'Ba Filipia 'Diyi 3

Nzuzu drile baka vuri

1 # Fil 2:18; 4:4 Te e’yo acepiri ’di, ma adripi, emi ma ovu ayikosi Opi ma alia. ’Ma’i ma andeni mani e’yo alu sile ’emi vu dika dikarisi ku, te emi’i, e’yo inderi nga emi ta mbani. 2#Eceza 22:15Emi ma ovu mile be ocesi, emi ma ovu mile be ’ba azi onzi ’yepi ’diyisi, emi ma ovu vini mile be ’ba ’ba rua olipi ’diyisi. 3#Rum 2:29Te ’ba agele liza adaru beri ama’i, ama ’ba Mungu inzipi Orindisi, ama enyapi Kristo Yesusi, ovupi afu be rua ma e’yosi ku ’diyi. 4#2 Kor 11:18, 22Te ma’iruni, ma eco te ovuzaru afusi e’yo ruanisi ra. ’Ba azini ka ega i eco te ovuzaru afusi e’yo ruanisi ra ti, te ma aga yi ra: 5#’Yeta 23:6; 26:5; Rum 11:1; Luk 1:59; 2:21yi li ma agele o’du arorisi, ma ’ba suru Israelini, ma a’bini Benyamini’i, ma ’ba Ebraniani ’ba Ebranianini tileniri’i; azitanisi ma ’ba Farisaini; 6#’Yeta 8:3; 22:4; 26:9-11e’yo asi vezanisi, ma inza ndra ’ba kanisani ’diyi; te e’yo kililiru azitasirisi ma ovu e’yo kokoru. 7#Mat 13:44, 46Te e’yo dria ndra ovupi ma dri ’ orodriru ’diyi, ma la yi ekile afa avipi tokorurile Kristo ma e’yosi ’bo. 8Ada, ma la afa dria ekile afa avipi tokorurile, nita mani Kristo Yesu Opi mani nizurini agale tu onyisi rarisi. Afa mani dria avi eri ma e’yosi, te ma la afa ’diyi ekile afa ngupi onzirile, eco mani ani Kristo isuzaru orodri maniru beni, 9#Rum 3:21, 22ma ma ovu isuzaru eri ma alia, ovuzu e’yo kililiru ma ngulupini azitasiri be ku, te e’yo kililiru isule a’ita ’bani Kristo a’izurisiri be, Munguni ’ba lazu kililiru a’itasiri’i; 10#Rum 6:3-5; 8:17; Gal 6:17ma ma ni eri ani, okpo erini engazu ani ’ba draza ma eseliari pi, ti eciza candi erini ma aliari pie, mani ma sizu erile ekile erini dralerile, 11#’Yeta 4:2; Eceza 20:5, 6’dini ma ma eco ani cazaru engata ’ba draza ma eseliari vu beni.

12 # 1 Tim 6:12; ’Yeta 9:6 Ovuni kini ma isu ’bo, kani ma fu dri ’bo, ’dini ku; te ma nzu drile okposi ’dani, ma ma isu e’yo nde Kristo Yesuni ma bizu aniri beni. 13Adripi, ma egani ma isu e’yo nderi ’bo, ’dini ku; te ma ’ye e’yo alu ’di, e’yo ma ma vutia ’diyisi avizu ra azini ma rua fezu okposi e’yo ma drilia ’diyi vu, 14#1 Kor 9:24ma nzu drile baka vu, afa azile fezaruri isuzu, ’di omveta Munguni ama omvezu uru Kristo Yesu ma aliari’i. 15#1 Kor 2:6E’yo ’disi ama ’ba ecopi dri fupi ci ’diyi ama ma ega ’dinile; te di e’yo azinisi emi ka ovu asisile be ndu, Munguni nga e’yo ’diri ece emi dri indi. 16#Gal 6:16Te di ama ma aci e’yo nde amani ecazu ’bori ma alia.

17 # 1 Kor 4:16; 11:1; 1 Tes 1:7; 1 Pet 5:3 Adripi, emi ma ’ye tualu mani ’yelerile, azini emi ma lu ’ba acipi tro tro ekile eceta amani ecele ndra emi dririle ’diyi. 18#1 Kor 1:23; Gal 6:12A’disiku ’ba kakau mani yi ma e’yo olule emi tia pale kakau, azini curu’do mani olule emi tia mindre be ’diyi, yi aci onzi, yi ari’ba pati alaza Kristonirini. 19#Rum 16:18Asiza yini eri dri jazani, Mungu yiniri eri yi ma anyajoni, azini afu yini yini yi enyazuri eri e’yo drinzaru yiniri’i, yi e’yo nyakuni ega’i. 20#Efe 2:6; Kol 3:1; Ebra 12:22Te ama’i, ama ’ba suru ’buarini ’diyi, ama ’Ba ’ba Papiri Opi Yesu Kristo ngapi emupi ’buari ma mile ga; 21#1 Kor 15:43, 49, 53eri nga rua amani inzita kokorori oja o’diru eri ’bazu ovozu ekile rua dizaru inirile, okpo erini erini ecozu ani afa dria ’bazu i ma palaarisi.

Currently Selected:

'Ba Filipia 'Diyi 3: LB66

Highlight

Copy

Compare