YouVersion Logo
Search Icon

Sins Lâka 1

1
Sins lâka nani diara mana tara ba
1Salaman aisinka nani, Debit luhpia,#1 Ki 4.32; S L 10.1; 25.1. Israel kingka. 2Sins tânka ba upla ra wiaia bara smalkaia bri ba:
Baha tânka pana pana aisaia#Je 1.5; 3.13-17.
tâ baikaia, sins lâka bîla tânka tihu ra ba, aisi sakaia.
3Sins lâka, kasakka lâka,
wapni lâka daukaia tânka briaia;
4sins lâka aitani briras wahmika nani ra
âuya mâira kaia lâka yaia,
diara tânka kaikaia lâka,
diara ba lâka kaikaia sinska.
5Ya sinskira bara lal swapni ba lika walbia,
bara diara kau lan takaia plikbia,
6sinskira nani aisinka nani ba tânka briaia,
bîla nani aisan ba,
witin nani daukanka ba,
diara tânka nani pliki sakan patrangka ba briaia.
7Dawan ra kulkaia lâka ba
sins lâka tâ krikanka sika;#Job 28.28; Law 111.10; S L 9.10; 15.33; Ecl 1.27-28.
taniskira nani ba,
sins lâka bara diara wan smalkan ba
bahki kulkisa.
Wahma nani ra kupia kraukanka
8Luhpi waitna, aisikam mai smalki ba wals,
bara sin yaptikam mai smalki ba, bahki kulkpara.
9Kan man mampara prana kum painkira kabia:
Sim lilura awa kum,
apia kaka kraun kum baku.#S L 6.20-21.
10Yang luhpi waitna,
upla saurakira nani kunin mai munaisa kaka,
¡yarka kunin mai munbiara!#Law 1.1.
11Ban kra mai wibia kaka:
“Kaisa, yang nani aikuki;
ban kaiki kira ni,
mina mangkaika kum mangkaia
upla pâtkas lubia ba ra ikaia.
12Yawan upla lukanka wapni nani ba,
raya langkbia,
sim ya uplika raiti ra kauhuya ba ra,
prura mita langki ba baku.
13Yawan yuya sâtka bani ba bribia,
yawan wan watla nani ba banhbia,
diara nani upla wina implikan dukia nani ni.
14Bal bara lukkam ba
yang nani wal sir muns,
bara sin sir muni kap
lalah watla sut dukia ba wina.”
15¡Sakuna man lika witin nani wal wapara,
luhpi waitna!
Laihura taks ai yabalka saura nani ba wina,
16kan witin nani saura lâka daukaia aihni munisa;
¡tala laikaia dukiara aihni tauki banhwisa!#Ais 59.7; Ro 3.15.
17Bahki pali kabia ai mina alkaika daukamna kaka,
kan tnawira sut bahara latan kaikisa bamna,
18baha uplika nani klauna tawi,
ai mina ra alkaika kiwka nani paskisa,
bara ai rayaka ba pât ra mangkisa.
19Baku danh takisa, gridikira nani ba,
ai gridika lâka mita tawi ikisa.
Sins lâka paiwanka ba
20Yabal ra bara wakpas bîla tara nani ra,
sins lâka ba yaban walisa
ai bîla baikra ba.
21Ai lâka bîla ba, get dimaika ba wina
upla sut ra wini maisa pakisa,
tawan bilara kau upla ailal
asla taki pliska nani ra:#S L 8.1-3; Si L 6.12-16.
22“Sins tânka aitani briras wahmika nani,
upla lawaska kakikra,
nani bara taniskira nani ba,
¿ahkia kat sins tânka aitani briras
lâka ba ra ban lihki kama,
bara lilia sâkma lawaska kiki banhwi ba wina,
bara sins tânka ra misbara kaikma?
23Yang smalkanki na wals,
bara spiritki ni mai banhkamna;
yang maikamna lukanki tânka briaia.
24Yang mita mai winri
bara sin mai paiwri balma,
sakuna man nani, yang ra walan mai daukras kan.
25Kau ni maipara bahki kulkram,
yang kupiam kraukanka maikri ba,
man brin mai daukras kan,
yang smalkanki ba sin.
26¡Bahamna yang kiki kamna,
man nani pâtkam tara mai alkbia ba ra!
¡Sirang dring pruma bara yang lamwaska kiki kamni,
27man nani puramra sirang
bara pât nani balbia ba ra,
swapni taki bara kupiam wirha baman kama,
sim pâsa tara kum baku
diara nani sut ba sauhki tiki ba!
28“Baha yua ra ai winma,
sakuna pana mai aisaras kamna;
ai pliki banhma, sakuna ai sakras kama.
29Kan saura kulkisa sins lâka ra
bara Dawan ra kulkanka yabaia want apia.
30Yang kupia kraukanka yabisna ba,
brin daukras sa;
yang smalkanki ba saura kulkisa.
31¡Ai daukanka tâka mita, pât wauhbia!
¡Saura daukaia lâka bri ba ni aibanhbia!
32Sins tânka aitani briras nani ra,
diara daukaia tânka luha ba mita ikisa,
bara taniskira nani ra
diara lukras ba mita sauhki tikisa.
33Sakuna yang ra ai wali uplika nani ba,
kupia kumi lâka ra iwbia;
bara pât briaia sip ba laihura kabia.”

Currently Selected:

Sins Lâka 1: MSKTU

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy