Zakarii 6
6
Yanyaa-kɔrɔtaanri wógi: Wòtorobèle sicɛrɛ kéele
1A mii níì nyapiigèle yìrige ni wéle, a mii yanyaagaa nyaa, koro gi nyɛ gee naa: Wòtorobéle sicɛrɛ maa ni yirigi nyanbeleye siin lariga ni, nyanbeleyi bee maa pye kanyɛɛnrɛ wóyo. 2#Tɛ̀ɛn 6:4-5 Wòtoroseliw maa pwɔɔ syɔɔnnyɛɛnyɛ na, á wòtoro-siin wów pwɔɔ syɔɔnwɔɔyɔ na, 3#Tɛ̀ɛn 6:2 á wòtoro taanri wów pwɔɔ syɔɔnfiiye na, á wòtoro sicɛrɛ wów pwɔɔ syɔɔnnyɛɛn-súruyo na, yee na tɛɛnyɔngɔ-nyɔngɔyɔ nyɛ lè. 4A mii syɛ́ɛnri láa n gi joo nyɛ̀ʔɛni tunduɔn ma, wee wi da ni nyuu ní mii ní lè, níì wi pye: «Yìí yi nyɛ wòtoro-syɔ́ɔnyi bee ni Kafɔlɔ?» 5#Tɛ̀ɛn 7:1 A nyɛ̀ʔɛni tunduɔn mii yari: «Nyɛ̀ʔɛgèle káfalaya sicɛrɛ yii, yee yi yirigi tɛ́ɛgee ni yi da pye lè woyéreye ní tári myɛ Kàfɔlɔ yɛ́ʔɛ ma.»
6Syɔɔnwɔɔyee na wòtorowee pwɔɔ lè, yoro i yirigi ni syée solomɔkulo tári kàbaan na. Syɔɔnfiiyi si i yirigi yee bee kurugo, á tɛɛ̀nyɔngɔ-nyɔngɔyi wóyo si i yirigi ni syée wòrogulo kàbangi na. 7A wonyɛɛnyi yiri, ní i gi nyɛ́ɛri pe gi yaʔa yoro í sa tári fǎn màʔa. A nyɛ̀ʔɛni tunduɔn yi pye: «Yaa syée ye sa tári fàn ye màʔa!» A yi sáà tári fàn n màʔa. 8A wi mii yeri níì mii pye: «Wéle, yee yi yirigi ni syée solomɔkulo tári kàbaan na lè, yoro a mii Pǐli fúngo tìrige solomɔkulo tári kurugo.»
Kanyaajoori fànʔafɔ-nyùndɔnni tɔ́nnɔ kéele na Zyozuwe nyúngi ni
9Yawe syɛ́ɛnri n nan mii na, wi n jo: 10«Ki n yɛlɛ mi yakaanyi syɔɔ wojo-mí-káribèle ma, pe lè Helidayi, ní Tobiya, ní Yedayeya, mɔ tiimaa a kári cángi bee na, mɔ a kári Zyozyasi kpaʔa ma wi lè Sofonii jáaw, beè be fala lè, pe yìri lè Babilɔni ma. 11Mɔ a wòlo wálifiiw, ní tɛ́ɛw ni bi tɛ́ʔɛ fànʔafɔ-nyùndɔngéle sámaga bi tɔ́n sáriga-wòlobèle kàfɔlɔ Zyozuwe nyúngi ni, wi lè Yehosadaki jáaw. 12#Zak 3:8; Zyer 23:5; 33:15 Mí gi joo wi ma mí jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Nànwaa wi wee, wee mɛ́ʔɛ be yiri lè Fíinge, tɛ́ɛgee ni wi nyɛ lè wi a fìín yiri yaà, si Yawe kpɔ̀ʔɔrɔli kpaʔa faan. 13Woro wi a Yawe kpɔ̀ʔɔrɔli kpaʔa faan. Woro na fǎngi fɛ̀ɛbēle a pye. Wi a tɛ́ɛn wi fàngoli na bàā fǎngi kpéʔele. Sáriga-wòloo a wɔ́ɔ pye wi taana wi fàngoli na, pe siinw a pínɛ bɛ̀ɛ nibin na.
14Fànʔafɔ-nyùndɔngèle a pye Helɛmi, ní Tobiya, ní Yedayeya, ní Sofonii jáaw Hɛn wòʔolo, bi pye sɔ̀ngudaara yáriga Yawe kpɔ̀ʔɔrɔli kpaʔa ni.
15Bele be léeli lè, poro a pan bi ba ra báara Yawe kpɔ̀ʔɔrɔli kpaʔa faanna na. Yele a gi cán bi cán Yawe wi lè Nyɛ̀ʔɛni Sùlasiibéle Kafɔlɔ, woro wi mii tun yele ma. Yele ga tɔ̀nɔ n kòro ni Yawe yele Kolocɔlɔw jóomɔ lúro, gee bee a kpéʔele.› »
Currently Selected:
Zakarii 6: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Zakarii 6
6
Yanyaa-kɔrɔtaanri wógi: Wòtorobèle sicɛrɛ kéele
1A mii níì nyapiigèle yìrige ni wéle, a mii yanyaagaa nyaa, koro gi nyɛ gee naa: Wòtorobéle sicɛrɛ maa ni yirigi nyanbeleye siin lariga ni, nyanbeleyi bee maa pye kanyɛɛnrɛ wóyo. 2#Tɛ̀ɛn 6:4-5 Wòtoroseliw maa pwɔɔ syɔɔnnyɛɛnyɛ na, á wòtoro-siin wów pwɔɔ syɔɔnwɔɔyɔ na, 3#Tɛ̀ɛn 6:2 á wòtoro taanri wów pwɔɔ syɔɔnfiiye na, á wòtoro sicɛrɛ wów pwɔɔ syɔɔnnyɛɛn-súruyo na, yee na tɛɛnyɔngɔ-nyɔngɔyɔ nyɛ lè. 4A mii syɛ́ɛnri láa n gi joo nyɛ̀ʔɛni tunduɔn ma, wee wi da ni nyuu ní mii ní lè, níì wi pye: «Yìí yi nyɛ wòtoro-syɔ́ɔnyi bee ni Kafɔlɔ?» 5#Tɛ̀ɛn 7:1 A nyɛ̀ʔɛni tunduɔn mii yari: «Nyɛ̀ʔɛgèle káfalaya sicɛrɛ yii, yee yi yirigi tɛ́ɛgee ni yi da pye lè woyéreye ní tári myɛ Kàfɔlɔ yɛ́ʔɛ ma.»
6Syɔɔnwɔɔyee na wòtorowee pwɔɔ lè, yoro i yirigi ni syée solomɔkulo tári kàbaan na. Syɔɔnfiiyi si i yirigi yee bee kurugo, á tɛɛ̀nyɔngɔ-nyɔngɔyi wóyo si i yirigi ni syée wòrogulo kàbangi na. 7A wonyɛɛnyi yiri, ní i gi nyɛ́ɛri pe gi yaʔa yoro í sa tári fǎn màʔa. A nyɛ̀ʔɛni tunduɔn yi pye: «Yaa syée ye sa tári fàn ye màʔa!» A yi sáà tári fàn n màʔa. 8A wi mii yeri níì mii pye: «Wéle, yee yi yirigi ni syée solomɔkulo tári kàbaan na lè, yoro a mii Pǐli fúngo tìrige solomɔkulo tári kurugo.»
Kanyaajoori fànʔafɔ-nyùndɔnni tɔ́nnɔ kéele na Zyozuwe nyúngi ni
9Yawe syɛ́ɛnri n nan mii na, wi n jo: 10«Ki n yɛlɛ mi yakaanyi syɔɔ wojo-mí-káribèle ma, pe lè Helidayi, ní Tobiya, ní Yedayeya, mɔ tiimaa a kári cángi bee na, mɔ a kári Zyozyasi kpaʔa ma wi lè Sofonii jáaw, beè be fala lè, pe yìri lè Babilɔni ma. 11Mɔ a wòlo wálifiiw, ní tɛ́ɛw ni bi tɛ́ʔɛ fànʔafɔ-nyùndɔngéle sámaga bi tɔ́n sáriga-wòlobèle kàfɔlɔ Zyozuwe nyúngi ni, wi lè Yehosadaki jáaw. 12#Zak 3:8; Zyer 23:5; 33:15 Mí gi joo wi ma mí jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Nànwaa wi wee, wee mɛ́ʔɛ be yiri lè Fíinge, tɛ́ɛgee ni wi nyɛ lè wi a fìín yiri yaà, si Yawe kpɔ̀ʔɔrɔli kpaʔa faan. 13Woro wi a Yawe kpɔ̀ʔɔrɔli kpaʔa faan. Woro na fǎngi fɛ̀ɛbēle a pye. Wi a tɛ́ɛn wi fàngoli na bàā fǎngi kpéʔele. Sáriga-wòloo a wɔ́ɔ pye wi taana wi fàngoli na, pe siinw a pínɛ bɛ̀ɛ nibin na.
14Fànʔafɔ-nyùndɔngèle a pye Helɛmi, ní Tobiya, ní Yedayeya, ní Sofonii jáaw Hɛn wòʔolo, bi pye sɔ̀ngudaara yáriga Yawe kpɔ̀ʔɔrɔli kpaʔa ni.
15Bele be léeli lè, poro a pan bi ba ra báara Yawe kpɔ̀ʔɔrɔli kpaʔa faanna na. Yele a gi cán bi cán Yawe wi lè Nyɛ̀ʔɛni Sùlasiibéle Kafɔlɔ, woro wi mii tun yele ma. Yele ga tɔ̀nɔ n kòro ni Yawe yele Kolocɔlɔw jóomɔ lúro, gee bee a kpéʔele.› »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.