'Ba Levini 3
3
Edeta asi anzuruni ’diyi
1 #
Lev 22:21
Afa ’bani fele edetaruri ka ovu edeta asi anzuruniri, ka ovu anyapa ’wara ma eselia, kani agoni kani aronini, ma fe eri nyebile kokoru Yehova ma drilia. 2#Efu 29:10; Isa 53:4; Kal 8:12; 2 Kor 5:21; Ebra 9:28; 1 Pet 2:24; 3:18Eri ma ti i ma dri edeta ini ma dri olu’bua, ma li eri hema ti ecizaniri ma tilia; te Aroni anzipi kuhaniru ’diyi ma oya arini pari edeta edezuri ma dria ageiniasi kuru. 3Edeta asi anzuruniri ma eseliasi, ma fe oso raururi pi oso dria otile fi ma ruaari be, vezu edetaru Yehova dri, 4azini orofi iri oso ruania gualeruri pi, aridria’bure ogu ruaari be, ma nze yi orofi be tualu. 5#Efu 29:13; 1 Sam 2:15, 16Aroni anzipi ’diyi ma ve eri pari edeta edezuria, edeta vezaru eja aciari ma driari ma dria; eri ovu edeta vele acisi, aji arikariru Yehova vuri’i.
6 #
2 Kor 5:21; Tit 2:11, 12; Ebra 7:26, 27; 1 Pet 1:19 Afa erini fele edeta asi anzuruni Yehova driri ka ovu anyapa nyiri ma eselia, kani agoni kani aronini, ma fe nyebile kokoruri’i. 7Eri ka kabilomva fe edeta iniriru, ma fe eri Yehova ma drilia; 8eri ma ti i ma dri edeta ini ma dria, ma li eri hema ti ecizaniri ma drilia; te Aroni anzipi ’diyi ma oya arini pari edeta edezuri ma dria ageiniasi kuruni, 9Edeta asi anzuruniri ma eseliasi, ma fe osoni edeta vezaruriru Yehova dri, sobi osoru lile pi kote vu ogogori pie, oso raururi pie, oso dria otile fi ma ruaari pie, 10orofi iri ’diyi pie, oso ruania gualeruri pie, aridria’bure ogu ruaari pie, ma nze yi orofi be tualu. 11#Lev 21:6, 8, 17-22; Eze 44:7; Mal 1:7, 12Kuhani ma ve eri pari edeta edezuri ma dria; eri nyaka fele edetaru vele acisi Yehova driri’i. 12Edeta eriniri ka ovu ndrini, ma fe eri edetaru Yehova ma drilia, 13ma ti i ma dri dri olu’bua, ma li eri hema ti ecizaniri ma drilia; te Aroni anzipi ’diyi ma oya arini pari edeta edezuri ma dria ageiniasi kuru. 14Eri ma ’du eselenia oso raururi pi fezu edeta veza erini Yehova dririru, oso dria otile fi ma ruaari pie, 15orofi iri ’diyi pie, oso mania gualeruri pie, aridria’bure ogu ruaari pie, ma nze yi orofi be tualu. 16#Lev 7:23; 1 Sam 2:15; 2 Sur 7:7Kuhani ma ve yi pari edeta edezuri ma dria; eri nyaka fele edetaru vele acisi aji be arikariru Yehova driri’i. Osoni dria Yehovani, 17#Lev 6:18; 7:36; E’do 9:4; Lev 17:10; Azi 12:16; 1 Sam 14:33; Eze 44:7, 15; Rum 14:20-23Eri nga ovu azita ’dani ’daniriru a’bianzi emini vusi, pari emini ovuzu ’diyi ma alia dria, emi ma nya oso pi ari be ku.
Currently Selected:
'Ba Levini 3: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
