2 Macabeo 1
1
Idsip ra Ju nani iwi bara wauhtaya pas ulbi blikan ba
1‘‘Jerusalem bara Judia tasbaya pîska nani ra Ju nani iwi ba wina, ai muihni nani Idsip tasbaya ra takaski nani ra lakula blikisa, bara yamni bahara banhwi kabia ai brinka sa. 2Gâd yamnika nani manis maikbia, Ebraham, Aisak bara Jekob kat kira lâ aisi daukan ba ra luki, naha nani sika witin ai albika kasak nani ba.#1.2 Bla St 15; 17.1-21. Cf. baku sin Imp St 6.5; Kli S 4.31. 3Man nani kumi bani ra karnika maiki banhbia, witin ra mayunra nani daukaia, bara dîa ai brinka nani sut ba kupiam wilinkira nani wal dauki banhma. 4Kupiam nani wilinkira daukbia ai lâka nani bara dîa wala nani sut lâ baku sakan ba alki daukaia dukiara, kupia kumi lâka sin maikbia, 5bara man nani puram sunra ba walbia, kli man nani wal aisi asla takbia, trabil nani brisma taim lulki mai swibia apia. 6Naku sika man nani dukiamra wan pura sunra ra nanara makabi banhwisna ba.
7“King Demetrio ai kraunka ra iwi kan piua ra, Kraist balaia kainara mani 143 ra,#1.7 Baha lika Demetrio II Nicátor, seléucida kingka. Kaiks 1 Mac 10.67 munhta ulbanka ra h. yang nani Ju bui wauhtaya kum pat mai ulbri kata. Baha taimka ra trabil saura nani tilara banhwi katna, nina blikanka lâka uba ailal kan yang nani mai wi katna. Jasón bara ai uplika nani kira tasba holikira ba bara gabamintka aiska mapara war bukan,#1.7 1 Mac 10.67; 2 Mac 4.7-22. 8tempel durka tara ba angkan,#1.8 1 Mac 4.38. upla pâtkas nani ailal ikan ba ningkara. Sakuna yawan wan Dawan ra makabi banhri, bara witin bui yang nani ra ai walan; sakripais kum dauki yabri, bara barli plawar mâ sâtka nani prisantka kum sin, lamp nani ba angki banhri, bara tibil purara brit blis munan nani ba sin kahbi banhri. 9Aima wala kli mai ulbi banhwisna, kupiam kraukaia dukiara, Utla Papakni liliaka ba dauki banhma Quisleu katka ra.#1.9 Dus Wahia liliaka: Nahara baku mâkisa Holi Daukanka liliaka ba. Cf. 1 Mac 4.52-59n.
“Kraist balaia kainara 124 manka ra ulban sa.’’
Idsip ra Ju nani iwi ba rawauhkataya aima wâl ra ulbi blikan ba
10“Jerusalem bara Judia uplika nani, almuk nani daknika bara Judas kat asla taki, Aristóbulo ra lakula blikisa, naha sika king Tolomeo ra sins lâka nani smalki bri ba,#1.10 Baha lika Tolomeo VI Filométor dukiara aisisa, Idsip kingka, mani 180 wina 145 kat Kraist balaia kainara. witin lika prîs nani blis munan ba tila wina sa, sim baku Ju wala nani Idsip ra iwi ba, bara pâwanka lâka yamni nani brima want sa.
11“Gâd bui trabil saura nani tila wina pri wan sakan ningkara, wan kupia aiska kira tingki yabisa, kan witinka sika king mapara aiklabi ba yawan wan hilpka dukiara,#1.11 Kan witin ba...hilpka: tekska rait kaia sip ba. Gr. king mapara aiklabaia wilinkira uplika nani baku. 12kan ya nani sut tasba holikira ba mapara wan aiklabi nani ra, aiska kangbi sakan sa. 13Kasak pali, king ba ai war daknika tara nani wal sip pura luaia apia pitka kat Persia kuntrika ra dimi wan taim, gâd bahki Nanea tempelka kat alsut ra iki tikan, Nanea smasmalkrika nani bui kir tawi kunin munan ba wal.#1.12 Cf. 1 Mac 6.1-4; 2 Mac 9.1-2. 14King Antíoco ba Nanea wal marit takaisa baku natka ra, ai pânika nani aikuki pliska ba ra wan, bara marit prisantka baku tempel bilara diara ritska tara nani bâra ba sut witin bri banhwai kan. 15Nanea smasmalkrika nani bui ritska nani sut ba saki marikan, bara king Antíoco ba ai uplika kulki baman wal tempel bilara dimi wan. Bilara diman kan taim, smasmalkrika nani bui dur tara nani ba prakan. 16Ningkara tempel watla bahna ra windar kum yukuwan ra bri kan ba bukutbi banhwan, bara king ai uplika nani sut kira diman kan ba, walpa ni baman sabi ikan kata. Baha wina lal nani dakban, klahkla nani bara kuhma nani sin, bara upla nani latara kan ba mawanra saki yakaban kata.#1.16 Cf. 1 Mac 6.1-14; 2 Mac 9.1-29. 17¡Wan Gâdka ba piua bani ai yamnika lâka bri kabia, upla saurakira nani ba prura mihta ra mangkan bamna!
18“Yawan nani tempel kli blis muni sunu daukan yua kulkanka daukaia ridi taki banhwi bamna Quisleu katka yua 25 ra, yang nani luki banhri aitani sa mai ulbaia, baku kupiam kraukaia man nani sin Utla Papakni liliaka ba daukma,#1.18 Dus Wahia nani liliaka: Kaiks 1.9 munhta ulbanka ra f. pauta klauhan kum bal takan ba ra luki, baha sika Nihimaya bui tempel bara altar ba holikira kli paskan ba ningkara sakripais tara angki daukan piua ra takan ba.#1.18 Nih 8.13-18. 19Wan almukka nani ra alki Persia tasbaya ra brih wan taim,#1.19 Persia: Nahara Babilon dukiara aisisa, ningkara Persia kingka lâka munhtara dingkan ba. smasmalkra kasakkira nani bâra kan ba bui pauta klauhan tibil purara kan ba brin, bara drum tara kum lî âpu kan ra dingki yukukan, baha pliska ra pain pali yukukan ba mita, upla nani bui kaikras kata. 20Baha takan wina, piua wihka alkan taim, Nihimaya ba Persia kingka bui Judia ra blikan wan, smasmalkra nani pauta klauhan yukukan ba kiamka nani ra, baha ba pliki saki brih balbia dukiara. Sakuna witin nani bui win, pauta klauhan ba âpu sa bara sip sakras, pliska ba ra lî buhni baman bâra sa. Nihimaya bui baha laya ba wina saki brih wabia win.#1.20 Nih 1.7-8. 21Sakripais ba daukaia ridi kan piua ra, Nihimaya bui smasmalkra nani ra adar yaban, baha laya brih balan ba wal, pauta bara dîa wala nani sut sakripais dukiara ridi daukan ba ra laiki buskbia win. 22Dîa win ba baku daukan, bara tisku baku kan, lapta ba ai ingnika sakan, klaut tara kum bui dingki bri kan ba wina; bara pauta klauhan tara kum bukan, upla sut bâra kan ba sirang iwan kata. 23Sakripais daiwra nani ba tawa tawa ami auya kan bâra, smasmalkra nani ba ai pura suni kan. Baha kaiki, upla wala nani ba witin nani aikuki asla taki ai pura suni banhwan. Janatan pura sunra ba tâ bri kan, wala nani ba, Nihimaya aikuki nina bliki ai pura suni banhwi kata. 24Pura sunra ba naku kata: ‘Dawan, Dawan bara Gâd sma ba, diara sut papaskra, sibrinkira bara karnakira sin sma, kasakkira bara latwan lâka ni aibanhram sa, King kumi baman sma, diara sut yamni baman daukisma, 25kumi baman latwankira sma ba, kumi baman kasakkira sma ba, karnika tara aiska brisma bara ban kaia ra raya iwisma ba, Israel luhpia nani ra trabil saura wina swaki sakisma ba, wan almukka nani ra wahbi sakram bara man lâmka nani ra briram ba:#1.25 Cf. Bla St 12.1-3; 22.15-18; Kli S 14.2. 26naha sakripais man ra dauki laki maikisna na Israel luhpia nani sut hilpka dukiara, man yamni kaiki bris. Naha uplika nani sika man tawankam uplika nani sa, kaina suni man dukiam pali dauki bris.#1.26 Cf. Lib 20.26; Kli S 32.9; 2 Mac 14.15. 27Yang nani tili wina manis nani ba tasba wala ra lulkan sa, baha nani sut ba asla dauks,#1.27 Cf. Kli S 30.4; Nih 1.9. baha nani gâd bahki ra lalukra uplika tilara alba lâka ra iwi nani ba pri sâks, saura munan bara misbara kaikan uplika nani ra latwan kaiks, baku lika gâd bahki ra lalukra uplika nani sut ba ai tânka bribia, man baman wan Gâdka sma ba. 28Baha nani sut yang nani ra taiban lâka wal saura ai muni nani ba, man bui klala nani yas. 29Bara uplikam nani ba tasba holikira man dukiam bâk sakan ba ra bri si swis, Moses dîa aisan ba baku.’#1.29 Cf. Imp St 15.17; Kli S 30.4-5.
30“Baku bamna, smasmalkra nani ba Salmo lawana nani aiwani kan. 31Sakripais dauki kan ba ami danh takan taim, Nihimaya bui adar yaban, laya brih balan tâka ba walpa tara nani bâra kan ba purara laikbia. 32Naku daukan taim pauta kum aswan, bara baha ba tibil purara ingnika bri kan ba, baha ra tawi diman.
33“Naha sainka nani ba upla sut mawanra param takan, bara Persia kingka pali sin baha ba walan, smasmalkra nani alba lâka ra alki brih wan pliska ra, pauta klauhan ba yukukan bara lî buhni kum takan bara baha ba Nihimaya ai uplika nani aikuki yus munan kata prisantka nani ba angkaia dukiara. 34Baku bamna, king baha sut kaikan ba ningkara, baha pliska ra walpa ni kutbanka tara kum daukan, bara pliska ba holikira kulkanka yaban kata; 35bara ya nani baha pliska main kaikaia sakan ba, lalah nani witin ra yabi kan ba wina baha nani prisantka tara nani yabi kata. 36Nihimaya pânika nani bui baha laya ba nina ‘neftar’ mâkan, tânka ba lika klin daukanka, sakuna upla aihkika ba bui lika ‘nafta’ mâkisa.’’
Currently Selected:
2 Macabeo 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua