Ütararea̧ Ma̧ȩ 21
21
Pomi̧ da oa cji̧därëremȩdejȩ Moiche judi toro
4Ado icharaita judiro̧ Ora quȩmȩ ya̧mi̧ taruräpȩ cjo̧ro̧rërea̧ ji̧, go̧dürëreji̧ri̧dirȩ ui coëcoëaräpȩmo̧ baäpea̧ oa. Jabo tjamo̧i̧ baätärea̧ ji̧, Edo̧ chirirä tai̧chea oa, uapai̧ daräpȩ tai̧chea oa, jabechji̧ oëra̧ baämi̧ dari̧ baärëreji̧ri̧dirȩ ui coëcoëaräpȩmo̧. Ado japamitë ana̧ri̧ baäa̧ oaiä, ma̧ chjua jo̧rȩtatärea̧ ji̧, oëra̧ jo̧rȩtaji̧ri̧pea̧dirȩ icharaita judiro̧. 5Pio ju̧i̧iäji̧ri̧rȩ Ütë tjamo̧ pio ju̧i̧iäpȩmo̧, Moiche pio ju̧i̧iäpȩmo̧ chjai̧dëri̧ ni̧bäji̧ri̧pea̧diro̧jȩrȩ. Ado ma̧ȩ goaedëti̧ oa ni̧bäji̧ri̧rȩ ja̧di ta̧rëri̧ yo̧a̧diro̧jȩrȩ:
—Jabo chjadëri̧ yo̧ibe —yo̧a̧diro̧jȩrȩ—. ¿Tjana̧ ju̧i̧iä go̧dü tänȩa̧renȩro̧ibe Ejito chiriri pio judiri? Pio yoaiäpȩ ja̧bopea̧ oa ¿go̧dü tänȩa̧? Chjadëri̧ yo̧ibe. Danȩrȩ, ui decjiade. Jurarea̧ decjiade. Pio yoa “ma̧na̧” quȩmȩ jurarea̧ üdë, teracaba jurarea̧de. Goae tjamo̧dëdiibe —yo̧ji̧ri̧rȩ ma̧ȩ goaedëti̧ oa yo̧rëreji̧ri̧diro̧jȩrȩ.
6Ado pio ju̧i̧iä Jeova judi ë chiamȩ po ji̧ra̧ tjamo̧ oa chjadürëremȩdejȩrȩ, icharaita pio ji̧ri̧ jurachä ja̧bo tänȩpea̧ oa. Ado no̧i̧dërë ja̧boa̧dirȩ po ë pio oaiä. 7Ado jibëa̧ oti̧ judiro̧ ja̧bo ga̧rȩ baäa̧ oaiä chjaodëri̧ goëdepea̧diro̧jo̧ȩ Moiche ju̧i̧ orë. Ado ja̧di ta̧rëri̧ yo̧a̧diro̧jo̧ȩ:
—Danȩ, chjai̧dëri̧ japea̧rea̧rȩ. Jeova pio ju̧i̧iäpȩmo̧ chjai̧dëri̧ japea̧rea̧ro̧jo̧ȩ, pio mȩaiäpȩmo̧bo. Danȩ, goë cjo̧dëvä Jeova pio ju̧i̧iä po pio ju̧i̧ baä tänȩtä. Ja̧di dari̧ japë yürüibe. Cjäri̧ri̧ cjia daibe —yo̧a̧diro̧jo̧ȩ.
Pio ju̧i̧ ta̧rëa̧ oaiä Moiche judi goë cjo̧dërëremȩde Jeova pio ju̧i̧iä icharaita pio ji̧ri̧ chjiari. 8Ado Jeova judi pio ju̧i̧ ta̧rëa̧ oaiä ja̧di ta̧rëri̧ dëbë yo̧a̧dejȩ Moiche ju̧i̧iäpȩmo̧:
—Danȩ, pomi̧ da oa japatä earequedemȩ. Ado pio ju̧i̧ japa ëte, cji̧däpea̧de toro icharaita judiro̧ ütëborë darea̧mi̧ dari̧. Ado eami̧ pumȩ üdë, juia̧ oa cjiamȩ pio judi, pomi̧ da pio ju̧i̧iäpȩmo̧ gatë darä judi, jabechji̧ chjaodëri̧ chjapea̧ oa cjiapade.
9Pio ju̧i̧iä Moiche judi boro̧che quȩmȩ chjipararira̧ pio ju̧ri̧ra̧ mo̧ȩa̧dejȩ pomi̧ da oa. Ado ja̧di dari̧ japa ëte, toro cji̧därëremȩdejȩ icharaita judiro̧ ütëborë darea̧mi̧ dari̧. Ado eami̧ pumȩ üdë pio ju̧i̧iäpȩmo̧ daea̧ oaiä, jabechji̧ chjaodëri̧ chjapea̧de ja̧botärea̧ ji̧.
Currently Selected:
Ütararea̧ Ma̧ȩ 21: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
