Efuza 40

Bere asozu

1Yehova ’yo Musa tia kini. 2#Efu 12:2; 13:4; 25:9; 26:1, 30; Kal 7:1; ’Yeta 7:44, 45; Ebra 8:2-5; 9:2, 11; Eceza 21:3Mba alu ma o’du alusi mi ma edre bere hema ti ecizanirini uru. 3#Kal 4:5Mi ma ’ba alenia sanduku e’yo eti nzezaniri,mi ma’i bongo jo ale alizuri sanduku nderi a’buzu. 4#Efu 26:35; Lev 24:5, 6Azini mi ma ofi mesa, ma ede afa drinia ’diyi kilili; mi ma ofi talapati, ma o’i talani indi. 5#Ebra 9:24; 10:19-22Azini mi ma ’ba pari edetani meleru obiese vezuri sanduku e’yo eti nzezaniri ma drilia, azini mi ma ’i bongo bere tilia. 6Mi ma ’ba pari edeta vezuri bere hema ti ecizanirini ma tile ma drilia, 7#Efu 30:18azini mi ma ’ba awala rua ojizuri hema ti ecizaniri pi ma eselia pari edeta edezuri be, mi osu yi alenia. 8Mi ma i’di kali iri ageia kuru kuru, mi ’i bongo kalitiliari. 9#Efu 30:23-26Mi ma ’du odu osule osuri, ma tri ani hema pi ma rua afa dria alenia ’diyi be, mi ’ba eri alatararu afa alenia ’diyi pie dria; eri nga ovu alatararu beni. 10#Efu 29:36Mi ma tri pari edeta vezuri odusi, afa erini ’diyi be dria, te mi ’ba pari edeta edezu nderi alatararu; pari edetaniri nga ovu alatatararu beni. 11Mi ma tri awala rua ojizuri odusi pani be, mi ’ba eri alatararu. 12#Lev 8:1-13Mi ma eji Aroni pi anzipi be hema ti ecizaniri ma tilia, mi oji yi yisi, 13#Efu 28:41; Zab 133:2mi ma su bongo alatararu ’diyi Aroni ma ruaa, mi ma osu odu eri dria, ma ’ba eri ndu alatararu, ’dini eri ma nga azi kuhanini ma dri beni. 14#Ebra 7:23Azini mi ma eji anzipi erini ’diyi, ma su koti yi ruaa, 15#Kal 25:13; Ebra 7:11; Eceza 1:6; 1 Pet 2:5, 9ma osu odu yi ma dria, ekile mini odu osule yi ati ma driarile, ’dini yi ma nga azi kuhanini ma dri beni: odu osuza yi ma dria nderi nga fe yini ovuzu kuhaniru ’dani ’dani a’bianzi yini vusi.

16Musa ’ye ’dini; eri ’ye ’yeke ’yeke ekile Yehovani azile eri tiarile. 17#Kal 7:1Eri nga di eca ’dini, o’du alu eli iriri ma mba alurisi, yi edre bere nde uru. 18Musa edre bere nde uru: eri ’ba ’bileni va, edre bauni uru, osu patini rwe rwe ’diyi, enga patini agoferu’diyi; 19eri aja hema bere ma dria, a’bu hema dri ururi ci, ekile Yehovani azile Musa tiarile. 20#Efu 25:16; Zab 78:5; Isa 8:20Eri ’du afa e’yo eti nzezaniri, ’ba eri sanduku alia, osu pati sanduku ’duzu ’diyi eri ruaa, ’ba oguna yikiniri sanduku dria uru; 21#Efu 35:12ofi sanduku bere alia, ’i bongo jo ale alizuri uru, a’bu sanduku e’yo eti nzezaniri; ekile Yehovani azile Musa tiarile. 22#Efu 26:35Eri ’ba mesa hema ti ecizaniri ma alia, bere ma kala andraleruria, bongo jo ale alizuri ma kalaa amveleru, 23eri o’ba mikate drinia kilili Yehova drilia; ekile Yehovani azile Musa tiarile. 24#Efu 26:35Eri ’ba talapati hema ti ecizaniri ma alia, oti yi mesa be bere ma kala uruleruria, 25#Efu 25:37o’i tala Yehova drilia; ekile Yehovani azile Musa tiarile. 26#Efu 30:6Eri ’ba pari edeta edezu meleruri hema ti ecizaniri ma alia, bongo jo ale alizuri ma drilia, 27#Efu 30:7eri ve obiese osale afa aji be arikariru ’diyisiri drinia; ekile Yehovani azile Musa tiarile. 28#Efu 26:36Eri ’i bongo bere tilia. 29#Efu 29:38Eri ’ba pari edeta vezuri bere hema ti ecizanirini ma tilia, ve drinia edeta vezaruri edeta edele anyafurasiri be; ekile Yehovani azile Musa tiarile. 30#Efu 30:18Te eri ’ba awala rua ojizuri hema ti ecizaniri pi ma eselia pari edeta edezuri be, eri osu yi alenia rua ojizu, 31te Musa pi, Aroni pie, anzipi be, oji dri yini pa be awala nderia; 32#Efu 30:19yi ka fi hema ti ecizaniri ma alia, azini ka esi pari edeta edezuri vu ogogo, yi adri yi oji ra; ekile Yehovani azile Musa tiarile. 33#Efu 27:9, 16Azini eri e’di kali iruniri bere pi ma ageia pari edeta edezuri be kuru kuru, azini eri ’i bongo kalitiliari. ’Dini Musa de di azi nderi ra.

Iriti pa sopi Bere ma drilialesiri

34 # 1 Opi 8:10-11; Isa 6:4; Eze 43:4-5; Eceza 15:8; Lev 16:2; Kal 9:15; 2 Sur 5:13; 7:2; Hag 2:7, 9 Etu nde ’dasi iriti a’bu hema ti ecizaniri ma dri ci, azini diza Yehovani ga bere nderi ma alia tre. 35#1 Opi 8:11; 2 Sur 5:14; Zab 78:14Te Musa econi fizaru hema ti ecizaniri ma alia ku, a’disiku iritini rile hema nderi ma dria cirisi, azini diza Yehovanini gale bere ma alia trerisi. 36#Kal 10:11; Neh 9:19lriti nde ka nga hema nderi ma driarisi ’bo, anzi Israelini ’diyi yi adri dri ko muzu drile drile, aci yini vusi dria; 37#Kal 9:19-22te iriti ka nga ku, yi adrini aci ku cazu kpere o’du erini ngazuria. 38#Efu 13:21; Kal 9:15lriti Yehovaniri ovu bere ma dria etusi, azini aci ovu iriti nde ma alia inisi, suru Israeliniri ma milia dria, aci yini vusi dria.

Currently Selected:

Efuza 40: LB66

Highlight

Copy

Compare