Libait Lâka 16
16
Pâtka swih tikaia yua sakripaiska
1Eran luhpia waitna wâl Dawan lama pali ra wan pruan ba ningkara, Dawan ba Moses wal aisin. 2Gâd bui Moses ra win:
“Muihkam Eran ra wis, holi pliska ra ani taim dimbia ba ra, kwala paman ba ninara,#Hib 6.19. lâ auhbaika watla pura prakaika ba lamara wabia apia, bara witin lika prubia apia; kan baha kat yang kasbrika kum ra param takamna bamna. 3Eran ba holi pali pliska ra dimaia sa kaka bîp wainhka kum brih, saurka mana sakripaiska aiska angkaia sa; sîp wainhka kum sin angkbia kli wal uplika takaia prisantka yabaia.#Hib 9.7. 4Witin ai prâka ba sin dimi waia sa, linin kwalka holi, kwala tanta ni ai wîna aiska aisrukbia, ai maisa wila sin wilkan kaia sa, ai lal mangkaika linin ni daukan ba sin dimbia. Baha sika holi prâka ba, sakuna kau ai prâka dimras kainara, witin pat aihtaban kaia sa.
5“Israel luhpia nani tila wina Eran ra guts wainhka wâl yabia sa, kumi ba saurka mana sakripaiska baku aiska angkaia prisantka daukbia. 6Bîp wainhka ba lika witin ai saurka mana, ai taya nani saurka ban swih tikaia lâka ba daukbia. 7Baha ningkara guts wainhka wâl ba bribia Dawan wal aisaia tint watla lamara bâra ba. 8Bara gutska wâl ba lat lulki kaikbia, kumi ba Gâd ra yaia, wala ba Azazel#Azazel: Naha nina na tânka param aisaia ba aihka sa; upla iwras tasbaya ra pirit saura nani bâra ba dukiara aisisa talia sa. ra yaia. 9Lat lulkan ba ra ani gutska ba Gâd ra yaia wibia kaka, Eran baha brih saurka sakripaiska baku dauki yan kabia. 10Sakuna lat lulkan ningkara, guts ba Azazel ra yaia takan sa kaka, daiwra ba ikras ban Gâd mawanra brih wabia, saurka nani tikaia prisantka daukbia. Baha ningkara, gutska ba swika taki wabia, Azazel bâra ba watla ra upla iwras tasbaya ra.
11“Bîp wainhka ba lika Eran ai saurka sakripaiska baku daukbia, ai pâtka swih tikan lâka briaia, ai kiamka nani saurka sin swih tikaia. 12Ningkara kîa pain angkaia pata aswan auhbaia watlika, Dawan kaiki ba pliska ra bâra ba bribia, kîa pain angkaia dukia nani akban ba sin ai mihta wâl bribia, bara kwala paman ba ninara brih wabia; 13kîa pain angkaia ba bri si, pauta ra kahbia angkaia, Dawan kaiki ba lamara. Bara kiasmika ba, lâ auhbaika watla pura bikaika purara kabia. Baku kabia bara Eran prubia apia. 14Baha bîpka wainhka ikan tâlia ba wirâ bribia, bara lâ auhbaika watla pura bikaika ba purara srikbia lalma tani ra. Baha ningkara ai mihta sirpika ni baha pura prakaika ba purara 7 taim srikbia. 15Baha ningkara, sîp ba ikbia upla nani saura daukan ba mana, bara tâlia ba kwala kutban ba bilara brih wabia,#Hib 9.12. bahara lâ watla pura prakaika ba bilara bara lata tani ra srikbia, bîp wainhka tâlia ni daukan ba baku daukbia. 16Baku natka ra baman, holi pliska ba klin daukan kabia, Dawan mapara buan saurka ba wina, Israel saurka daukan ba wina sin, holi pliska ra dimaika ba wina, witin nani saura daukan tâskika ai tilara bâra ba wina sin.
17“Dawan wal aisaia tintka watla ra Eran dimi, upla nani pâtka ban swih tikaia ai purara kabia ba ra, upla kumi sin tint watla ra kaia apia sa, witin baha wina bal takbia ba kat, witin, ai taya nani, upla sut saurka swih tikaia ai pura sunbia ba kat. 18Baha wina witin bal takbia, altar Dawan lamara witin kaiki ba altarka ra waia. Witin bîp tâlia ba ai mihta ra wirâ bribia, guts tâlia ba wina sin, bara altar ba tala ni yûkbia, aringka nani baku paskan ba sin sunu daukaia dukiara yûkbia tala ba. 19Bara tala ba ni altar ba ra 7 taim srikbia, baku Israel luhpia nani ba baku sunu daukbia, saura daukan tâskika ba wina.
20“Eran ba holi pliska ba aiska klin dauki danh takbia ba ra, guts wala kau ikras ba brih balbia ba ra, 21Eran ai mihta wal daiwra lal ba kat kahbi, Israel luhpia nani saura daukan dahra ba aisabia, witin nani Dawan mapara buan ba sin. Baku dauki natka ra guts ba lal purara baman, upla nani saurka ba sut kahbia. Ningkara upla kum ra wibia, bal gutska ba brih waia, upla ra iwras tasbaya ra bri si lanhkaia. 22Baku baha gutska ba upla sut saurka nani twilki brih wabia, upla iwras tasbaya ra, bahara langki ikbia. 23Baha ningkara Eran bara Dawan wal aisaia tintka watla ra dimbia, bara linin prâka dimi ba daiki, holi pali pliska ra swibia.#Isi 44.19. 24Baha wina witin klin takaia pliska ra dimi aihtabi taki, bara ai prâka wala pain klin ba dimi bal taki, bara witin sunu takaia ai sakripaiska ba daiwan aiska angkbia, upla nani saurka mata sin. Baku pâtka swin tikan lâka witin nani sut bribia. 25Daiwra batanka ba, saurka swih tikaia altarka ba ra angkan kabia; 26baha guts Azazel ra bri si lanhkaia wan uplika ba sin, witin bal ai kwalka tuskbia, ai taya sin sikbi sâkbia, bara baha ningkara sip sa tawan ra dimaia.
27“Bîp bara guts saurka mana sakripaiska daukan ba, baha ningkara tâlia ba sin holi pliska ra brih wabia ba upla pâtka swih tikaia lâka ba daukaia,#Hib 1 3.11. taya, wîna ba, kânka sut tawan wina lata tani ra bri si angkbia. 28Ya baha angki uplika ba ai kwalka tuskan kabia, ai taya sin sikbi klin daukan kabia, baha ningkara tawan ra dimaia sip sa.
29“Naha lâka na sin man nani ban baku dauki kama: mani bani kati 7 yua matawalsip aimaki ba ra, warkkam nani sut takaski si, Israel luhpia sut tringsar nani tilamra iwi ba sut, kaiki plun piras kaia sma. 30Baha yua ra man nani ba Dawan mawanra pâtkam swih tikaia lâka plikaia sma,#Lib 23.26-32; Kul K 29.7-11. man nani sut klin pali takaia. 31Baha yua ba sunu kaiki plun piaia apia lâka ba daukaia baman kabia, ris yua#Ris yua: baha sika ris yua ba. sin. 32Baha yua wark takaia prîska sâkbia ba, wark aiska ba witin daukaia win kabia, ai aisa prîs tara baha warkka dauki kan ba watlika ra warkka na daukbia, witin ai pura sunbia uplika nani ba saurka wina pâtka swih tikaia dukiara, linin prâka ba dimbia. 33Bara sunu daukaia warkka ba, holi pali pliska ra daukbia, Dawan wal aisaia tintka watla ra altar ba ra. Baku prîs nani ba, upla wala nani sut saurka ban swih tikaia sakripaiska daukbia.
34“Naha lâka na man nani piu bani naku ban dauki kaia lâka sa: mani bani aima kum, naha daukanka na dauki kaia sma, pâtkam nani ban swih tikaia mata, Israel luhpia nani saura dauki ba pura sunra.”
Bamna Moses baha warkka daukan, Dawan mita witin ra dîa daukaia win ba baku.
Currently Selected:
Libait Lâka 16: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Libait Lâka 16
16
Pâtka swih tikaia yua sakripaiska
1Eran luhpia waitna wâl Dawan lama pali ra wan pruan ba ningkara, Dawan ba Moses wal aisin. 2Gâd bui Moses ra win:
“Muihkam Eran ra wis, holi pliska ra ani taim dimbia ba ra, kwala paman ba ninara,#Hib 6.19. lâ auhbaika watla pura prakaika ba lamara wabia apia, bara witin lika prubia apia; kan baha kat yang kasbrika kum ra param takamna bamna. 3Eran ba holi pali pliska ra dimaia sa kaka bîp wainhka kum brih, saurka mana sakripaiska aiska angkaia sa; sîp wainhka kum sin angkbia kli wal uplika takaia prisantka yabaia.#Hib 9.7. 4Witin ai prâka ba sin dimi waia sa, linin kwalka holi, kwala tanta ni ai wîna aiska aisrukbia, ai maisa wila sin wilkan kaia sa, ai lal mangkaika linin ni daukan ba sin dimbia. Baha sika holi prâka ba, sakuna kau ai prâka dimras kainara, witin pat aihtaban kaia sa.
5“Israel luhpia nani tila wina Eran ra guts wainhka wâl yabia sa, kumi ba saurka mana sakripaiska baku aiska angkaia prisantka daukbia. 6Bîp wainhka ba lika witin ai saurka mana, ai taya nani saurka ban swih tikaia lâka ba daukbia. 7Baha ningkara guts wainhka wâl ba bribia Dawan wal aisaia tint watla lamara bâra ba. 8Bara gutska wâl ba lat lulki kaikbia, kumi ba Gâd ra yaia, wala ba Azazel#Azazel: Naha nina na tânka param aisaia ba aihka sa; upla iwras tasbaya ra pirit saura nani bâra ba dukiara aisisa talia sa. ra yaia. 9Lat lulkan ba ra ani gutska ba Gâd ra yaia wibia kaka, Eran baha brih saurka sakripaiska baku dauki yan kabia. 10Sakuna lat lulkan ningkara, guts ba Azazel ra yaia takan sa kaka, daiwra ba ikras ban Gâd mawanra brih wabia, saurka nani tikaia prisantka daukbia. Baha ningkara, gutska ba swika taki wabia, Azazel bâra ba watla ra upla iwras tasbaya ra.
11“Bîp wainhka ba lika Eran ai saurka sakripaiska baku daukbia, ai pâtka swih tikan lâka briaia, ai kiamka nani saurka sin swih tikaia. 12Ningkara kîa pain angkaia pata aswan auhbaia watlika, Dawan kaiki ba pliska ra bâra ba bribia, kîa pain angkaia dukia nani akban ba sin ai mihta wâl bribia, bara kwala paman ba ninara brih wabia; 13kîa pain angkaia ba bri si, pauta ra kahbia angkaia, Dawan kaiki ba lamara. Bara kiasmika ba, lâ auhbaika watla pura bikaika purara kabia. Baku kabia bara Eran prubia apia. 14Baha bîpka wainhka ikan tâlia ba wirâ bribia, bara lâ auhbaika watla pura bikaika ba purara srikbia lalma tani ra. Baha ningkara ai mihta sirpika ni baha pura prakaika ba purara 7 taim srikbia. 15Baha ningkara, sîp ba ikbia upla nani saura daukan ba mana, bara tâlia ba kwala kutban ba bilara brih wabia,#Hib 9.12. bahara lâ watla pura prakaika ba bilara bara lata tani ra srikbia, bîp wainhka tâlia ni daukan ba baku daukbia. 16Baku natka ra baman, holi pliska ba klin daukan kabia, Dawan mapara buan saurka ba wina, Israel saurka daukan ba wina sin, holi pliska ra dimaika ba wina, witin nani saura daukan tâskika ai tilara bâra ba wina sin.
17“Dawan wal aisaia tintka watla ra Eran dimi, upla nani pâtka ban swih tikaia ai purara kabia ba ra, upla kumi sin tint watla ra kaia apia sa, witin baha wina bal takbia ba kat, witin, ai taya nani, upla sut saurka swih tikaia ai pura sunbia ba kat. 18Baha wina witin bal takbia, altar Dawan lamara witin kaiki ba altarka ra waia. Witin bîp tâlia ba ai mihta ra wirâ bribia, guts tâlia ba wina sin, bara altar ba tala ni yûkbia, aringka nani baku paskan ba sin sunu daukaia dukiara yûkbia tala ba. 19Bara tala ba ni altar ba ra 7 taim srikbia, baku Israel luhpia nani ba baku sunu daukbia, saura daukan tâskika ba wina.
20“Eran ba holi pliska ba aiska klin dauki danh takbia ba ra, guts wala kau ikras ba brih balbia ba ra, 21Eran ai mihta wal daiwra lal ba kat kahbi, Israel luhpia nani saura daukan dahra ba aisabia, witin nani Dawan mapara buan ba sin. Baku dauki natka ra guts ba lal purara baman, upla nani saurka ba sut kahbia. Ningkara upla kum ra wibia, bal gutska ba brih waia, upla ra iwras tasbaya ra bri si lanhkaia. 22Baku baha gutska ba upla sut saurka nani twilki brih wabia, upla iwras tasbaya ra, bahara langki ikbia. 23Baha ningkara Eran bara Dawan wal aisaia tintka watla ra dimbia, bara linin prâka dimi ba daiki, holi pali pliska ra swibia.#Isi 44.19. 24Baha wina witin klin takaia pliska ra dimi aihtabi taki, bara ai prâka wala pain klin ba dimi bal taki, bara witin sunu takaia ai sakripaiska ba daiwan aiska angkbia, upla nani saurka mata sin. Baku pâtka swin tikan lâka witin nani sut bribia. 25Daiwra batanka ba, saurka swih tikaia altarka ba ra angkan kabia; 26baha guts Azazel ra bri si lanhkaia wan uplika ba sin, witin bal ai kwalka tuskbia, ai taya sin sikbi sâkbia, bara baha ningkara sip sa tawan ra dimaia.
27“Bîp bara guts saurka mana sakripaiska daukan ba, baha ningkara tâlia ba sin holi pliska ra brih wabia ba upla pâtka swih tikaia lâka ba daukaia,#Hib 1 3.11. taya, wîna ba, kânka sut tawan wina lata tani ra bri si angkbia. 28Ya baha angki uplika ba ai kwalka tuskan kabia, ai taya sin sikbi klin daukan kabia, baha ningkara tawan ra dimaia sip sa.
29“Naha lâka na sin man nani ban baku dauki kama: mani bani kati 7 yua matawalsip aimaki ba ra, warkkam nani sut takaski si, Israel luhpia sut tringsar nani tilamra iwi ba sut, kaiki plun piras kaia sma. 30Baha yua ra man nani ba Dawan mawanra pâtkam swih tikaia lâka plikaia sma,#Lib 23.26-32; Kul K 29.7-11. man nani sut klin pali takaia. 31Baha yua ba sunu kaiki plun piaia apia lâka ba daukaia baman kabia, ris yua#Ris yua: baha sika ris yua ba. sin. 32Baha yua wark takaia prîska sâkbia ba, wark aiska ba witin daukaia win kabia, ai aisa prîs tara baha warkka dauki kan ba watlika ra warkka na daukbia, witin ai pura sunbia uplika nani ba saurka wina pâtka swih tikaia dukiara, linin prâka ba dimbia. 33Bara sunu daukaia warkka ba, holi pali pliska ra daukbia, Dawan wal aisaia tintka watla ra altar ba ra. Baku prîs nani ba, upla wala nani sut saurka ban swih tikaia sakripaiska daukbia.
34“Naha lâka na man nani piu bani naku ban dauki kaia lâka sa: mani bani aima kum, naha daukanka na dauki kaia sma, pâtkam nani ban swih tikaia mata, Israel luhpia nani saura dauki ba pura sunra.”
Bamna Moses baha warkka daukan, Dawan mita witin ra dîa daukaia win ba baku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua