Números 17
17
Aaloni e defi lä
cabudulayono wei tä a̦
1Moisesi abinaja Jeobaanö a nowa tama.
2—Isaeli ebä da yömölalö. Isaeli bä ijilubö 12 ebä nija, bä yaiablalou lä nodiaö wei bä bada lä cui nija, fii moli wa defibä däamaö cuaaö bufibä. ¿Ö̦jö tawä? Ö̦jö bada bä 12 lä cuinö, defibä ca̦i walooje däjä, 12 defibä nia cublaliyo. Ö̦jö cama bänö defibä nia lä däbou wejei defi ja, cama bä a̦fa da oniabodu. 3Lewi nodiwä a badanö defi ca̦i lä juu wei defi jamö, Aaloni wa wa̦fa nia oniaö. ¿Ö̦jö tawä? Isaeli bä ijilubö 12 ebä nija bä yaiablalou lä nodiaö wei bä bada lä cui nija, moli defibä nia malä cublamou wei.
4’¿Ö̦jö tawä? —a cuma—. Ö̦jö däjä, iba yano jamö wa defibä nia tablaö, ya wa̦no oni lä didile defi ca lä cule jamö, cafä wamacö nijamö ya cua lä ajedele jamö. 5Ya lä yaibole a lä cui, cama e defi nia cabudu falayou. Inaja ya e defi fa taamanö, Isaeli ya ebä a̦ lä ji̦libole, ya bä a̦ nia waidamaö, cafä wafäcö nija bä bufi a̦ jushujuwä ca̦i lä fadii wei —a cuma.
6Moisesinö Isaeli ebä yömölama. Ö̦jö däjä, bä nö badabö 12 ebä nija bä yaiablalou lä nodiaö wei bä badanö, fii moli defibä ja, Moisesi a dobädamaje. Ö̦jö bä bada nija, moli e defibä fa cublamonö, 12 defibä cuoma. Aaloni e defi ca̦i coyocooma. 7Jeobaa a wa̦no oni lä didile defi ca lä cule jamö, Moisesinö defibä taaquefälöma, Jeobaa a lä cule jamö.
8Ö̦jö tä fena ja, Jeobaa a wa̦no oni lä didile defi ca cuobä yano jamö, Moisesi a faa fa fenalönö, defibä möma. Lewi nodiwä Aaloni e lä cui, e defi nofi fa cabudulunö, täcö ca̦i a̦co faa fa nomöjölönö, jole jole cäcö cublou fa nomöjölonö, nii cäcö wacä yädäa showadaaquema. 9Ö̦jö däjä, Jeobaa a lä cule jamö defibä lä cuono wei, Moisesinö defibä ca̦i faa co̦layoma. Isaeli ebä mamo bluca mötale ja, defibä mömama. Ö̦jö defibä fa möjenö, bada bänö cama e defibä cadidiwä co̦alalemaje.
10Moisesi nija abinaja Jeobaa a cuma.
—Bei. Ya wa̦no oni lä didile defi ca lä cule jamö, Aaloni e defi taa da co̦cu. Ö̦jamö showadi e defi nia cudio. Bä ja̦amodou lä mlai bä nija, ö̦jö wa e defi nofi jaducumabolanö, mamicai wa bä tamabobä. Camiyä nija bä a̦ bufi jushujuwä ca̦i faö dicoo ja, bä nomablou mlaobä —a Jeobaa cuma.
11Inaja Moisesi a cuaaö showaoma, Jeobaanö a nowa lä tano weinaja showawä. 12Ö̦jö däjä, Moisesi nija abinaja Isaeli ebä cuma.
—¡Bämacö mö watäamou a lä cule! ¡Bämacö nö blea waiquia! ¡Bämacö nö bluca blea! 13Jeobaa e yano jamö bä lä ajedou wei bä nia bluca nomablou. ¿Bämacö mö bluca watäblamobä bei bämacö waiquiwä tawä? —bä bufi wa̦lidiwä ca̦i cuma.
Currently Selected:
Números 17: GUU
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved
