YouVersion Logo
Search Icon

2 Fetero 1

1
1Simioni Fetero, mutumwa na mutumami wamwa Yesu Kiristo, kunë nyenye në mwahangie uhuvëi ururo mwino sese gwahangie ukëëra tütë a Muungu Tata witu nanë Yesu Kiristo Mutyoi.
2Mboto nanë majëghana ëtendeke gwa wingë kunë nyee mu umanyi wa Muungu nanë Yesu Müküü witu.
Iëtaana ra Muungu nanë Uhwanii wa Muungu
3Udaho wakwe wa gërungu wagufie sese mantu oong'e nëënoneye gwa ufanga na uduva uduvi wa umuyanjisya Muungu, ukëërëa umanyi wa Muungu unë wagwëtanie sese gwa üküü wakwe nanë uja në uja ino. 4Gusoko ëyëë mweeso wagufie sese maraghano në ina ughuri üküü nanë ina urito üküü, gwa ukëërëa mboto iyii nyenye mudahe ginegha ufuma ughoru në wë mu urëmi gusoko a nkumbu në mbë, na gutende gwina ukhuvëi mukhatë a ntundo a gëMuungu. 5Gusoko a soko ëyëë nyenye mwitintarye gongeeya uhuvëi wanyu itambëëmwe na uja, na uja itambëëmwe na umanyi. 6Kangë umanyi itambëëmwe na gibala mughonjo, na gibala mughonjo, itambëëmwe na ughëmu, na ughëmu itambëëmwe na uduvi wa umuyanjisya Muungu. 7Gunto a asaa, uduvi wa umuyanjisya Muungu itambëëmwe na uyanjo wa gënyandughu, na uyanjo wa gënyandughu itambëëmwe na uyanjo. 8Gusoko nësa mantu ayaa ëgutendeka anyu gwa wingë, meeso ëgumtenda nyee mukhome na ufafa nkhari munkhoo yanyu mung'ë a umanyi wa Müküü witu Yesu Kiristo. 9Gusoko muntu woong'e nëwayawurya mantu ayaa wë mwino muntu në mufoku nëatighune na waëviwe mwino Muungu wamwoyiye ufuma u mahutye a khae. 10Gwa uvii, aruna ane, tintaari gwa nguu uraghëëra iëtaanwa ranyu na uhwanii wanyu. Gusoko nësa nyenye mutenda uvii nyenye mutinjë ugwa u mahutye. 11Uvii mupewa gwa gëhë gingëa mung'ë a utemi wa khae na khae wa Müküü witu Mutyoi Yesu Kiristo.
Ndolyo a Keeti Ëyëë
12Gwa uvii nene naramwua ufwaghëëra umukumbukëya nyenye mantu ayaa, mbesa nyenye muyamanyie na ahinëntëe munkhoo yanyu gwa umëmanya tütë në nyenye mumëkweti. 13Nene ngughema në mwëmo wane, matungo oong'e në nëduvie mung'ë a mwëëre uruu, umufëtya nyenye gwa umukumbukëya. 14Gusoko nene nëmanyie mwino ikuya rane rahu mbeeraa mwino Müküü witu Yesu Kiristo wankhanëe nene. 15Na nene ninjë utintaara gwa nguu itungo nënahegha ufuma mu uduvi urui umutenda nyenye mudahe ukumbukwa mantu ayaa matungo oong'e.
Fetero nanë atumami vangëja vamuune Kiristo
16Gusoko sese gwinahongaa daaji mahumo nëëtendiwe na urëmu waanantu itungo nënaa sese gwendie umumanyisya udaho nanë ija ra Müküü witu Yesu Kiristo. Ëgweeso sese gwaghune gwa miho itu aghonjo weru wakwe në ukuu. 17Gusoko itungo në mweeso waghenyifa ikuryo nanë üküü ufuma kunë Muungu Tata na ruri ugaja kunë mweeso gwa üküü në üküü “Uyuu në Mwanane në muyanjwi wane, në nene nguyanjisiwa na mweeso ino.” 18Sese gwategheeye ruri urui ufuma girunde, gusoko sese arë gwitambëëmwe ginawe gunto a gëtanto në gëëru. 19Sese gwina ukhani wa gëdaghu watendie wa tutë nanguu. Nyenye mwinjë utenda vija go nëmwawutegheeya ukhani uruu. Ukhani uruu wë mwino gëmwëë nëgëëriye mung'ë a kiti. Gëmwëë ëkëë gëgwerya faka itiku nëgwacha na njota a diu nëadwëëra munkhoo yanyu. 20Intu në iküü nyenye inoneye mumanye ërëë mwino gutie udaghui wa Maandëko në Meru në muntu ugudaha uwudona gwa mafenji akwe. 21Gusoko gutie udaghui mbanduvë nëwajie ufuma gwa anantu, ëgweeso Mwahu Mweru wendie uveheera antu munkhoo yawe urighëëtya sayu nëëfumie kunë Muungu.

Currently Selected:

2 Fetero 1: RNT

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy