2 Yohana 1
1
1Munyampaa kunë mukhema në wahwaniywe nanë anaakwe, unë nene nëvanjëte tutë, na ti nene gutufu ëgweeso noo voong'e nëvëmëmanyie tutë, 2gusoko tutë ëgikhaa mukhatë itu na injë utendeka itambëëmwe nasee khae na khae.
3Mboto, gëhe, nanë majëghana injë utendeka itambëëmwe nasee, ufuma kunë Muungu Tata, nanë ufuma kunë Yesu Kiristo Mwana wamwa Tata, mu tutë nanë uyanjo.
Tutë na uyanjo
4Nene nëgayanja gukuu uhanga anaako vëgëtunga vëmëhongie tutë, mwino sese gwadahie uraghëëywa na Tata. 5Na itungwee nene nguguromba veve, mukhema gënya mwino nene aja ngugwandëkëa iraghëëyo në ifya, ëgweeso ëroo në sese gwarëhangie ufuma mwandyo, mwino sese gwiyanje mu muntu na muuyakwe. 6Na uruu unë uyanjo, uvii sese guhonge maraghëëyo akwe. Ërëë në iraghëëyo, mwino nyenye mwadahie utegheeya ufuma mwandyo, uvii nyenye muhonge uyanjo.
7Gusoko vegheeghe vingë vadahie uja mu urëmi. Veeso vëtiukumua mwino Yesu Kiristo wajie mu mwëërë. Muntu wasuu në mwegheeghe na mufëngi wamwa Kiristo. 8Ighoji nyenye aghonjo, mwino nyenye mutadahe uruvanga rasëë në gwatendie mwëëmo gusoko ayo, ëgweeso mudahe uhanga gënyamwëëmo nëgijue. 9Muntu gëkaku nëwenda umpeo na wadëa gikhaa mukhatë a isëyo ramwa Kiristo atimukweti Muungu. Mweeso në wikhee mukhatë a isëyo ramwa Kiristo ukweti mantu oong'e në avëë; Tata nanë Mwana. 10Nësa muntu gëkaku waja kunë nyenye na atiusëya isëyo ërëë, mutamughenyife mung'ë a nyumba mba mutarighëëtye na mweeso. 11Gusoko mweeso unë ugurëghëëtya na muntu wasuu ugukhuvëa ntendo yakwe në mbë.
Nkhani ya Umpeo
12Mbesa nene nëkweti mingë a gwandëka kunë nyenye, nene aja ntinjë utumëa ibada nane wino, ëgweeso ngufenja umwona nyenye na urighëëtya itambëëmwe nanyee usyu gwa usyu, gusoko uyanjo udahe ukhondeka. 13Vana va muhajaako nëwahwaniywe vëumuramucha nyenye.
Currently Selected:
2 Yohana 1: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.