Zakarii 3
3
Yanyaa-sicɛrɛ wógi: Sáriga-wòlobèle kàfɔlɔ Zyozuwe kéeli
1 #
Ɛsid 5:2; Tɛ̀ɛn 12:10 A wi Zyozuwe tɛ̀ɛn mii na wi lè sáriga-wòlobèle kàfɔlɔ, wi n pye woyéreo ní Yawe nyɛ̀ʔɛni tunduɔn yɛ́ʔɛ ma, á Sutanaw si i nyɛ woyéreo ní wi kàliige ma bàā sɔ́ɔn wi na. 2#Zyu 9 A Yawe nyɛ̀ʔɛni tunduɔn Sutanaw yari: «Yawe n yɛlɛ bi fúlo mɔ na, Sutana! Yawe n yɛlɛ bi fúlo mɔ na, woro wee wi Zyerusalɛmi nyɛ́nɛ n wòlo lè! Wee naa o nyɛ kàjenyungo, gee be kíle n yirige náagi ni lè ì?»
3Zyozuwe yaleri si maa pye wonɔnʔɔrɔ ní, wi si i nyɛ woyéreo ní nyɛ̀ʔɛni tunduɔn yɛ́ʔɛ ma. 4A wee bee syɛ́ɛnri láa n gi joo bele má be pye woyérebéle ní wi yɛʔɛ̀ ma lè, níì be pye: «Ye yalenɔnʔɔri wòlo wi na!» Ní náà Zyozuwe pye: «Wéle, mii i mɔ kolomi wóo bee mɔ na, si lɔgbanra yalere le mɔ na.»
5Mii n jo be fɔɔnrɔ fun nyùnbwɔʔɔ pwɔɔ wi nyúngi na! A be fɔɔnrɔ fun nyùnbwɔɔgi pwɔɔ wi nyúngi na, níì yaleri le wi na. Yawe nyɛ̀ʔɛni tunduɔn maa pye yaà woyéreo ní. 6Lǎli bee ni, a Yawe nyɛ̀ʔɛni tunduɔn syɛ́ɛnri naa joo n gbàn Zyozuwe ma, níì jo: 7«Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Mɔ ga ni táanri mii kóloyi ni, níì mii tundunri sámaga n cò, mɔ wi a pye mii kpáagi kèlē nyúngo na, si wɔ́ɔ ra mii kadàágèle kàragí, mii si tɛʔɛ kaan mɔ ma, bele nínge ni pe nyɛ nɛɛ naa lè woyérebéle ní.
Kolocɔlɔɔ a wi falipyew tórigo naa
8 #
Zak 6:12; Zyer 23:5; 33:15 « ‹Koro na sáriga-wòlobèle kàfɔlɔ Zyozuwe, ki n yɛlɛ mi lóʔo, mɔ ní mɔ pínɛnyɛnbèle ní be nyɛ wodɛ́ɛnbéle ní mɔ yɛ́ʔɛ ma lè! Níì cán nànbēle bɛɛ, bele be nyɛ lè fɛ̀ɛ. Mii wéle wee! Mii a mii falipyew tórigo naa wi nyɛ lè Fíinge. 9Níì cán kàdɛnɛgi mii tɛ́ʔɛ Zyozuwe yɛ́ʔɛ ma lè ki wéle gee: Nyapiigèlē kɔrɔsiin ge nyɛ kàdɛnɛgi naa nibin na. Sɛ́bɛri di yɛlɛ bi kánʔana wòlo gi na lè, mii tiimaa wi a di kánʔana wòlo gi na.› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. ‹Mii a tári naa kapeele láʔa di na canʔa nibin ni. 10#Mis 4:4 Cángi bee na yele a yeyɛɛ yeri bi pan ɛrɛzɛn tírigi, ní děsyaantiigi láara ma.› » Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.
Currently Selected:
Zakarii 3: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Zakarii 3
3
Yanyaa-sicɛrɛ wógi: Sáriga-wòlobèle kàfɔlɔ Zyozuwe kéeli
1 #
Ɛsid 5:2; Tɛ̀ɛn 12:10 A wi Zyozuwe tɛ̀ɛn mii na wi lè sáriga-wòlobèle kàfɔlɔ, wi n pye woyéreo ní Yawe nyɛ̀ʔɛni tunduɔn yɛ́ʔɛ ma, á Sutanaw si i nyɛ woyéreo ní wi kàliige ma bàā sɔ́ɔn wi na. 2#Zyu 9 A Yawe nyɛ̀ʔɛni tunduɔn Sutanaw yari: «Yawe n yɛlɛ bi fúlo mɔ na, Sutana! Yawe n yɛlɛ bi fúlo mɔ na, woro wee wi Zyerusalɛmi nyɛ́nɛ n wòlo lè! Wee naa o nyɛ kàjenyungo, gee be kíle n yirige náagi ni lè ì?»
3Zyozuwe yaleri si maa pye wonɔnʔɔrɔ ní, wi si i nyɛ woyéreo ní nyɛ̀ʔɛni tunduɔn yɛ́ʔɛ ma. 4A wee bee syɛ́ɛnri láa n gi joo bele má be pye woyérebéle ní wi yɛʔɛ̀ ma lè, níì be pye: «Ye yalenɔnʔɔri wòlo wi na!» Ní náà Zyozuwe pye: «Wéle, mii i mɔ kolomi wóo bee mɔ na, si lɔgbanra yalere le mɔ na.»
5Mii n jo be fɔɔnrɔ fun nyùnbwɔʔɔ pwɔɔ wi nyúngi na! A be fɔɔnrɔ fun nyùnbwɔɔgi pwɔɔ wi nyúngi na, níì yaleri le wi na. Yawe nyɛ̀ʔɛni tunduɔn maa pye yaà woyéreo ní. 6Lǎli bee ni, a Yawe nyɛ̀ʔɛni tunduɔn syɛ́ɛnri naa joo n gbàn Zyozuwe ma, níì jo: 7«Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Mɔ ga ni táanri mii kóloyi ni, níì mii tundunri sámaga n cò, mɔ wi a pye mii kpáagi kèlē nyúngo na, si wɔ́ɔ ra mii kadàágèle kàragí, mii si tɛʔɛ kaan mɔ ma, bele nínge ni pe nyɛ nɛɛ naa lè woyérebéle ní.
Kolocɔlɔɔ a wi falipyew tórigo naa
8 #
Zak 6:12; Zyer 23:5; 33:15 « ‹Koro na sáriga-wòlobèle kàfɔlɔ Zyozuwe, ki n yɛlɛ mi lóʔo, mɔ ní mɔ pínɛnyɛnbèle ní be nyɛ wodɛ́ɛnbéle ní mɔ yɛ́ʔɛ ma lè! Níì cán nànbēle bɛɛ, bele be nyɛ lè fɛ̀ɛ. Mii wéle wee! Mii a mii falipyew tórigo naa wi nyɛ lè Fíinge. 9Níì cán kàdɛnɛgi mii tɛ́ʔɛ Zyozuwe yɛ́ʔɛ ma lè ki wéle gee: Nyapiigèlē kɔrɔsiin ge nyɛ kàdɛnɛgi naa nibin na. Sɛ́bɛri di yɛlɛ bi kánʔana wòlo gi na lè, mii tiimaa wi a di kánʔana wòlo gi na.› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. ‹Mii a tári naa kapeele láʔa di na canʔa nibin ni. 10#Mis 4:4 Cángi bee na yele a yeyɛɛ yeri bi pan ɛrɛzɛn tírigi, ní děsyaantiigi láara ma.› » Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.