1 Korintus 13
13
Sayang itu lebe penting dari samua karunia yang laeng
1Biar lagi Roh Kudus kase pa kita karunia sampe kita bisa bicara deng macam-macam bahasa yang manusia jaga pake, deng bahasa yang malaekat jaga pake lagi, tapi kalu kita tara sayang pa orang laeng, yang kita bicara itu tarada dia pe guna. Itu kita cuma baribut, sama deng orang yang pake gong deng ceker kong kase babunyi sabarang-sabarang. 2#Mat. 17:20, 21:21; Mrk. 11:23 Biar lagi kita ada karunia untuk kase turus pasáng yang Tuhan Allah kase pa kita, deng biar lagi kita tau samua Tuhan Allah pe rencana yang orang laeng bolong tau, deng biar lagi kita tau samua hal, deng biar lagi kita pe percaya kuat sampe bole kase pinda gunung, tapi kalu kita tara sayang pa orang laeng, kita sama skali tara guna. 3Biar lagi kita kase barbage samua yang kita punya pa orang susa, deng biar lagi kita serakan kita pe diri untuk dapa bakar karna iko pa Tuhan Yesus, tapi kalu kita tara sayang pa orang laeng, samua itu tarada dia pe guna untuk kita.
4Orang yang sayang pa orang laeng, dia itu sabar, hati bae, tara mangiri, tara angka-angka diri, deng tara sombong. 5Kong dia lagi tara biking yang tara sopan, deng tara paksa orang untuk iko dia pe mau. Dia tara pangmara, deng tara simpang hati pa orang yang ada biking sala pa dia. 6Dia lagi tara sanang kalu orang biking barang yang jahat, tapi dia sanang kalu orang biking barang yang butul. 7Deng dia lagi batahang deng orang yang pe kalakuang tara bagus, dia salalu percaya pa orang laeng, dia salalu baharap orang laeng biking barang yang butul, deng biar lagi dia dapa siksa macam-macam, dia tetap sabar.
8Sayang itu akan ada sampe slama-lamanya. Tapi karunia untuk kase tau Tuhan Allah pe pasáng, itu nanti so tara ada lagi. Kong karunia untuk bicara deng bahasa roh, itu akan berenti. Bagitu lagi deng karunia untuk tau samua hal, nanti mo ilang. 9Barang, karunia untuk tau samua hal, deng karunia untuk kase turus Tuhan Allah pe pasáng, itu tara sempurna. 10Tapi nanti kalu Tuhan datang ulang kong biking samua jadi sempurna, karunia yang tara sempurna itu akan ilang.
11Ambe conto bagini: waktu kita masi ana kacil, kita pe bicara sama deng ana kacil, deng kita pe cara bapikir sama deng ana kacil. Tapi skarang, bagitu kita so basar, kita kase tinggal kalakuang macam ana kacil itu. 12Conto itu pe arti, skarang torang bolong mangarti samua tentang Tuhan Allah, itu sama deng torang ada lia torang pe diri di kaca yang kabur. Tapi nanti kalu torang deng Tuhan Allah so baku lia muka deng muka, torang akan tau samua tentang Dia deng jelas. Skarang torang bolong tau deng sempurna tentang Tuhan Allah, jadi Dia masi kase karunia dari Dia pe Roh, tapi nanti di sorga torang mo tau itu deng sempurna, jadi Tuhan Allah tara perlu kase karunia lagi pa torang, sama deng Dia yang kanal pa tong deng sempurna.
13Jadi, skarang tinggal tiga hal yang penting yang torang musti biking turus-turus: percaya pa Tuhan, baharap pa Dia, deng sayang pa orang laeng.
Kong dari tiga ini, yang paling penting, itu sayang pa orang laeng.
Currently Selected:
1 Korintus 13: PB MMU
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020
1 Korintus 13
13
Sayang itu lebe penting dari samua karunia yang laeng
1Biar lagi Roh Kudus kase pa kita karunia sampe kita bisa bicara deng macam-macam bahasa yang manusia jaga pake, deng bahasa yang malaekat jaga pake lagi, tapi kalu kita tara sayang pa orang laeng, yang kita bicara itu tarada dia pe guna. Itu kita cuma baribut, sama deng orang yang pake gong deng ceker kong kase babunyi sabarang-sabarang. 2#Mat. 17:20, 21:21; Mrk. 11:23 Biar lagi kita ada karunia untuk kase turus pasáng yang Tuhan Allah kase pa kita, deng biar lagi kita tau samua Tuhan Allah pe rencana yang orang laeng bolong tau, deng biar lagi kita tau samua hal, deng biar lagi kita pe percaya kuat sampe bole kase pinda gunung, tapi kalu kita tara sayang pa orang laeng, kita sama skali tara guna. 3Biar lagi kita kase barbage samua yang kita punya pa orang susa, deng biar lagi kita serakan kita pe diri untuk dapa bakar karna iko pa Tuhan Yesus, tapi kalu kita tara sayang pa orang laeng, samua itu tarada dia pe guna untuk kita.
4Orang yang sayang pa orang laeng, dia itu sabar, hati bae, tara mangiri, tara angka-angka diri, deng tara sombong. 5Kong dia lagi tara biking yang tara sopan, deng tara paksa orang untuk iko dia pe mau. Dia tara pangmara, deng tara simpang hati pa orang yang ada biking sala pa dia. 6Dia lagi tara sanang kalu orang biking barang yang jahat, tapi dia sanang kalu orang biking barang yang butul. 7Deng dia lagi batahang deng orang yang pe kalakuang tara bagus, dia salalu percaya pa orang laeng, dia salalu baharap orang laeng biking barang yang butul, deng biar lagi dia dapa siksa macam-macam, dia tetap sabar.
8Sayang itu akan ada sampe slama-lamanya. Tapi karunia untuk kase tau Tuhan Allah pe pasáng, itu nanti so tara ada lagi. Kong karunia untuk bicara deng bahasa roh, itu akan berenti. Bagitu lagi deng karunia untuk tau samua hal, nanti mo ilang. 9Barang, karunia untuk tau samua hal, deng karunia untuk kase turus Tuhan Allah pe pasáng, itu tara sempurna. 10Tapi nanti kalu Tuhan datang ulang kong biking samua jadi sempurna, karunia yang tara sempurna itu akan ilang.
11Ambe conto bagini: waktu kita masi ana kacil, kita pe bicara sama deng ana kacil, deng kita pe cara bapikir sama deng ana kacil. Tapi skarang, bagitu kita so basar, kita kase tinggal kalakuang macam ana kacil itu. 12Conto itu pe arti, skarang torang bolong mangarti samua tentang Tuhan Allah, itu sama deng torang ada lia torang pe diri di kaca yang kabur. Tapi nanti kalu torang deng Tuhan Allah so baku lia muka deng muka, torang akan tau samua tentang Dia deng jelas. Skarang torang bolong tau deng sempurna tentang Tuhan Allah, jadi Dia masi kase karunia dari Dia pe Roh, tapi nanti di sorga torang mo tau itu deng sempurna, jadi Tuhan Allah tara perlu kase karunia lagi pa torang, sama deng Dia yang kanal pa tong deng sempurna.
13Jadi, skarang tinggal tiga hal yang penting yang torang musti biking turus-turus: percaya pa Tuhan, baharap pa Dia, deng sayang pa orang laeng.
Kong dari tiga ini, yang paling penting, itu sayang pa orang laeng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020