'Ba Levini 2
2
Edeta anyafurasi ’diyi
1 #
Lev 6:14; 9:17 ’Ba azini ka edeta edele anyafurasiri fe Yehova dri, afa erini fele edetaruri ma ovu anyafura inikini-ruri’i; eri nga odu osu drinia, nga vini obiese vele veri ’ba drinia, 2#Lev 5:12; 6:15; 24:7; Isa 66:3; ’Yeta 10:4nga eri eji Aroni anzipi kuhaniru ’diyi vu. Eri ma ndi ini anyafura inikiniruri driega alu oduni be, te obieseruri ma ’du woro; te kuhanini nga eri eve pari edeta edezuri ma dria, esele tiza egata fezuriru, edeta vele acisi, aji arikariru Yehova vuriru. 3#Lev 7:9; 10:12, 13; Efu 29:37; Kal 18:9Te joloko acepi edeta edele anyafurasiriniri ma ovu Aroni pi dri anzipi be; eri ovu edeta vele acisi Yehova dri ’diyi ma eselia afa alatararu tu agapi rari’i. 4#Efu 29:2Mi ka edeta edele anyafurasi ozozaru furu ma aliari fe, eri ma ovu mikate akufi kokoru, edele anyafura inikinirisi, olizaru, osale odusi ’diyi, kani mikate akufi kokoru pekepeke odu trile drinia ci ’diyi. 5Afa edetaru mini feleri ka ovu edeta anyafurasi ozozaru saanisiri, eri ma ovu edezaru akufi kokoru anyafura inikini osale odusirisi; 6mi ma ondi eri eselesi eselesi, odu osuzu drinia; eri ovu edeta edele anya-furasiri’i. 7Afa edetaru mini feleri ka ovu edeta anyafurasi osizaru ajikoasiri, eri ma ovu edezaru anyafura inikini odu berisi. 8Mi ma eji edeta anyafurasi edele afa nde ’diyisiri Yehova vu; ma fe eri kuhani dri, kuhanini nga eri ji pari edeta edezuriani. 9#Efu 29:18; Rum 12:1Kuhanini nga edeta edele anyafurasiri ma esele tiza egata fezuriruri nze, nga eri ve pari edeta edezuri ma dria, edeta vele acisi, aji arikariru Yehova vuriru. 10#Efu 29:18, 37Te joloko acepi edeta edele anyafurasiriniri ma ovu Aroni pi dri anzipi be; eri ovu edeta vele acisi Yehova dri ’diyi ma eselia afa alatararu tu agapi rari’i.
11 #
Lev 6:17; Mat 16:12; Mar 8:15; Luk 12:1; 1 Kor 5:8; Gal 5:9 Edeta edele anyafurasi emini fele Yehova dri ’diyi ma aluni ma ovu akufi be ku; a’disiku emi ma ve akufi kani anyusu edeta vele acisiriru Yehova dri aluni ku. 12#Efu 22:29; Lev 23:10, 11; Azi 26:10Emi nga yi fe edeta anyadri okoriniriru Yehova dri, te ma ca pari edeta edezuri ma dria aji arikariruriru ku. 13#Mar 9:49; Kol 4:6; Kal 18:19; Eze 43:24Emi ma ’ba a’i edeta edele anyafurasi ’diyi ma alia dria; emi ma ece a’i aziza Mungu miniri vileri ’bazu edeta emini edele anyafurasi ’diyi ma alia ku; te emi ma fe a’i afa dria emini fele edetaru ’diyi be tualu. 14#Efu 23:19; O’be 3:9; Lev 23:10, 14; 2 Opi 4:42Mi ka edeta edele anyadri okori ma anyafurasiri fe Yehova dri, mi ma fe anya o’di cole efifiru osile acisiri ovuzu edeta edele anyadri oko eminiri ma anyafurasiriru. 15Mi ma ’ba odu drinia, ma ’ba vini obiese vele veri drinia; eri ovu edeta edele anyafurasiri’i. 16Te kuhani ma ndi anya cole efifiruri pi ma esele azini oduni be, tualu obiese vele veri be woro, ma ve eri esele tiza egata fezuriru; eri ovu edeta vele acisi Yehova driri’i.
Currently Selected:
'Ba Levini 2: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
