VAEFESO 1
1
Ngezya
1Paulo, ntume wakwe Kristo Yesu, he mikundire ya Mrungu, Ha vezerire veho uko Efeso vemwitikije Kristo Yesu: 2Mbonea na iikae na unywi na mporere kufuma he Mrungu Vava wetu na he Mfumwa Yesu Kristo.
Kumkaza Mrungu
3Mrungu nakazwe, Vava wa Mfumwa wetu Yesu Kristo, etwinkie lutelwedi he kila lutelwedi lwa kimpeho, lwa kiuko wanga, he Kristo; 4sa vuntu ye etusaghure tuoke vakwe too aho ii si yesinarumbwa, nesa tuoke vezerire, vantu vesina nzune mozya heye. 5Kwa lukundo erongetusaghura, nesa tughoshwe vanawe he nzia yakwe Yesu Kristo, yeteghanie he kikundire cha lukundo lwakwe. 6Ngazo ya mbonea yakwe naikazwe, eye etulonzoshe he uo Mkunde. 7Heye uo, he sakame yakwe, tuna vukomboli vwetu, kushighiwa mabanu, kiringanyo cha vuzuri vwa mbonea yakwe. 8Naye eituongejije kwa viugho vyose na kumanya; 9ekikenja kutumanyisha mpiso ya mikundire yakwe, yeteghanie he kuoga kwakwe ekirekere heye uo. 10Nikwo kuti igheri letara enerunganya vintu vyose vya uko wanga na kunu si he Kristo. Yee, heye uo; 11kangi heye na uswi tukaghoshwa vupali, twekisaghurwa too kuvoka sa vuntu ye erekere, eye eronga mburi jose he mikundire yakwe. 12Na uswi he uo tweveiwe kuoka nguma ya ngazo yakwe, uswi twerongemvikia Kristo ikuji letu. 13Huvo na unywi he uo mwakenja kusikia kiteto cha idi, Mburi Yedi ya lukio lwenyu; kangi mwakenja kumwitikija ye, na kugerwa kisimbiko ni Mpeho ula wa kiravo ula ezerire. 14Niye mwikome wa vupali vwetu, nesa aete vukomboli vwa kifumwa chakwe, kuoka nguma ya ngazo yakwe.
Maombi he kummanya Mrungu. Nzinya ya Mrungu yevonyeshwe ni kuvuka he vefwie kwakwe Kristo
15Heicho mi nami, too nekinasikie mburi ya mwitikijo wenyu he Mfumwa Yesu, na lukundo lwenyu he vezerire vose, 16sishigha kuanjela he mburi yenyu; nekimukumbuka he maombi angu, 17Mrungu wa Mfumwa wetu Yesu Kristo, Vava wa ngazo, amuinke unywi mpeho wa kiugho na wa mfunukuro he kummanya ye; 18meso a ngoro jenyu aangajwe, mumanye ikuji la mwitango wakwe he vezerire vuntu vweikee; 19na vwedi vwa vubaha vwa nzinya yakwe he uswi tweitikije vuntu vweikee; he kiringanyo cha nzinya ja mirongire yakwe; 20erongie he Kristo ekimvusha he vefwie, akamvika he mkono wakwe wa kume uko wanga; 21wanga mno kuvecha vufumwa vwose, na vubaha, na nzinya, na kifumwa, na kila izina lelangwa, neri si he isanga ili du, mira na he lila leneza; 22akavika vintu vyose kijusi he maghu akwe, akamvika aoke mtwi wa vintu vyose vuntu vwa kanisa; 23elo mwiri wakwe, vukoloki vwakwe, eye ekolosha vyose he vyose.
Currently Selected:
VAEFESO 1: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
VAEFESO 1
1
Ngezya
1Paulo, ntume wakwe Kristo Yesu, he mikundire ya Mrungu, Ha vezerire veho uko Efeso vemwitikije Kristo Yesu: 2Mbonea na iikae na unywi na mporere kufuma he Mrungu Vava wetu na he Mfumwa Yesu Kristo.
Kumkaza Mrungu
3Mrungu nakazwe, Vava wa Mfumwa wetu Yesu Kristo, etwinkie lutelwedi he kila lutelwedi lwa kimpeho, lwa kiuko wanga, he Kristo; 4sa vuntu ye etusaghure tuoke vakwe too aho ii si yesinarumbwa, nesa tuoke vezerire, vantu vesina nzune mozya heye. 5Kwa lukundo erongetusaghura, nesa tughoshwe vanawe he nzia yakwe Yesu Kristo, yeteghanie he kikundire cha lukundo lwakwe. 6Ngazo ya mbonea yakwe naikazwe, eye etulonzoshe he uo Mkunde. 7Heye uo, he sakame yakwe, tuna vukomboli vwetu, kushighiwa mabanu, kiringanyo cha vuzuri vwa mbonea yakwe. 8Naye eituongejije kwa viugho vyose na kumanya; 9ekikenja kutumanyisha mpiso ya mikundire yakwe, yeteghanie he kuoga kwakwe ekirekere heye uo. 10Nikwo kuti igheri letara enerunganya vintu vyose vya uko wanga na kunu si he Kristo. Yee, heye uo; 11kangi heye na uswi tukaghoshwa vupali, twekisaghurwa too kuvoka sa vuntu ye erekere, eye eronga mburi jose he mikundire yakwe. 12Na uswi he uo tweveiwe kuoka nguma ya ngazo yakwe, uswi twerongemvikia Kristo ikuji letu. 13Huvo na unywi he uo mwakenja kusikia kiteto cha idi, Mburi Yedi ya lukio lwenyu; kangi mwakenja kumwitikija ye, na kugerwa kisimbiko ni Mpeho ula wa kiravo ula ezerire. 14Niye mwikome wa vupali vwetu, nesa aete vukomboli vwa kifumwa chakwe, kuoka nguma ya ngazo yakwe.
Maombi he kummanya Mrungu. Nzinya ya Mrungu yevonyeshwe ni kuvuka he vefwie kwakwe Kristo
15Heicho mi nami, too nekinasikie mburi ya mwitikijo wenyu he Mfumwa Yesu, na lukundo lwenyu he vezerire vose, 16sishigha kuanjela he mburi yenyu; nekimukumbuka he maombi angu, 17Mrungu wa Mfumwa wetu Yesu Kristo, Vava wa ngazo, amuinke unywi mpeho wa kiugho na wa mfunukuro he kummanya ye; 18meso a ngoro jenyu aangajwe, mumanye ikuji la mwitango wakwe he vezerire vuntu vweikee; 19na vwedi vwa vubaha vwa nzinya yakwe he uswi tweitikije vuntu vweikee; he kiringanyo cha nzinya ja mirongire yakwe; 20erongie he Kristo ekimvusha he vefwie, akamvika he mkono wakwe wa kume uko wanga; 21wanga mno kuvecha vufumwa vwose, na vubaha, na nzinya, na kifumwa, na kila izina lelangwa, neri si he isanga ili du, mira na he lila leneza; 22akavika vintu vyose kijusi he maghu akwe, akamvika aoke mtwi wa vintu vyose vuntu vwa kanisa; 23elo mwiri wakwe, vukoloki vwakwe, eye ekolosha vyose he vyose.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.