Eclesiástico 1
1
Sins lâka ra mayunanka
1Sins lâka sut ba Dawan wina aula
bara piua bani witin wal ban sa.#1.1 Cf. Sins 2.6; Si L 9.4.
2¿Ani uplika sip sa kabu auhikamâ nani ba kulkaia,
lî auhi mâ nani ba, apia kakatnata âpu ban kaia yua nani ba?
3¿Ani uplika sip sa kasbrika aipurara yarika bri ba pitka briaia,
tasba bîla yahpika ba, apiakaka albangka tara paknika ba?
4Sins lâka ba lika diara nanikau paskras kaina wina pat paskan kata;#1.4 Job 28.23-27; Sins 8.22-31; Ecl 24.9.
diara tânka briaia sinska ba bankaia ra wina ban bâra sa.#1.4 Ulbanka nani kum kum lika pura prakisa bors 5 ba: Sins lâka kârma ba sika Gâd bîla heben ra ba; witin impaki tauki yabalka nani ba sika ban kaia ra lâka nani ba.
6¿Ani uplika mita sins lâkaplamaika tânka ba pliki sakan sa?#1.6 Ulbanka nani kum kum lika bors 7 ba pura prakisa: ¿Sins lâka kakaira takaia tânka ba, ani uplika ra param saki marikan sa? ¿Warkka tânka tara bri ba ya tânka brin sa ki?
¿Ai tânka nani yukuwan ra baani uplika bui kakaira sa?
8Kumi baman bâra sa, sinskirabara karnakira pali:
baha sika Dawan, ai tronka ra iwi ba.
9Witin bui sika sins lâka ba paskata.
Baha ba pain laki kaikan, pitka brin
bara ningkara ai paskanka nani sut purara laikan.
10Witin bui praiska ba kat, airayaka bri dukia bani ra baha ba yaban,
sakuna ai pânika nani ra lika kau ailal pali.
Dawan ra kulkanka yabaia ba
11Dawan ra kulkanka yabaia ba bui#1.11 Dawan ra kulkanka yabaia: baha bîla kat. Dawan ra sibrinka briaia ba. Baha sika Israel luhpia nani dauki ba, Gâd bui dîa makabi ba ai lukanka ra bara praptis ra sin dauki ba; sim taimka ra, rispik lâka, kulkanka, latwan lâka bara kasak pali dukia daukaia ba. Cf Law 112.1; Sins 1.7; Smas 12.13; Ecl 1.27-28. prana
bara âuyapah lâka brih aula.
12Dawan ra kulkanka yabaia babui wan kupia ra lilia daukisa,
lilia lâka, âuyapah lâka bara rayaka yari sin yabisa.
13Dawan ra kulki uplika ba, lâs piuara witin ra yamni baman takbia;
witin prubia taim, upla sut witindukiara pain baman aisabia.
14Sins lâka ba tâ krikisa Dawanra kulkanka yabi bâk;#1.14 Cf. Job 28.28; Law 111.10; Sins 1.7; Ecl 19.20.
sins lâka ba bui upla kasakkira nanira yula kahbisa yapti biara bilara ba wina.
15Upla nani tilara ai watla bapanban kaia ra baha ra iwi kaia wisi,
bara witin nani aikuki kasakkirapali ban kabia.
16Sins lâka kasak pali ba sikaDawan ra kulkanka yabaia ba;
sins lâka bui upla nani ra ai mânani aiska pali yabisa.
17Ai watla nani ba dîa dîa witinnani brin daukbia ba wal banhki daukbia,
bara ai pata auhbaika watla nani ba lika
plun mâ nani sins lâka bui yabi bawal baman banhki daukbia.
18Dawan ra kulkanka yabaia ba walsin lâka ba wan kraunka takisa;
sins lâka bui yaban laman lâka bara
wan wîna tara yamni briaia lâka bayan kasak pâwisa.
19Sins tihu bara yawan wan sinskabri ba sim lî auhan baku yaban aula,
bara witin ra dihbi alki uplika nani sut ra
kulkanka lâka nani ailal pali yabisa.
20Sins lâka plamaika ba sika Dawanra kulkanka yabaia ba,
bara ai tnawka nani ra rayaka yari bâra sa.#1.20 Ulbanka nani kum kum pura prakisa bors 21 ba: Dawan ra rispik lâka bri ba mita saurka nani ba laihura sakisa; baha ba ai tilara sa kaka, Gâd bui ai lawanka ba purara laikras sa.
22Diara bahki dukiara lawaia bapadin lâka âpu sa,
kan kupia sauhkanka lâka uya karna pali mita
upla ba sauhki tikanka ra dingkisa.
23Ani uplika ai kupia alki takaski ba lika
ani piua kat kabia sin ban bûi kabia,
bara lâs kat ai prisantka ba lika lilia lâka kabia.
24Nit kabia piua ba kat, ai bîla praki bri kabia,
bara ningkara lika upla ailal mitaai sinska bri ba dukiara mayunbia.
25Sins lâka bui munan upla ba aitânka wal sturi aisisa,
kuna saura dadaukra ba lika Dawanra mayunra yabaia ba saura pali kaikisa.
26Sins lâka man plikisma kaka, Lâbîla nani ba kulks,
bara Dawan mita baha ba ailal pali maikbia.
27Dawan ra kulkaia ba sikasinskira bara diara tânka kakaira kaia;
Dawan ba lihkisa kasakka lâkabara bawan lâka ba.
28Dawan ra kulkanka yabaia ba apia wipara,
bara kunin lâka wal sin witin lamara wapara.
29Upla nani mawanra mamwan wâl bripara,
bara diara aisisma ba dukiara pain damra wali bas.
30Uya purara uli wapara, kauhaiawant apia sma kaka,
bara silp puramra bahki kulkankalâka ba bri balma apia.
Dawan bui yukuwan natka rabrisma dukia nani ba
latan param sâkbia bara uplanani mawanra swiram daukbia,
witin ra kulkanka lâka yabras kapram ba tâwan
bara kupiam bilara kunin lâkabaman banhki brisma ba dukiara.
Currently Selected:
Eclesiástico 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua