Ezaburi 20
20
Enshara y'okushabira omukama okusinga endashana
1Omukama asinge akuhulire,
aha kiro kyawe ky'amatangwa!
Eibara lya Ruhanga wa Yakobo likwemere!
2Ayeme ahatakatifu akwambe,
akujune ayemire Sioni!
3Aijuke ebihongo byawe byona;
ebitambo byawe ebyokize,
abikunde n'ekisha.
4Akutunge eby'olikwenda,
n'entegeka zawe azigoshore!
5K'oraba wasingiire twije tushanduke,
omw'ibara lya Ruhanga waitu,
tusimbe ebendera zaitu!
Omukama akutunge eby'olikumushaba byona.
6Nimanyage okw'Omukama
arayemamu enkorwamajutaye,
alyema omw'igurulye elitakatifu, amuhorore,
amushoboze okusinga asingiire.
7Abandi besiga amagali,
abandi besiga efarasi;
kyonkai ichwe
twesiga eibara ly'Omukama Ruhanga waitu.
8Bonene barasitara bagwe,
kyonkai ichwe turaimuka twemelere bwemi.
9Waitu Mukama, omukama muhe okusinga;
singa otuhorore, nitutaka.
Currently Selected:
Ezaburi 20: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.