Apukalipisi 15
15
Kuaita seti puxuwerawaita
1Asui hamaa amu sangawa turusuwaa iwaka kiti, hasikie hamaa, kuaita seti anjuita aintauriku puxuwerawa kuaita setiwaita umbawa aramana aintairumu Deus ipiaiwasawa.
Kristu yaraita unyengari ixupe
2Asui hamaa yepe parana turusuwaa vidru yawewaa umunaniwaa tata irumu, asui kuaita umuseranawaita kua suu, sangawa kuera yuiri, sera isiyasawa yuiri, aintaupuamu parana turusuwaa vidru yawewaa kiti, aintauriku Deus arpa.
3Asui aintaunyengari Muize kansão, kua Deus supe aramawaa, asui ikansão yuiri kua kurderu, aintaunyee:
—Purangawaita kuaita remunyawaita yasikie yamaa ainta, inde yaneruixawa Deus, inde kirimbawa panye sui, purangawaa supiwa yuiri kua nerapee, inde aintaruixawa kuaita miraita.
4Awataa tiusikie nerera sui? Awa tiumee purangawaa nerera rese inde yaneruixawa? Nyãse yepenyute inde kua purangawaa, panye kuaita miraita aintauri kuri aintaumee inde arama purangawaa, nyãse aintaumaawana rembeuwana aintarese supiwa. Deus umundu kuaita puxuwerawaita
5Asui yawewaa rire hamaa upirari iwaka upe templu Deus nyenga uikuwaa ape.
6Asui aintausemu templu sui kuaita anjuita seti uriku kuaita seti puxuwerawaita, purangawaa aintarupa werawerawaa, asui aintaputia upe aintasinturão uru suiwara.
7Asui yepe aintasuiwara kuaita kuatru upakawaita uxari ainta supe arama kuaita seti anju seti kupu uru suiwara teresemu ainta ipiaiwasawa kua Deus upakawaa yawewarawate.
8Asui kua templu teresemu ae tatatinga irumu isui kua Deus purangasawa umundusawa yuiri, asui tiawa upuderi uwike templu upe senunde aintaupawa kuaita seti puxuwerawa aintauriku kuaita seti anjuita.
Currently Selected:
Apukalipisi 15: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
