Isaías 12
12
Llul ake' da llwe ake' yel lluxken
1Ke lla'na new:
Lluna' yel lluxken ko'o, Xana,
le lakse gukllao nada',
yel llruk ko'on ba bden
na ba bayuno' nada' dan llzoa nbarazen.
2Dioznan llasra nada',
nxenlalla le'e, bi lleba.
Xanllon nake be'nn llkoaj nada', na llundipralle nada',
le'en nake wasra kia.
3Leskakse re' gak chajre to nbaraz kwis lljajre
gan za yel wasra ke Xanllon,
4Na ne're:
Lewe'e yel lluxken, na le walwill Xanllon,
leweren di'll be'nn ka' lla' latj yell-liw yubre da ka' ba benen,
le llajsarall ake', ke le'en llnebie'e raw yoyte da sjade.
5Legul da weraore Xanllon, le le'en ba benee to daxhen gazerawze
da llayal gumbiere doxhente yell-liw.
6Le gusia nench wroen ke llare llawere, be'nn sjalla raw ya' Sión,
le Dios Xhirall ke Israelen zoe'e radjren
konen doxhente yel zak xhen ke'en.
Currently Selected:
Isaías 12: ZPUPAT
Highlight
Share
Copy
Want to have your highlights saved across all your devices? Sign up or sign in
