Isaías 16
16
Be'nn Moab ka' llajkoach ake' gan nzi Judá
1Xte gan nsi Selá latj dach yu billen,
be'nn ka' llnebian llsel ake' xhirda'o ake',
xte raw ya' ke Sión'na.
2Be'nn yell ke Moaben, raw yeo Arnón'na
nak ake' ka byinn ake' ba'ba bcheb ake'
ba llaxhonjdo gan zu xon akban.
3Lle ake' Sión'na:
Benchk xbab nench wkuejo neto',
na bkoej neto'.
Bchirj xhur ko'on tellan,
ke walle ke ga ba nak bagul,
be'e to ga su be'nn ka' ba bchach ake' yell,
bi waroero be'nn ka' llxhonjdon.
4Bkoej be'nn ka'
llxhonjen zak gan nzi Moaben.
Guk ka' to yo' ga su ake'
raw be'nn ka' llene wlleyi le aken.
Katen wayull dan llsakzin
na ba bde dan ba blleyin,
keten wayaj be'nnen llsakzin raw latj yell-li'on,
5to xhi'nn xhasoa Daviden wadolre yel wnebian,
to yel llnebia da ze war raw dan nak dawenan.
Gake to korchis be'nn gap ake' baran,
na gunee dalixhaj
na bi lliere gunee yel korchisen.
6Numbierello yel yarall xhen ke Moaben:
dan llunee ke lluntegare, raxhdao sib, na yel yarall ke'en,
na dan llebraz llne'e di'll kenxhie.
7Kelen'na yoyte be'nn Moab ka'
koell ake' nike latj yell-liw ke aken,
gazerawze gak akre
xtol be'nn ka' lla' Quir-haréset.
8Gan lla' lba uvas ke Hesbón, na Sibmá
ba bkoad aken,
le ba bxhoxjtin be'nn ka' lla' latj yell-liw yubren le aken.
Lba ke ka' bllin akten gan nzi Jazer,
na bllirj akten raw latj dach yu billen,
na lldeteren gan de nista'on.
9Kelen'na bella nike lba uvas ke Sibmá,
na leskakse nike Jazer,
na lldin nis rawa nike Hesbón, na Elalé,
le gan de daxhixh ke ake' ka, na dan warap aken
got wdil.
10Bill gat yel nbarazen, na dan gun ake' llakian raw yu lix ka',
bill gak llakia, na bill cha ake' nbaraz,
na nullno gul raw gan lla' lba uvas ka',
na bill wsi ake' uvas ka' nench'na kwej ake' zu ke uva.
Wabelli dan llak llakian.
11Xistit raxhdawan kan llun dan nzi arpa
xtol Moaben na Quir-haréset.
12Lakse cha Moaben chepe raw rum ka',
na wnabe xte llajchietere,
lakse cha chaje'e lo yodao ke'en lljachekw xhibe,
bitbi yel gukre ke'e gat.
13Danin nak diꞌll dan bnee Xanllon gunee ke Moaben kan batnate.
14Na na' nee Xanllon:
Ye chonn yiz,
kan llrab to be'nn lljane llin,
yel llze ke Moaben nullno chazrall len,
lakse nak ake' be'nn zan kwis,
yetxhonjze be'nn bi nar wagan.
Currently Selected:
Isaías 16: ZPUPAT
Highlight
Share
Copy
Want to have your highlights saved across all your devices? Sign up or sign in
Isaías 16
16
Be'nn Moab ka' llajkoach ake' gan nzi Judá
1Xte gan nsi Selá latj dach yu billen,
be'nn ka' llnebian llsel ake' xhirda'o ake',
xte raw ya' ke Sión'na.
2Be'nn yell ke Moaben, raw yeo Arnón'na
nak ake' ka byinn ake' ba'ba bcheb ake'
ba llaxhonjdo gan zu xon akban.
3Lle ake' Sión'na:
Benchk xbab nench wkuejo neto',
na bkoej neto'.
Bchirj xhur ko'on tellan,
ke walle ke ga ba nak bagul,
be'e to ga su be'nn ka' ba bchach ake' yell,
bi waroero be'nn ka' llxhonjdon.
4Bkoej be'nn ka'
llxhonjen zak gan nzi Moaben.
Guk ka' to yo' ga su ake'
raw be'nn ka' llene wlleyi le aken.
Katen wayull dan llsakzin
na ba bde dan ba blleyin,
keten wayaj be'nnen llsakzin raw latj yell-li'on,
5to xhi'nn xhasoa Daviden wadolre yel wnebian,
to yel llnebia da ze war raw dan nak dawenan.
Gake to korchis be'nn gap ake' baran,
na gunee dalixhaj
na bi lliere gunee yel korchisen.
6Numbierello yel yarall xhen ke Moaben:
dan llunee ke lluntegare, raxhdao sib, na yel yarall ke'en,
na dan llebraz llne'e di'll kenxhie.
7Kelen'na yoyte be'nn Moab ka'
koell ake' nike latj yell-liw ke aken,
gazerawze gak akre
xtol be'nn ka' lla' Quir-haréset.
8Gan lla' lba uvas ke Hesbón, na Sibmá
ba bkoad aken,
le ba bxhoxjtin be'nn ka' lla' latj yell-liw yubren le aken.
Lba ke ka' bllin akten gan nzi Jazer,
na bllirj akten raw latj dach yu billen,
na lldeteren gan de nista'on.
9Kelen'na bella nike lba uvas ke Sibmá,
na leskakse nike Jazer,
na lldin nis rawa nike Hesbón, na Elalé,
le gan de daxhixh ke ake' ka, na dan warap aken
got wdil.
10Bill gat yel nbarazen, na dan gun ake' llakian raw yu lix ka',
bill gak llakia, na bill cha ake' nbaraz,
na nullno gul raw gan lla' lba uvas ka',
na bill wsi ake' uvas ka' nench'na kwej ake' zu ke uva.
Wabelli dan llak llakian.
11Xistit raxhdawan kan llun dan nzi arpa
xtol Moaben na Quir-haréset.
12Lakse cha Moaben chepe raw rum ka',
na wnabe xte llajchietere,
lakse cha chaje'e lo yodao ke'en lljachekw xhibe,
bitbi yel gukre ke'e gat.
13Danin nak diꞌll dan bnee Xanllon gunee ke Moaben kan batnate.
14Na na' nee Xanllon:
Ye chonn yiz,
kan llrab to be'nn lljane llin,
yel llze ke Moaben nullno chazrall len,
lakse nak ake' be'nn zan kwis,
yetxhonjze be'nn bi nar wagan.
Currently Selected:
:
Highlight
Share
Copy
Want to have your highlights saved across all your devices? Sign up or sign in