1 aKorinto 6
6
1Akhala mmoha a nyuwo otapanyanne ni munneiye mwa Kristu, ongwereya hai wuulummwa ni atthu oohiroromela, ohiya omuronghela ootteela? 2Khamusuwenle weera ootteela eniithorihe elapo? Mwathoriha elapo, muhingwera hai wuuluma milattu soottittimiheya vakhaani? 3Khamusuwenle weera nnaathorihe andyelo? Ankhatho itthu iye sa okumi ola! 4Tivawo, mwaarino milattu soolikana sa okumi ola, mwaakhalihe ntoko aphuki yaawo ari a ekerexa, hata ekhalaka oottittimiheya vakhaani. 5Kinghima yeeyo weera kiwuulihiheni muru. Weeraka khawowo mmoha variyariwanyu ori oosuwelaxa weera athorihe mulattu variyari wa axunneiye? 6Ongwereya hai muKristu mmoha omuronghela munneiye alipa oowuuluma milattu, ni yeeyo vamaithoni wa oohiroromela? 7Vano, wootherana mulattu variyariwanyu ti ethoonyero ya otapanya otokotoko. Ti wookupaleeleya ohaawa ohiroromeleya. Ti wookupaleeleya ohaawa moolokotthani. 8Ohiya yeeyo, ti nyuwo asineenaanyu mungwoothera milattu ni mwimpaka soonanara, ni eyo wa axunninyu! 9Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana, 10hata anamwiiya, hata anamilili, hata anamawura, hata anamwaapa, naari alipa angwaakha itthu asikhwaaya kheerwa yaakhela omwene wa Muluku. 11Hiiho yaari akina a nyuwo. Mene nyuwo moorapihiwa, mootteelihiwa, mohaakhuleliwa ni Muluku mwa Nsina na Apwiya Yeesu Kristu ni mwa Munepa wa Mulukwaahu.
Olavilavi
12“Sootheene kootthuniheriwa,” mene khasihiyono sootheene weera siri sookireera. “Sootheene kootthuniheriwa,” mene nkinrowa olamuliwa ni yakhalaru etthu. 13“Sooca sipakeliwe nipwiipwi ni nipwiipwi wa sooca,” mene Muluku anaaphwate soopiili. Vano, erutthu kheehiyono wa olavilavi, mene wa Apwiya, ni Apwiya wa erutthu. 14Muluku aahaavenyereriha Apwiya ni ikurusawe, ni Owo anaanivenyererihetho hiyo. 15Nyuwo khamusuwenle weera irutthusanyu siri mipatta sa erutthu ya Kristu? Vano, miyo nkikuxe mipatta sa Kristu weera kipake mipatta sa mapuuta? Hata vakhaani! 16Khamusuwenle weera yoole onkona ni mapuuta ti erutthu emoha ni yoowo? Vano, ntoko eneeriwaaya: “Ooweeli eniikhale erutthu emoha paahi.” 17Mene yoowo onkhala mwa Apwiya, ti munepa mmoha ni Yaawo. 18Mutthawe wa oraruwa. Soottheka sootheene mukina opankaawe, ompakiwa omokoni wa erutthu, mene yoowo onttheka mooraruwani, onttheka mweerutthunimwawe. 19Khamusuwenle weera erutthwaanyu ti empa ya Munepa Wootteela? Mohaakhela Owo wa Muluku, ni onkhala mwa nyuwo. Tivawo nyuwo khamuhiyono a nyuworu. 20Nyuwo moothummwa ni mutteengo. Tivawo, mumvuwihe Muluku ni erutthwaanyu.
Currently Selected:
1 aKorinto 6: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
1 aKorinto 6
6
1Akhala mmoha a nyuwo otapanyanne ni munneiye mwa Kristu, ongwereya hai wuulummwa ni atthu oohiroromela, ohiya omuronghela ootteela? 2Khamusuwenle weera ootteela eniithorihe elapo? Mwathoriha elapo, muhingwera hai wuuluma milattu soottittimiheya vakhaani? 3Khamusuwenle weera nnaathorihe andyelo? Ankhatho itthu iye sa okumi ola! 4Tivawo, mwaarino milattu soolikana sa okumi ola, mwaakhalihe ntoko aphuki yaawo ari a ekerexa, hata ekhalaka oottittimiheya vakhaani. 5Kinghima yeeyo weera kiwuulihiheni muru. Weeraka khawowo mmoha variyariwanyu ori oosuwelaxa weera athorihe mulattu variyari wa axunneiye? 6Ongwereya hai muKristu mmoha omuronghela munneiye alipa oowuuluma milattu, ni yeeyo vamaithoni wa oohiroromela? 7Vano, wootherana mulattu variyariwanyu ti ethoonyero ya otapanya otokotoko. Ti wookupaleeleya ohaawa ohiroromeleya. Ti wookupaleeleya ohaawa moolokotthani. 8Ohiya yeeyo, ti nyuwo asineenaanyu mungwoothera milattu ni mwimpaka soonanara, ni eyo wa axunninyu! 9Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana, 10hata anamwiiya, hata anamilili, hata anamawura, hata anamwaapa, naari alipa angwaakha itthu asikhwaaya kheerwa yaakhela omwene wa Muluku. 11Hiiho yaari akina a nyuwo. Mene nyuwo moorapihiwa, mootteelihiwa, mohaakhuleliwa ni Muluku mwa Nsina na Apwiya Yeesu Kristu ni mwa Munepa wa Mulukwaahu.
Olavilavi
12“Sootheene kootthuniheriwa,” mene khasihiyono sootheene weera siri sookireera. “Sootheene kootthuniheriwa,” mene nkinrowa olamuliwa ni yakhalaru etthu. 13“Sooca sipakeliwe nipwiipwi ni nipwiipwi wa sooca,” mene Muluku anaaphwate soopiili. Vano, erutthu kheehiyono wa olavilavi, mene wa Apwiya, ni Apwiya wa erutthu. 14Muluku aahaavenyereriha Apwiya ni ikurusawe, ni Owo anaanivenyererihetho hiyo. 15Nyuwo khamusuwenle weera irutthusanyu siri mipatta sa erutthu ya Kristu? Vano, miyo nkikuxe mipatta sa Kristu weera kipake mipatta sa mapuuta? Hata vakhaani! 16Khamusuwenle weera yoole onkona ni mapuuta ti erutthu emoha ni yoowo? Vano, ntoko eneeriwaaya: “Ooweeli eniikhale erutthu emoha paahi.” 17Mene yoowo onkhala mwa Apwiya, ti munepa mmoha ni Yaawo. 18Mutthawe wa oraruwa. Soottheka sootheene mukina opankaawe, ompakiwa omokoni wa erutthu, mene yoowo onttheka mooraruwani, onttheka mweerutthunimwawe. 19Khamusuwenle weera erutthwaanyu ti empa ya Munepa Wootteela? Mohaakhela Owo wa Muluku, ni onkhala mwa nyuwo. Tivawo nyuwo khamuhiyono a nyuworu. 20Nyuwo moothummwa ni mutteengo. Tivawo, mumvuwihe Muluku ni erutthwaanyu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.