2 Timoteo 1
1
Iramucho
1Paulo, mutumwa wamwa Kiristo Yesu. Gwa mafënji a Muungu gwa uhonga na iraghano ra ufanga në wë mukhatë amwa Kiristo Yesu. 2Kunë Timoteo, Mboto gëhe nanë majëghana ufuma kunë Muungu Tata nanë Kiristo Müküü witu.
Irombi ra Ufunya Asi
3Nene ngufunyaa asi kunë Muungu në nene ngumwitumëkëa gwa nkhoo në njija, mwino vatëndie va tata vane. Mu itungo në nene nguromba nëgukumbukiwe vee faka. 4Nene nëkumbukiwe mihori ako, na nene ngufenjaa mumwë nanë utiku ugona veve, gusoko nëdahe gijuwa uyanjo. 5Nene nëkumbukiwe uhuvëi wako wa tutë, uhuvëi naarë ugikhaa kunë nyokuu wako Loisi, nanë nyokwe Eunike na itungwee nene nëmanyie tutë ugëkhaa mukhatë ako.
Nkhani ya Ufefeheyi Kunë Timoteo
6Nene ngufenja veve ukumbukwe ugësoseya gëfewa ga Muungu nëgëmukhatë ako, ukëërëa mëkhono në nene naguvëkëa gunto ako. 7Gusoko Muungu inagufaa sese nkhoo a wova, ëgweeso wagufee sese nkhoo a udaho nanë uyanjo na nkhoo nëëmoomo. 8Uvii utaonee mënyaa umusudangëa Müküü witu, mbesa gusoko ane nene nënëmutungwa wakwe. Ëgweeso gwa udaho wa Muungu khuvëa na nene mung'ë a makhasëko ane gusoko a Sayu Njija.
Sayu Njija në Atendiwe Ëmanyëke Ukëërëa Kunë Kiristo Yesu
9Muungu wagutyoe sese na ugwëtaana sese itambëëmwe na iëtaanwa në ryeru. Ti uja wa mëëmo itu ëgweeso uja wa ndolyo akwe mughonjo nanë mboto unë mweeso wagufee sese mukhatë amwa Kiristo mëakha mingë nëakëire. 10Na itungwee wadahie gikunukuwa ukëërëa gidwëëya gwa Mutyoi witu Kiristo Yesu. Mweeso waheiye ikuya nanë wetie ufanga nanë ufanga wa khae na khae mu weru ukëërëa Sayu Njija.
Ukhuvëi wamwa Faulo na Sayu Njija
11Gusoko a Sayu Njija ëyëë nene nahwaniywe nëtënde në mutanantii na mutumami na musëyi. 12Gwa uvii nene nguvaara mwino nguvaara. Ëgweeso nene ntigona mënyaa, gusoko nëmumanyie wasuu në nene nëmuhuvëe. Nene nëmanyie tutë mwino mweeso wina udaho wa ugëghoja gasëë faka itiku ra mpeo, gasëë në mweeso wagëmpee.
Faulo Ugumuraghëëya Timoteo Gwa Nguu Atendeke Muhuvëi Gwa Sayu në Njija
13Honga nyinkhori a nkhani ya tutë në veve wadahie uyitëgheeya ufuma kunë nene, mung'ë a uhuvëi nanë uyanjo unë ë mung'ë amwa Kiristo Yesu. 14Ghoja tutë në adahie uvëkwa kunë veve gwa udaho wa Mwahu Mweru nëuguduvaa mukhatë itu.
Mwino Antu Vangëja Vigheete Usonge Amwa Faulo
15Nene nëmanyie tutë mwino veve umanyie mwino antu voong'e va umukoa wa Asia vandekie nee. Na mukhatë a vasaa në Figelo nanë Herimogene. 16Nene nguromba Müküü avafe gëhe antu va ukhaya amwa Onesiforo, gusoko mweeso faka wendie umëtenda nkhoo ane ëyanje. Mweeso inendaa gona mënyaa gusoko a nene utendeka në ugëtungo. 17Ëgweeso nënaa mweeso wafika u muji wa uRumi mweeso agampenja gwa nkumbu faka wang'anga. 18Müküü amufee mweeso gëhe mu Itiku ëroo ra mpeo. Veve umanyie vija utumami wakwe woong'e nëwaufunyiye kunë nene uko Efeso.
Currently Selected:
2 Timoteo 1: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.