Filemone 1
1
1Kalata wakutuwa kwaku Paulo wamagoŵa waku Kristu Yesu, ndi Timote, mbali widu, kwaku Filemone, nkhwanjiwa yo ndi wanchitu munyidu, 2ndi kwaku Apfia mzichi widu, ndi kwaku Arkipo wankhondo munyidu, ndi ku ŵampingu ŵamu nyumba yako. 3Wezi kwaku imwe ndi chimangu kutuliya kwaku Chiuta Auskefwe ndi Ambuya Yesu Kristu.
Chanju ndi chivwanu vyaku Filemone
4Ndimwonga Chiuta wangu nyengo zose, ndichizumbuwa mu marombu ghangu, 5pakuvwa chanju chako, ndi chivwanu cho we nacho ku Ambuya Yesu, ndi kwaku wose ŵakupaturika wo; 6Kuti masanga gha chivwanu chako ghaŵe ghakutataliya Kristu mu mziŵiru waku chose chamampha cha mwaku imwe. 7Chifukwa ndenga ndi chimwemwe chikuru ndi kusangaruka pa chanju chako, pakuti mitima ya ŵakupaturika yasisipuskikiya mwako, mbali.
Pempho lakuti Onesimo warondereke
8Chifukwa chenichi, chingana nde ndi wanangwa ukuru mwaku Kristu kukulanguliya cho nchakuyamu, 9ukongwa chifukwa cha chanju ndiŵeyere nda Paulo, mura yo, ndi sono wamagoŵa so waku Kristu Yesu: 10ndikuŵeyere pa chifwa cha mwana wangu, mweniyo ndapapa mu magoŵa ghangu, 11Onesimo yo, wambura chanduku kwaku iwe kali, kweni sono wakwanduliya iwe ndi ine: 12mweniyo ndamwezge kwako, ndikwesa ndiyo mtima wangu: 13mweniyo ndakhumbanga ine kumsungiya kwaku ndamweni, alinga kuti mu malo mwako wanganditeŵete mu magoŵa gho gha evangeli: 14kweni kwambura khumbo lako kuti ndingukhumba kuchita kanthu cha, alinga kuti umampha wako ungaŵa wakuchichizga cha, kweni wakukhumba.
15Chifukwa akhumba chifukwa chenichi wangupatuskika kwako kanyengo, alinga kuti uŵe nayo muyaya; 16uli ndi muŵanda so cha, kweni wakuzungura muŵanda, mbali wakwanjiwa ukongwa viŵi kwaku ine, kweni ukongwako mbwenu kwaku iwe, muliŵavu ndi so mu Ambuya. 17Viyo asani utindesa ine nge ngwamasanga, mronde nge ndine ndamweni. 18Ndipo asani wakwanangiya kanthu, pamwenga wateuwa kanthu, kapimiye keniko kwaku ine; 19ine nda Paulo ndachilemba ndi janja langu, ndazamlipiyapo ine: kweni kuti ndikunene cha kuti pachanya napo uteuliye ine wamweni nawe. 20Nadidi, mbali, ndikondwereske mu Mbuya, totole mtima wangu mwaku Kristu.
21Pakugomekezga mu muvwiyu wako ndakulembe, pakuziŵa kuti chingana nkhwakuruska vyo ndikamba, uchitenge. 22Posepose napo ndirongosole pakura: chifukwa ndigomekezga kuti mu marombu ghinu ndipaskikenge kwawanangwa kwaku imwe.
Matauzgu
23Wakutauzga Epafra, mkoli munyango mwaku Kristu Yesu; 24ndi so Marko, Aristarko, Demase, Luka, ŵanchitu ŵanyangu.
25Wezi wa Ambuyafwe Yesu Kristu uŵe ndi mzimu winu. Ameni.
Currently Selected:
Filemone 1: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
Filemone 1
1
1Kalata wakutuwa kwaku Paulo wamagoŵa waku Kristu Yesu, ndi Timote, mbali widu, kwaku Filemone, nkhwanjiwa yo ndi wanchitu munyidu, 2ndi kwaku Apfia mzichi widu, ndi kwaku Arkipo wankhondo munyidu, ndi ku ŵampingu ŵamu nyumba yako. 3Wezi kwaku imwe ndi chimangu kutuliya kwaku Chiuta Auskefwe ndi Ambuya Yesu Kristu.
Chanju ndi chivwanu vyaku Filemone
4Ndimwonga Chiuta wangu nyengo zose, ndichizumbuwa mu marombu ghangu, 5pakuvwa chanju chako, ndi chivwanu cho we nacho ku Ambuya Yesu, ndi kwaku wose ŵakupaturika wo; 6Kuti masanga gha chivwanu chako ghaŵe ghakutataliya Kristu mu mziŵiru waku chose chamampha cha mwaku imwe. 7Chifukwa ndenga ndi chimwemwe chikuru ndi kusangaruka pa chanju chako, pakuti mitima ya ŵakupaturika yasisipuskikiya mwako, mbali.
Pempho lakuti Onesimo warondereke
8Chifukwa chenichi, chingana nde ndi wanangwa ukuru mwaku Kristu kukulanguliya cho nchakuyamu, 9ukongwa chifukwa cha chanju ndiŵeyere nda Paulo, mura yo, ndi sono wamagoŵa so waku Kristu Yesu: 10ndikuŵeyere pa chifwa cha mwana wangu, mweniyo ndapapa mu magoŵa ghangu, 11Onesimo yo, wambura chanduku kwaku iwe kali, kweni sono wakwanduliya iwe ndi ine: 12mweniyo ndamwezge kwako, ndikwesa ndiyo mtima wangu: 13mweniyo ndakhumbanga ine kumsungiya kwaku ndamweni, alinga kuti mu malo mwako wanganditeŵete mu magoŵa gho gha evangeli: 14kweni kwambura khumbo lako kuti ndingukhumba kuchita kanthu cha, alinga kuti umampha wako ungaŵa wakuchichizga cha, kweni wakukhumba.
15Chifukwa akhumba chifukwa chenichi wangupatuskika kwako kanyengo, alinga kuti uŵe nayo muyaya; 16uli ndi muŵanda so cha, kweni wakuzungura muŵanda, mbali wakwanjiwa ukongwa viŵi kwaku ine, kweni ukongwako mbwenu kwaku iwe, muliŵavu ndi so mu Ambuya. 17Viyo asani utindesa ine nge ngwamasanga, mronde nge ndine ndamweni. 18Ndipo asani wakwanangiya kanthu, pamwenga wateuwa kanthu, kapimiye keniko kwaku ine; 19ine nda Paulo ndachilemba ndi janja langu, ndazamlipiyapo ine: kweni kuti ndikunene cha kuti pachanya napo uteuliye ine wamweni nawe. 20Nadidi, mbali, ndikondwereske mu Mbuya, totole mtima wangu mwaku Kristu.
21Pakugomekezga mu muvwiyu wako ndakulembe, pakuziŵa kuti chingana nkhwakuruska vyo ndikamba, uchitenge. 22Posepose napo ndirongosole pakura: chifukwa ndigomekezga kuti mu marombu ghinu ndipaskikenge kwawanangwa kwaku imwe.
Matauzgu
23Wakutauzga Epafra, mkoli munyango mwaku Kristu Yesu; 24ndi so Marko, Aristarko, Demase, Luka, ŵanchitu ŵanyangu.
25Wezi wa Ambuyafwe Yesu Kristu uŵe ndi mzimu winu. Ameni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi