1 VAKORINTO 4
4
Chetara ntume va Mrungu
1Mntu natutare iti, tu vandima vakwe Kristo na vasungaji va mpiso ja Mrungu. 2Nacho cheendwa he vasungaji ni iti mntu avoneke iti ni mkitengo. 3Mira hemi, si kintu neri, nekilahwa ni unywi, na ere mlaho wa kimntu, neri sikulaha mi mwenye; 4ambu mi mwenye simanyije cho nenekusitaka nacho, mira si iti nezerire vuntu vwa icho, enilaha ni Mfumwa. 5Heicho unywi musilahe kintu igheri lacho lesinafika, mhaka Mfumwa ekiza, niye eneomika vila vyevisike he kija na kufunyirija mburi ja he ngoro; niho kila mntu enevona nguma yakwe he Mrungu.
6Heicho, vandughu, iji mburi nejighoshije fwanyanyi yangu mi ne Apolo he vuntu vwenyu, nesa mukuchejije he uswi, musikele vila vyeandikwe, nesa hasikete ekubaa he mghenji vuntu vwa ungi. 7Ambu ni ani ekusaghure we? kana una kini wesikiinkiwe? Mira kakicha weteinkwa ukukaziani sa wesiteinkwa? 8Mwakenja kuighuta, mwakenja kuoka vazuri, mwetetia venye uswi twesiwaho, yee, ni chedi, nanga mwekitetia, na uswi tukatetia hamwe na unywi. 9Ambu nidunganya iti Mrungu etufunyije uswi ntume ka msirikijo, sa vantu vechwiiwe kurakonwa, ambu twaoka kimako he ii si; he vamalaika na he vantu. 10He vuntu vwakwe Kristo tu virundu, mira unywi mwechee he Kristo; uswi tu vasoka, unywi muna nzinya; unywi mukazwa mira uswi tetushimiwa.
11Mhaka saa ii uswi twesikie nza na nkiru, tuho kituhu, tubighwa nkundi, kangi tetuna kikalo; 12kangi tula vwasi twekironga ndima na mikono yetu venye. Twekirarwa tuinkija lutelwedi, twekirierieshwa tugumirija; 13twekichungijwa tusembereja; twaghoshwa sa mikuku ya ii si, na mashafunto a vintu vyose mhaka iki.
Ichundwe la kivava
14Siandika ivyo iti nimusonishe; mira nitamuchunda sa vana nevakundie. 15Ambu na mwetena vacheji viku ikumi he Kristo, mira temuna vavava vajinki; ambu mi nemumoghie na Mburi Yedi he Kristo Yesu. 16Heicho, nimusemba, muniraterije mi. 17Heicho namtuma Timoteo henyu, e mwanangu mkunde, e mkitengo he Mfumwa, enemukumbusha nzia jangu jose he Kristo sa vuntu necheja hantu hose he kila kanisa. 18Va kumwe vekubaa sa iti sikazere henyu. 19Mira nineza henyu fia Mfumwa ekikunda; nami ninemanya, si kitetire cha vala vekubaa du, mira na nzinya javo. 20Ambu vufumwa vwa Mrungu si kuteta, mira ni he nzinya. 21Muendiani? Nize henyu na nzata kana nize na lukundo na mpeho wa vuhoo?
Currently Selected:
1 VAKORINTO 4: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
