Lburania 11
11
Ltung'ana oaata nkurukoto
1Kore nkurukoto naa sipata niata ajo kedede nenia baa nisiliguta, niata sipata ajo keasai nenia baa nimidolita. 2Naa tankaraki apa naata lmakui lang nkurukoto payie eterrepa ꞉Nkai ninche.
3 #
Ng'as 1:1; SNk 33:6,9; Yoa 1:3 Naa to nkurukoto nikiata kiteyieloutua nchere te rerei lenye eitibira ꞉Nkai nkop, metaa kore ntoki nalioo naa te nemelioo eitibiraki.
4 #
Ng'as 4:3–10
To nkurukoto eitaka ꞉Abel Nkai lasar supat olang le Kain. Naa tankaraki naata nkurukoto payie eikena ꞉Nkai ninye ajo loosipat, netachamayie lasar loo nkichoorot enyena. Naa kore abaki etua Abel, ewuon ake eirorita to nkurukoto.
5 #
Ng'as 5:21–24
To nkurukoto eiliepieki Enok aaya eitu eichamcham lkiye, neitu eitokini aadol amu keiliepie ꞉Nkai ninye aya chumata. Naaku kore eitu eiliepieki ninye, keterrepaki aajo keiting'ida Nkai. 6Kore naa tenemetii nkurukoto, meidimai payie eiting'idi Nkai, amu kore pooki olotu netii ninye, naa meata ajo payie meiruk nchere keatae Nkai, naa ninye nalak lolo ooyiaya ninye.
7 #
Ng'as 6:13–22
To nkurukoto etecheta Noa meli aitejeu nkang enye. Keyanyita Nkai natilika ntoki nalotuta neitu aikata edoli. Kore te inia asata enye e nkurukoto neitodol nkop pooki ajo kedung'okini nkiguana, kake neaku ninye lobo lo loosipat oaata nkurukoto.
8 #
Ng'as 12:1–5
To nkurukoto eyanyita ꞉Abraam Nkai payie eipot metung'ai nkop enye alo nkae ng'oji naaku kenya nenye. Neinyuototo aing'uaa inia kop abaki meyielo neloito. 9#Ng'as 35:27To nkurukoto eiwuoto alo amany nebik te inia kop naisiligieki ana lomoni, newuon taatua nkajijik nemebikieki ana neikuna tesiedi Isaka o Yakobo oichoo sii ꞉Nkai ilo lekutuk. 10Amu keanyuta apa ninye ilo kerenket obik ntarasi laa kore ilo oitibira nechet naa Nkai. 11#Ng'as 18:11–14, 21:2Naa to nkurukoto apa etumo abaki Sara nkidimata natang'asunyie ichoi o Abraam abaki etaarrarra ninye oleng, nera sii olipi, amu keiruko ilo oitaka Abraam lekutuk. 12#Ng'as 15:5, 22:17, 32:12Naaku kore te ilo payian obo, neiuni ichoi nawuana lakir le ai newuana sunyai lemeikenai le nchepata e mpaso, abaki etaarrarra oleng.
13 #
Ng'as 23:4; 1Ng'a 29:15; SNk 39:12 Kore kulo tung'ana pooki#11:13 Kore kulo tung'ana pooki naa keidimai payie eipirita ltung'ana pooki ooipotoki tana motua, kake kore amu Abraam o Sara o ichoi enche apa naatumo lekutuk le Nkai ajo keichoo ninche nkop, naaku ninche eipirita. naa ketuata eiruko Nkai neitu eng'amaa mbaa naaisiligie ꞉Nkai ninche. Ketoduaa ake ewuon elakua, neng'ida neiken aajo kera ninche lomon o lapuayak to nkop. 14Kore lolo oojo kuna baa naa keitodolu nchere keyieita nkop nara nenche. 15Tanaa keparraa apa inia kop natung'aitie, anata apa etumo mpaach nachukore. 16Kake keng'uarrita apa ninche nkang e chumata nara nkop supat alang inia. Naaku menya ꞉Nkai anyit teneipoti aajo Nkai enche amu keitibiraka ninche nkang te chumata.
17 #
Ng'as 22:1–14
To nkurukoto apa etejo Abraam ntai ꞉Isaka metaa lasar payie esaan ꞉Nkai ajoki meitai. Ilo Abraam oatang'amayie lekutuk le Nkai, oitayia layieni lenye obo ake metaa lasar, 18#Ng'as 21:12abaki etiaka ꞉Nkai ninye, nchere <<Ichoi e Isaka kenya eipoti aajo le ntalipa ino.>> 19Keikena ninye ajo keidim Nkai aitipiu lootuata, naa ketuwuana ketuchukokaki Abraam layieni lenye eing'uaa lkiye.
20 #
Ng'as 27:27–29,39,40 To nkurukoto etamayianaka ꞉Isaka Yakobo o Esao mbaa naawuon kenya epuonu.
21 #
Ng'as 48:1–20,
Ng'as 47:31
To nkurukoto etamayiana ꞉Yakobo layiok le Yosep, eirrigo atukuny sobua enye asai Nkai etaa keye.
22 #
Ng'as 50:24,25; Nai 13:19 To nkurukoto eimaka Yosep naidurra ee ltung'ana loo Isirael to nkop e Misiri neitoki aitaarriyianaki ninche neiko loik lenyena. Ketejo ana, etaa kedung'o tau.
23 #
Nai 2:2,
Nai 1:22
To nkurukoto eisudoitie ntoiwuo e Musa Musa payie eini amu ketoduaa aajo kera nkerai ee mbene neitu euriei ninche nkitanapata e lkinkii.
24 #
Nai 2:10–12
To nkurukoto etanya Musa eji layieni le ntito e Parao payie ebulu. 25Ketegelua ninye meitami sina tenebo o ltung'ana le Nkai alang teneng'idakino ng'ok te nkiti kata. 26Nechamaa meitami anyit ana naitamaki apa Kristo, alang teneng'idakino parakuoicho e Misiri, neipirie nkonyek enyena inia laata kenya natum. 27To nkurukoto etung'ayie ninye Misiri meurie lkinkii le inia kop, neng'iri ana ltung'ani otoduaa ilo lemelioo. 28#Nai 12:21–30To nkurukoto etama Musa ntasim e Pasaka neelie lodo nkutukie ee nkajijik metaa mear ilo malaika oitanapaki metara lkikaun, lkikaun lenche.
29 #
Nai 14:21–31
To nkurukoto etalang'a ltung'ana loo Isirael mpaso naji Mpaso Nanyiekie aaim atuwuana ake nkop natoyio eimita, kake kore payie ejo ltung'ana loo Lmisiri entalang, neya ninche ꞉mpaso.
30 #
Yoch 6:12–21
To nkurukoto apa etuurori sunta e lkerenket le Yeriko, payie eman ltung'ana loo Isirael aaigilu mperot sapa ana natiaka ꞉Nkai.
31 #
Yoch 6:22–25,
Yoch 2:1–21
To nkurukoto apa eima milayoi naji Raab aras e kumojik eitu eri tenebo ꞉lolo oaatanya ening Nkai amu keitoomono neisudoo ltung'ana oochomo aaikitalan inia kop.
32 #
Lar 6:11—8:32,
Lar 4:6—5:31,
Lar 13:2—16:31,
Lar 11:1—12:7,
1Sam 16:1—1Lki 2:11,
1Sam 1:1—25:1
Kaa ae newuon aliki ntae? Maata nkata naimakinyie Gideon o Barak o Samson o Yepat, Daudi o Samuel o loibonok le Nkai. 33#Dan 6:1–27Kore to nkurukoto ketimira ninche lochon, netaasa naasipa, neng'amu lekutukie le Nkai, neikeno nkutukie ee lng'atunyo, 34#Dan 3:1–30near nkima naiyupuyup, netapaachere lkiye la lalem. Neibelekenyi nchalan enche metaa ngolon, neisul ta larrabal nemir njorin ee lmang'aterei. 35#1Lki 17:17–24; 2Lki 4:25–37Kore ntomonok naatuata nkera enche, nechukokini eitipiwuaki. Kore lkulikae, neitamaki sina neany elakuni amu keikena aajo ketum kenya nkichon ee ntarasi te inia piunoto supat e siedi. 36#1Lki 22:26,27; 2Ng'a 18:25,26; Yer 20:2, 37:15, 38:6Ketediaaki neidong'i lkulikae, tapala abaki ajo inia, keteenaki abaki nepiki jila. 37#2Ng'a 24:21Netanang'aki lkulie aar metuata too soito, nesachi lbata lenche katare, neri lkulie metuata taa lalema, nebik lkulie eichopito ndapan ee nkineji o nee nkerra, neng'oriki mbaa e nkichon, neitami sina, neri metuata. 38Neaku nkop ng'oji nemeichiaakino ninche, nemanmanaa tee lkeesi o ldonyuo, ejing'aa nkapunia o udot e nkop.
39Kore kulo tung'ana pooki naa keterrepaki tankaraki nkurukoto enche, kake eitu etum inia natejo apa Nkai keicho. 40Amu ketegelaka apa iyioo pooki Nkai mbae supat naaku meyieu ninye payie ebaya ninche mikitii iyioo.
Currently Selected:
Lburania 11: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
Lburania 11
11
Ltung'ana oaata nkurukoto
1Kore nkurukoto naa sipata niata ajo kedede nenia baa nisiliguta, niata sipata ajo keasai nenia baa nimidolita. 2Naa tankaraki apa naata lmakui lang nkurukoto payie eterrepa ꞉Nkai ninche.
3 #
Ng'as 1:1; SNk 33:6,9; Yoa 1:3 Naa to nkurukoto nikiata kiteyieloutua nchere te rerei lenye eitibira ꞉Nkai nkop, metaa kore ntoki nalioo naa te nemelioo eitibiraki.
4 #
Ng'as 4:3–10
To nkurukoto eitaka ꞉Abel Nkai lasar supat olang le Kain. Naa tankaraki naata nkurukoto payie eikena ꞉Nkai ninye ajo loosipat, netachamayie lasar loo nkichoorot enyena. Naa kore abaki etua Abel, ewuon ake eirorita to nkurukoto.
5 #
Ng'as 5:21–24
To nkurukoto eiliepieki Enok aaya eitu eichamcham lkiye, neitu eitokini aadol amu keiliepie ꞉Nkai ninye aya chumata. Naaku kore eitu eiliepieki ninye, keterrepaki aajo keiting'ida Nkai. 6Kore naa tenemetii nkurukoto, meidimai payie eiting'idi Nkai, amu kore pooki olotu netii ninye, naa meata ajo payie meiruk nchere keatae Nkai, naa ninye nalak lolo ooyiaya ninye.
7 #
Ng'as 6:13–22
To nkurukoto etecheta Noa meli aitejeu nkang enye. Keyanyita Nkai natilika ntoki nalotuta neitu aikata edoli. Kore te inia asata enye e nkurukoto neitodol nkop pooki ajo kedung'okini nkiguana, kake neaku ninye lobo lo loosipat oaata nkurukoto.
8 #
Ng'as 12:1–5
To nkurukoto eyanyita ꞉Abraam Nkai payie eipot metung'ai nkop enye alo nkae ng'oji naaku kenya nenye. Neinyuototo aing'uaa inia kop abaki meyielo neloito. 9#Ng'as 35:27To nkurukoto eiwuoto alo amany nebik te inia kop naisiligieki ana lomoni, newuon taatua nkajijik nemebikieki ana neikuna tesiedi Isaka o Yakobo oichoo sii ꞉Nkai ilo lekutuk. 10Amu keanyuta apa ninye ilo kerenket obik ntarasi laa kore ilo oitibira nechet naa Nkai. 11#Ng'as 18:11–14, 21:2Naa to nkurukoto apa etumo abaki Sara nkidimata natang'asunyie ichoi o Abraam abaki etaarrarra ninye oleng, nera sii olipi, amu keiruko ilo oitaka Abraam lekutuk. 12#Ng'as 15:5, 22:17, 32:12Naaku kore te ilo payian obo, neiuni ichoi nawuana lakir le ai newuana sunyai lemeikenai le nchepata e mpaso, abaki etaarrarra oleng.
13 #
Ng'as 23:4; 1Ng'a 29:15; SNk 39:12 Kore kulo tung'ana pooki#11:13 Kore kulo tung'ana pooki naa keidimai payie eipirita ltung'ana pooki ooipotoki tana motua, kake kore amu Abraam o Sara o ichoi enche apa naatumo lekutuk le Nkai ajo keichoo ninche nkop, naaku ninche eipirita. naa ketuata eiruko Nkai neitu eng'amaa mbaa naaisiligie ꞉Nkai ninche. Ketoduaa ake ewuon elakua, neng'ida neiken aajo kera ninche lomon o lapuayak to nkop. 14Kore lolo oojo kuna baa naa keitodolu nchere keyieita nkop nara nenche. 15Tanaa keparraa apa inia kop natung'aitie, anata apa etumo mpaach nachukore. 16Kake keng'uarrita apa ninche nkang e chumata nara nkop supat alang inia. Naaku menya ꞉Nkai anyit teneipoti aajo Nkai enche amu keitibiraka ninche nkang te chumata.
17 #
Ng'as 22:1–14
To nkurukoto apa etejo Abraam ntai ꞉Isaka metaa lasar payie esaan ꞉Nkai ajoki meitai. Ilo Abraam oatang'amayie lekutuk le Nkai, oitayia layieni lenye obo ake metaa lasar, 18#Ng'as 21:12abaki etiaka ꞉Nkai ninye, nchere <<Ichoi e Isaka kenya eipoti aajo le ntalipa ino.>> 19Keikena ninye ajo keidim Nkai aitipiu lootuata, naa ketuwuana ketuchukokaki Abraam layieni lenye eing'uaa lkiye.
20 #
Ng'as 27:27–29,39,40 To nkurukoto etamayianaka ꞉Isaka Yakobo o Esao mbaa naawuon kenya epuonu.
21 #
Ng'as 48:1–20,
Ng'as 47:31
To nkurukoto etamayiana ꞉Yakobo layiok le Yosep, eirrigo atukuny sobua enye asai Nkai etaa keye.
22 #
Ng'as 50:24,25; Nai 13:19 To nkurukoto eimaka Yosep naidurra ee ltung'ana loo Isirael to nkop e Misiri neitoki aitaarriyianaki ninche neiko loik lenyena. Ketejo ana, etaa kedung'o tau.
23 #
Nai 2:2,
Nai 1:22
To nkurukoto eisudoitie ntoiwuo e Musa Musa payie eini amu ketoduaa aajo kera nkerai ee mbene neitu euriei ninche nkitanapata e lkinkii.
24 #
Nai 2:10–12
To nkurukoto etanya Musa eji layieni le ntito e Parao payie ebulu. 25Ketegelua ninye meitami sina tenebo o ltung'ana le Nkai alang teneng'idakino ng'ok te nkiti kata. 26Nechamaa meitami anyit ana naitamaki apa Kristo, alang teneng'idakino parakuoicho e Misiri, neipirie nkonyek enyena inia laata kenya natum. 27To nkurukoto etung'ayie ninye Misiri meurie lkinkii le inia kop, neng'iri ana ltung'ani otoduaa ilo lemelioo. 28#Nai 12:21–30To nkurukoto etama Musa ntasim e Pasaka neelie lodo nkutukie ee nkajijik metaa mear ilo malaika oitanapaki metara lkikaun, lkikaun lenche.
29 #
Nai 14:21–31
To nkurukoto etalang'a ltung'ana loo Isirael mpaso naji Mpaso Nanyiekie aaim atuwuana ake nkop natoyio eimita, kake kore payie ejo ltung'ana loo Lmisiri entalang, neya ninche ꞉mpaso.
30 #
Yoch 6:12–21
To nkurukoto apa etuurori sunta e lkerenket le Yeriko, payie eman ltung'ana loo Isirael aaigilu mperot sapa ana natiaka ꞉Nkai.
31 #
Yoch 6:22–25,
Yoch 2:1–21
To nkurukoto apa eima milayoi naji Raab aras e kumojik eitu eri tenebo ꞉lolo oaatanya ening Nkai amu keitoomono neisudoo ltung'ana oochomo aaikitalan inia kop.
32 #
Lar 6:11—8:32,
Lar 4:6—5:31,
Lar 13:2—16:31,
Lar 11:1—12:7,
1Sam 16:1—1Lki 2:11,
1Sam 1:1—25:1
Kaa ae newuon aliki ntae? Maata nkata naimakinyie Gideon o Barak o Samson o Yepat, Daudi o Samuel o loibonok le Nkai. 33#Dan 6:1–27Kore to nkurukoto ketimira ninche lochon, netaasa naasipa, neng'amu lekutukie le Nkai, neikeno nkutukie ee lng'atunyo, 34#Dan 3:1–30near nkima naiyupuyup, netapaachere lkiye la lalem. Neibelekenyi nchalan enche metaa ngolon, neisul ta larrabal nemir njorin ee lmang'aterei. 35#1Lki 17:17–24; 2Lki 4:25–37Kore ntomonok naatuata nkera enche, nechukokini eitipiwuaki. Kore lkulikae, neitamaki sina neany elakuni amu keikena aajo ketum kenya nkichon ee ntarasi te inia piunoto supat e siedi. 36#1Lki 22:26,27; 2Ng'a 18:25,26; Yer 20:2, 37:15, 38:6Ketediaaki neidong'i lkulikae, tapala abaki ajo inia, keteenaki abaki nepiki jila. 37#2Ng'a 24:21Netanang'aki lkulie aar metuata too soito, nesachi lbata lenche katare, neri lkulie metuata taa lalema, nebik lkulie eichopito ndapan ee nkineji o nee nkerra, neng'oriki mbaa e nkichon, neitami sina, neri metuata. 38Neaku nkop ng'oji nemeichiaakino ninche, nemanmanaa tee lkeesi o ldonyuo, ejing'aa nkapunia o udot e nkop.
39Kore kulo tung'ana pooki naa keterrepaki tankaraki nkurukoto enche, kake eitu etum inia natejo apa Nkai keicho. 40Amu ketegelaka apa iyioo pooki Nkai mbae supat naaku meyieu ninye payie ebaya ninche mikitii iyioo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy