Isaías 15
15
Dan gak konen Moaben
1Dan ze gak kone yell ke Moaben:
Tllele kan blleyi yell ke Ar,
kena guk dakenxhie ke Moaben,
Tllele kan blleyi Quir,
kena guk dakenxhie ke Moaben.
2Be'nn yell ke Dibón na, llep ake' lljachell ake'
yoda'on su raw rumen.
Moaben llakyachre kanaken ba blleyi
Nebo, na Medebá.
Yoy akte ba bkoan yichj aken yidze,
na rente ruxh ake' ka'.
3Raw tnez ka' zaj be'nn ka' kone xharan ake' zech ka',
yichjo ka' lla ake' llusia ake' llak akre.
Yoyte be'nn ka' lla' ake' raw ya ka' llak akre
na bell lolj ake'.
4Hesbón, na Elalé llnab ake' nu gakren le ake',
rente kaze gan nzi Jahas llusia ake'.
Kelen'na lleb be'nn waka ya ke Moaben
na llcheben le ake'.
5Raxhdawan llnaben nuxha gakren Moaben,
be'nn ke'e ka' llxhonjdo ake' llin akte gan nzi Soar, xte Eglat-selisiya.
Llep ake' bell ake' nezen zaj Luhit,
raw nezen zaj gan nzi Horonaim
llusia ake' lljel akre katk damaren ba guken.
6Bej ke Nimrim ba bayech aken,
ba biech yix ga ka',
ni to lay da nak da ya billbi de'.
7Kelen'na be'nn ka' llazi ake' yel wnia ke ake' ka'
na llasa aken zitlle gan su yeon nzi Álamos.
8Dan llusia ake' llnab akre gukren,
rentekaze doxhente gan nbanle Moaben,
dan bellyiach aken rentekazen gan nzi Eglaim
na rentekazen gan nzi Beer-elim.
9Lakse bej ke Dimón'na ba ballate yullen llen,
ne wsel-lla daxhenll da mar,
to bell yixh cheb-ba be'nn ka' wara gan nzi Moaben,
na be'nn ka' llagan kone yelnban raw yell-li'on.
Currently Selected:
Isaías 15: ZPUPAT
Highlight
Share
Copy
Want to have your highlights saved across all your devices? Sign up or sign in
