Lev 4
4
1Kandi Nyakubaho akagira Musa ati: 2Gambira Abaisiraeli oti: Omuntu weena ku arikora ekibi atakikozire nkana, ekikwatiraine n'ebi Nyowe Nyakubaho ndagiire ngu bitarikorwa, haza yaakora kimwe aharibyo, 3ku ariba ari omuhongyerezi omukuru yaakora ekibi, yaareetera eihanga orubanja, aryahongyera Nyakubaho enimi nto etaine kamogo ahabw'ekibi ki akozire; ebe ekitambo ky'okukihongyerera. 4Aryareeta enimi omu maisho ga Nyakubaho, aha muryango gw'eihema ry'okubugabuganiramu; ate omukono gwe aha mutwe gw'egyo nimi, agiitire omu maisho ga Nyakubaho. 5Reero omuhongyerezi omukuru, aha shagama y'egyo nimi aiheho nkye agitware aha ihema ry'okubugabuganiramu; 6akoze orukumu rwe omuri egyo shagama, arumiisiize egyo shagama emirundi mushanju omu maisho ga Nyakubaho omu Mwanya Ogurikwera. 7Kandi ogwo muhongyerezi akore ahari egyo shagama, agisiigye amahembe g'eitambiro ry'okwotereraho obubaani oburikutaamirana omugaju omu maisho ga Nyakubaho, eriri omu ihema ry'okubugabuganiramu. Reero eshagama y'egyo nimi eraatsigareho agishukye omu mizi y'eitambiro ry'ebitambo bicwekize, eriri aha muryango gw'eihema ry'okubugabuganiramu.
8Ebishaju byona eby'egyo nimi y'okuhongyerera ekibi, nibyo ebishaju ebishweka enyama z'omunda, ebishaju byona ebizishwekire, 9n'entsigo zombi hamwe n'ebishaju byazo, n'eby'aha mugongo, n'ez'akashaabo ez'aha kine, aziiheho hamwe n'ezo ntsigo. 10Nk'oku ziihwa aha nimi y'ekitambo ky'okurya kumwe, ogwo muhongyerezi azookyeze aha itambiro ry'ebitambo by'okucwetsya.
11Haza oruhu rw'egyo nimi n'enyama zaayo zoona n'omutwe gwayo n'ebivune byayo n'eby'omunda byayo n'efa yaayo, 12abitware aheeru y'orusiisira omu mwanya gushoroirwe ogu baatamu eiju rya kashenda abe niyo yaabyokyeza.
Okuhongyerera ekibi ky'eihanga ryona
13Eihanga ry'Abaisiraeli ku ririkora ekibi ritakikozire nkana, kitaamanywa abateeraniire aho, ryakora kimwe aha bi Ruhanga yaabazibiire, baagiibwaho orubanja; 14ekibi ki bakozire ku kirimanywa, abateeraniire aho baryahonga enimi nto, ebe ekitambo ky'okuhongyerera ekyo kibi; bagireete omu maisho g'eihema ry'okubugabuganiramu. 15Abakuru b'omuri eryo ihanga bate emikono aha mutwe gw'egyo nimi bagiitire omu maisho ga Nyakubaho.
16Reero omuhongyerezi omukuru akore aha shagama y'egyo nimi agireete aha ihema ry'okubugabuganiramu; 17akoze orukumu omuri egyo shagama, arugimiisiize emirundi mushanju omu maisho ga Nyakubaho aharikureebana n'omukingo. 18Kandi agisiigye aha mahembe g'eitambiro eriri omu maisho ga Nyakubaho omu ihema eribugabuganirwamu. Reero eshagama eraatsigareho agishukye omu mizi y'eitambiro ry'ebitambo by'okucwetsya eriri aha muryango gw'eryo ihema. 19Kandi ebishaju byayo byona abiiheho, abyokyeze aha itambiro. 20Haza egyo nimi agitwaze nk'oku yaagizire enimi y'okuhongyerera ekibi. Okwo abe nikwo yaatwaza n'egi. Reero omuhongyerezi abakarabire babone kusaasirwa. 21Kandi egyo nimi agitware aheeru y'orusiisira agyokyezeyo, nk'oku yaayokize enimi eri ey'okubanza. Ekyo nikyo kitambo ky'okuhongyerera ekibi ky'eihanga.
Okuhongyerera ekibi ky'abakuru b'eihanga
22Omutegyeki ku arikora ekibi ahari ebyo byona ebi Mukama Ruhanga yaazibiire, atakikozire nkana, kyamureetera orubanja; 23ekibi ki akozire ku barikimwemeza, aryareeta empaya y'embuzi etaine kamogo ebe empongano ye. 24Reero ate omukono gwe aha mutwe gw'egyo mpaya, kandi agiitire omu maisho ga Nyakubaho, ahi baitira enyamaishwa y'ekitambo ky'okucwetsya. Egyo n'empongano y'ekibi.
25Bwanyima omuhongyerezi akoze orukumu omu shagama y'ekitambo ky'okuhongyerera ekibi, agisiigye aha mahembe g'eitambiro, eshagama eraatsigareho agishukye omu mizi yaaryo. 26Ebishaju byayo byona abyokyeze aha itambiro, nk'oku batwaza ebishaju by'ekitambo ky'okurya kumwe. Omuhongyerezi atyo amukarabire ahabw'ekibi kye, n'onu abone kusaasirwa.
Okuhongyerera ekibi ky'omuntu w'obutoosha
27Kandi omuntu weena ow'omu b'eihanga ku arikora ekibi, yaakora kimwe aha bi Mukama yaazibiire, atakikozire nkana, yaagiibwaho orubanja, 28ekibi ki akozire ku barikimwemeza, aryareeta empongano y'omwagazi gw'embuzi gutaine kamogo ahabw'ekibi ki akozire. 29Mpaho ate omukono aha mutwe gwagwo, agwitire ahi baitira enyamaishwa y'ebitambo by'okucwetsya. 30Reero omuhongyerezi akoze orukumu omu shagama yaayo, agisiigye aha mahembe g'eitambiro, eshagama eraatsigareho agishukye omu mizi yaaryo. 31Haza aiheho ebishaju byayo byona nk'oku babiiha aha bitambo by'okurya kumwe, abyokyeze aha itambiro, bibe ekisooroora ky'okugwisa gye. Atyo amukarabire, n'onu abone kusaasirwa.
32Ku aritoija omwana gw'entaama guri empongano y'ekibi kye, areete omwagazi gutaine kamogo. 33Mpaho ate omukono gwe aha mutwe gwagwo, kandi agwitire ahi baitira enyamaishwa z'ekitambo ky'okucwetsya. 34Bwanyima omuhongyerezi akoze orukumu omu shagama y'ekitambo ky'okuhongyerera ekibi, agisiigye aha mahembe g'eitambiro, eshagama yaagwo eraatsigareho agishukye omu mizi yaaryo. 35Haza aiheho ebishaju byagwo byona nk'oku babiiha aha mwana gw'entaama ogw'ekitambo ky'okurya kumwe, abyokyeze aha itambiro, hamwe n'ebitambo ebi bookyeza Nyakubaho. Atyo omuhongyerezi amukarabire ahabw'ekibi ki akozire, n'onu abone kusaasirwa.
Ebindi eby'okuhongyerera ekibi
Currently Selected:
Lev 4: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Lev 4
4
1Kandi Nyakubaho akagira Musa ati: 2Gambira Abaisiraeli oti: Omuntu weena ku arikora ekibi atakikozire nkana, ekikwatiraine n'ebi Nyowe Nyakubaho ndagiire ngu bitarikorwa, haza yaakora kimwe aharibyo, 3ku ariba ari omuhongyerezi omukuru yaakora ekibi, yaareetera eihanga orubanja, aryahongyera Nyakubaho enimi nto etaine kamogo ahabw'ekibi ki akozire; ebe ekitambo ky'okukihongyerera. 4Aryareeta enimi omu maisho ga Nyakubaho, aha muryango gw'eihema ry'okubugabuganiramu; ate omukono gwe aha mutwe gw'egyo nimi, agiitire omu maisho ga Nyakubaho. 5Reero omuhongyerezi omukuru, aha shagama y'egyo nimi aiheho nkye agitware aha ihema ry'okubugabuganiramu; 6akoze orukumu rwe omuri egyo shagama, arumiisiize egyo shagama emirundi mushanju omu maisho ga Nyakubaho omu Mwanya Ogurikwera. 7Kandi ogwo muhongyerezi akore ahari egyo shagama, agisiigye amahembe g'eitambiro ry'okwotereraho obubaani oburikutaamirana omugaju omu maisho ga Nyakubaho, eriri omu ihema ry'okubugabuganiramu. Reero eshagama y'egyo nimi eraatsigareho agishukye omu mizi y'eitambiro ry'ebitambo bicwekize, eriri aha muryango gw'eihema ry'okubugabuganiramu.
8Ebishaju byona eby'egyo nimi y'okuhongyerera ekibi, nibyo ebishaju ebishweka enyama z'omunda, ebishaju byona ebizishwekire, 9n'entsigo zombi hamwe n'ebishaju byazo, n'eby'aha mugongo, n'ez'akashaabo ez'aha kine, aziiheho hamwe n'ezo ntsigo. 10Nk'oku ziihwa aha nimi y'ekitambo ky'okurya kumwe, ogwo muhongyerezi azookyeze aha itambiro ry'ebitambo by'okucwetsya.
11Haza oruhu rw'egyo nimi n'enyama zaayo zoona n'omutwe gwayo n'ebivune byayo n'eby'omunda byayo n'efa yaayo, 12abitware aheeru y'orusiisira omu mwanya gushoroirwe ogu baatamu eiju rya kashenda abe niyo yaabyokyeza.
Okuhongyerera ekibi ky'eihanga ryona
13Eihanga ry'Abaisiraeli ku ririkora ekibi ritakikozire nkana, kitaamanywa abateeraniire aho, ryakora kimwe aha bi Ruhanga yaabazibiire, baagiibwaho orubanja; 14ekibi ki bakozire ku kirimanywa, abateeraniire aho baryahonga enimi nto, ebe ekitambo ky'okuhongyerera ekyo kibi; bagireete omu maisho g'eihema ry'okubugabuganiramu. 15Abakuru b'omuri eryo ihanga bate emikono aha mutwe gw'egyo nimi bagiitire omu maisho ga Nyakubaho.
16Reero omuhongyerezi omukuru akore aha shagama y'egyo nimi agireete aha ihema ry'okubugabuganiramu; 17akoze orukumu omuri egyo shagama, arugimiisiize emirundi mushanju omu maisho ga Nyakubaho aharikureebana n'omukingo. 18Kandi agisiigye aha mahembe g'eitambiro eriri omu maisho ga Nyakubaho omu ihema eribugabuganirwamu. Reero eshagama eraatsigareho agishukye omu mizi y'eitambiro ry'ebitambo by'okucwetsya eriri aha muryango gw'eryo ihema. 19Kandi ebishaju byayo byona abiiheho, abyokyeze aha itambiro. 20Haza egyo nimi agitwaze nk'oku yaagizire enimi y'okuhongyerera ekibi. Okwo abe nikwo yaatwaza n'egi. Reero omuhongyerezi abakarabire babone kusaasirwa. 21Kandi egyo nimi agitware aheeru y'orusiisira agyokyezeyo, nk'oku yaayokize enimi eri ey'okubanza. Ekyo nikyo kitambo ky'okuhongyerera ekibi ky'eihanga.
Okuhongyerera ekibi ky'abakuru b'eihanga
22Omutegyeki ku arikora ekibi ahari ebyo byona ebi Mukama Ruhanga yaazibiire, atakikozire nkana, kyamureetera orubanja; 23ekibi ki akozire ku barikimwemeza, aryareeta empaya y'embuzi etaine kamogo ebe empongano ye. 24Reero ate omukono gwe aha mutwe gw'egyo mpaya, kandi agiitire omu maisho ga Nyakubaho, ahi baitira enyamaishwa y'ekitambo ky'okucwetsya. Egyo n'empongano y'ekibi.
25Bwanyima omuhongyerezi akoze orukumu omu shagama y'ekitambo ky'okuhongyerera ekibi, agisiigye aha mahembe g'eitambiro, eshagama eraatsigareho agishukye omu mizi yaaryo. 26Ebishaju byayo byona abyokyeze aha itambiro, nk'oku batwaza ebishaju by'ekitambo ky'okurya kumwe. Omuhongyerezi atyo amukarabire ahabw'ekibi kye, n'onu abone kusaasirwa.
Okuhongyerera ekibi ky'omuntu w'obutoosha
27Kandi omuntu weena ow'omu b'eihanga ku arikora ekibi, yaakora kimwe aha bi Mukama yaazibiire, atakikozire nkana, yaagiibwaho orubanja, 28ekibi ki akozire ku barikimwemeza, aryareeta empongano y'omwagazi gw'embuzi gutaine kamogo ahabw'ekibi ki akozire. 29Mpaho ate omukono aha mutwe gwagwo, agwitire ahi baitira enyamaishwa y'ebitambo by'okucwetsya. 30Reero omuhongyerezi akoze orukumu omu shagama yaayo, agisiigye aha mahembe g'eitambiro, eshagama eraatsigareho agishukye omu mizi yaaryo. 31Haza aiheho ebishaju byayo byona nk'oku babiiha aha bitambo by'okurya kumwe, abyokyeze aha itambiro, bibe ekisooroora ky'okugwisa gye. Atyo amukarabire, n'onu abone kusaasirwa.
32Ku aritoija omwana gw'entaama guri empongano y'ekibi kye, areete omwagazi gutaine kamogo. 33Mpaho ate omukono gwe aha mutwe gwagwo, kandi agwitire ahi baitira enyamaishwa z'ekitambo ky'okucwetsya. 34Bwanyima omuhongyerezi akoze orukumu omu shagama y'ekitambo ky'okuhongyerera ekibi, agisiigye aha mahembe g'eitambiro, eshagama yaagwo eraatsigareho agishukye omu mizi yaaryo. 35Haza aiheho ebishaju byagwo byona nk'oku babiiha aha mwana gw'entaama ogw'ekitambo ky'okurya kumwe, abyokyeze aha itambiro, hamwe n'ebitambo ebi bookyeza Nyakubaho. Atyo omuhongyerezi amukarabire ahabw'ekibi ki akozire, n'onu abone kusaasirwa.
Ebindi eby'okuhongyerera ekibi
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.