Efuza 37

Onyiafa o’bale Bere ma alia ’diyi

1 # Efu 35:30; 25:10 Te Bezaleli ede sanduku asarau patisi; oconi alazari ovu wuale iri ali be, walani wuale alu ali be, oconi edrezari wuale alu ali be. 2Eri a’bu eri rua dria dria mele alarurisi, alialeru azini amveleru, azini eri ede ekilaza melesi drinia kalaniasi kuru, 3Eri ede emve erini su mele akapi acisirisi eri ma paa su tro, emve iri kala aluria, emve iri kala aziniria. 4#Kal 4:6Eri ede patiniru asarau pati’i, eri a’bu yi rua dria dria melesi, 5#Kal 1:50; 2 Sam 6:3eri su pati nde ’diyi emve sanduku ma kalaa ’diyi ma alia, sanduku ’duzu. 6#Efu 25:17Azini eri ede oguna yikiniri mele alarurisi; oconi alazari ovu wuale iri ali be, walani wuale alu ali be. 7Eri ede kerubi iri melesi, eri ede yi mele dile dirisi; ’ba yi sanduku kalaa irile irile, 8eri ’ba kerubi alu kala aluria, kerubi azini kala aziniria; eri ede kerubi kala nde iria ’diyi tualu oguna yikiniri be ovuzu afa aluru. 9#E’do 3:24; Efu 25:22; 1 Opi 6:23; 2 Sur 3:10; Zab 80:1; Eze 1:5-28; 10:1; Yoh 1:51; Fil 2:10; 1 Tim 3:16; Ebra 1:14; 1 Pet 1:12Kerubi ’diyi aja yi ma opile uru oguna yikiniri a’buzu yi ma opilesi, ofe yi ma andreti; kerubi ’diyi ma andreti ovu oguna yikiniri vuleru.

10 # Efu 25:23; Mal 1:7, 12 Eri ede mesa asarau patisi;oconi alazari ovu wuale iri, walani ovu wuale alu, oconi edrezari wuale alu ali be; 11eri a’bu ruani dria dria mele alarusi, azini eri ede ekilaza melesi drinia kalaasi kuru. 12Eri ede eri dri eri ma kalaa dria eseleni tini beri, walani drianzi su, azini eri ede indi ekilaza melesi esele nderi ma tia kalaniasi kuru. 13Eri ede eri dri emve su mele rapi acisirisi, eri o’ba yi kalania su tro pani su ’diyia dria. 14Emve ’diyi ovu ogogo eseleni tini beria, pari pati eri ’duzu ’diyi suzuriru. 15Eri ede patiniru asarau pati’i, eri a’bu yi rua dria dria melesi, mesa ’duzu. 16#Efu 25:29Eri ede afazu mesa dria ’diyi mele alarusi, saani erini pie, kabileni pie, okeleani pie, imvuni pie, yi bezu ’diyi.

17 # Efu 25:31; Lev 24:4; 1 Sur 28:15; Zek 4:2; Mat 5:15, 16; Yoh 5:35; Fil 2:15; 1 Pet 2:9; Eceza 1:20 Eri ede talapati mele alarusi, Eri ede talapati nderi mele dile dirisi, nduni pi ruani be; koponi pie, ongbuni pie, funi pie dria ovu dria tala nderi ma ruaa afa aluru. 18Arakala azia efu eri ma ruaa, tala arakala na eje aluria, tala arakala na eje aziniria; 19kopo na ekile alimondi fule ovu eri ma arakala aluria, ongbu alu azini fu alu; kopo na ekile alimondi fule ovu eri ma arakala aziniria, ongbu alu azini fu alu-arakala azia fupi tala nderi ma ruaa ’diyi ovu ’dinile, 20#Kal 17:8; Yer 1:11Tala nderi ma pati adaria kopo su ekile alimondi fule, ongbuni ’diyi pie funi be, 21ongbu alu arakala iri etia tala nderi ma ruaa afa aluru, azini ongbu alu arakala iri etia tala nderi, ma ruaa afa aluru, azini ongbu alu arakala iri etia tala nderi ma ruaa afa aluru-arakala azia fupi tala nderi ma ruaa ’diyi yi ovu ’dinile. 22Ongbu yini piyi arakala yini be ovu tala nderi ma ruaa afa aluru; tala nderi dria ovu edezaru mele alaru dile dirisi. 23#Eceza 1:20; 4:5Eri ede tala erini aziri, akpaani pie, ajikoani be, mele alarusi. 24Eri ede eri, afa erini ’diyi be dria, mele alaru ma onzi alusi.

25 # Efu 30:1; 40:26; 1 Opi 9:25; 1 Sur 29:6, 7; Isa 60:6; Mal 1:11; Ebra 7:25; 1 Pet 2:5; Eceza 8:3 Azini eri ede pari obiese vezuri asarau patisi; oconi alazari ovu wuale alu, walani wuale alu; kala erini su ’diyi ovu tro tro, tro tro, oconi edrezari ovu wuale iri; o’yu erini ovu pari nderi ma ruaa afa aluru. 26Eri a’bu eri rua dria dria mele alarusi, drini pi, kalani pie, o’yuni pie dria; eri ede ekilaza melesi drinia kalaniasi kuru, 27eri ede eri dri emve iri melesi, ecizu ekilaza eriniri ma etia, eri ’ba yi ejenia kalaniasi iri tro, ovuzu pari kali suzu eri ’duzuriru. 28Eri ede kali nde ’diyi asarau patisi, a’bu yi rua dria dria melesi.

29 # Efu 30:22-38; Isa 61:1; 11:2; Zab 133:2; 1 Yoh 2:20; Zab 141:2; Ong 4:14; Mal 1:11; Ebra 5:7; 7:25; Eceza 5:8; 8:3, 4 Eri ede indi odu alatararu osule osuri, azini obiese vele ve alaru osale afa aji be arikariru ’diyisiri, onduouni osale ondua erinisirile.

Currently Selected:

Efuza 37: LB66

Highlight

Copy

Compare