NABI MALEAKI 4
4
Rahinan Ida Sang Hyang Widi Wasa pacang rauh
1Ida Sang Hyang Widi Wasa Sane Maha Kuasa masabda sapuniki: “Lakar ada masanne, dikalan sakancan jlemane ane sombong muah dursila kageseng buka sumine. Dimasanne totonan ia lakar basmi kerta, tur tusing ada ane enu magantulan. 2Nanging pabuat kita ane subakti teken Ulun, kawisesan Ulun ane ngrahayuang lakar endag buka suryane sig kitane, tur nyegerang kita buka sinar suryane. Kita lakar bebas tur liang buka godel sampine ane pesu uli badanne. 3Dimasan Ulune malaksana, ditu kita lakar ngalahang jlemane ane dursila, tur ia lakar buka abune ditelapakan batis kitane.
4Ingetangja paurukan parekan Ulune I Musa, pidabdab muah pituduh-pituduh ane paicayang Ulun teken ia di Gunung Sinai, ane patut katinutin baan sawatek wong Israele.
5Nanging satonden dina panemayan Ida Sang Hyang Widi Wasa ane luih muah ngresresin ento teka, Ulun lakar ngutus Nabi Elia nekain kita. 6Ia lakar mesikang parabapa ngajak parapianaknyane, apanga Ulun tusing buin rauh nguugang gumin kitane.”
Currently Selected:
NABI MALEAKI 4: BAN
Highlight
Share
Copy
Want to have your highlights saved across all your devices? Sign up or sign in
Today's Bali Bible “Cakepan Suci” © Indonesian Bible Society, 1990.