ilimbe,
kibeho kyabo omu mushana gw'eihangwe,
abalinda batasitara, kandi abaramira batagwa.
17Agaruramu omuntu amagara,
amukyanura n'aha maisho;
n'iwe akiza, atunga abantu oburora n'omugisha.
Okuhonga ebitambo
18Omuntu k'atamba ekintu ekitambo
eky'ataboine mu muhanda gwa mazima,
ekitambo ekyo kiba kina akamogo;
ebihongo by'abatakwata Mateka tibikundwa.
19Rukirabyona tashemelerwa bihongo
by'abatatina Ruhanga;
kandi obungi bw'ebitambo
tibwo bumugwisiliza aha rw'amafu.
20Omuntu ayaka omunaku ekilikye,
akaba nikyo atamba ekitambo,
ashusha aitira omwana omu maisho ga ishe.
21Akakulya akake niko katunga abaanaku,
okubaka ako, buba bwitamuntu.
22Okwaka mutahi wawe ebimutunga oba omwisire;
n'okwima omukozi emperwaye buba bwita muntu.
23Orwo ogu ayombeka ondijo akakambura,
bombili bagasirwaki? Manya bahendekera bushai!
24K'omuntu ashaba ahali Ruhanga,
okwo ondijo namwendera omuraamo,
Omukama arahuliliza eiraka ely'ohai?
25Omuntu k'amara kukwata omufu akanaba,
akashuba akamukwata, okunabakwe kumugasiraki?
26Kumoi n'omuntu kusiba aha rw'okwatilira amafuge,
akashuba akagaruka omu bintu byonene byonene,
n'ohai arahulira ensharaye?
Okwetohyakwe kuba kumugasiraki?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.