Efuza 33

Yehovani azizu i nga ovu yi be indiri

1 # E’do 12:7; 26:3; 28:13 Yehova ’yo Musa tia, Mi nga ’doarisi, mi tu ’dale, mi’i azini ’ba mini ofule angu Misiriniasi ’diyi be, cazu angu mani oyoni sole Iburahimu pi vu, Isaka pie, Yakobo pieria, ’yozu kini, Ma nga eri fe ori mini dri. 2#Azi 7:22; Yos 24:11Te ma nga malaika ma ti pe mi drilia, te ma nga ’ba Kananini pi dro, ’ba Amorini pie, ’ba Hitini pie, ’ba Perizini pie, ’ba Hivini pie, ’ba Yebusini pie; 3#Efu 32:9; Azi 9:6cazu angu gapi tre lesu pisi, anyu beria; te ma ngani tu emi eselia ku, emini ovule suruti ombe mbaza berisi, ’dini ma kazu emi dri jazu geria ku.

4 # 2 Sam 19:24 ’Ba ongulumuru ka e’yo kuza onzi ’diri eri ra, yi nga ovu candisi; ’ba aluni suni onyiafa i ruaa ku. 5#Zab 139:23Te Yehova ’yo Musa tia, Mi ’yo anzi Israelini ’diyi ma tia, Emi ovu suruti ombe mbazaniri; ma ka te tu emi eselia etu were ti, ma te emi dri ja ra, E’yo ’disi emi tru di onyiafa emini, ’dini ma ma ama ani e’yo mani ngale ’yele emi ruaari. 6Israeli anzi yi otru di onyiafa yi ruaa ra, engazu oni Horebua asini su dika ku.

7 # 2 Sam 21:1 Te Musa adri hema ’du aso amve, pari ’ba ongulumuruni hema yini asozuri be re; ’da runi hema ti ecizaniri’i. Te eri nga eca ’dini, ’ba dria alu alu Yehovani ndrupiri yi adri fu muzu hema ti ecizani ovupi amve pari ’bani hema asozuri be reria, 8#Kal 16:27Eri eca ’dini, Musa ka fu mu amve hema nderia, ’ba alu alu dria enga uru pa sozu hema yini ma tilia, Musa ma vuti luzu kpere erini ’firia hema aliaria. 9#Zab 99:7Te eri eca ’dinile, Musa ka fi hema ma alia ’bo, iriti pa sopi piriruri esi va, pa sozu hema ma tilia, te Yehova ’yo ’eyo Musa be. 10Te ’ba nde dria ne iritini pa soria piriru hema tilia, te ’ba nde dria enga uru inzita inzizu, ’ba dria alu alu hema yini ma tilia. 11#E’do 32:30; Azi 5:24; 34:10; Efu 24:13Te Yehova ’yo Musa be milia milia, ekile ’bani e’yo ’yole i agyi berile. Te Musa oja i dika fizu pari ’bani hema asozuria, te Yosua Nuni mvi, karilau eri aza kopiri, funi hema aliasi amve ku.

12 # Zab 1:6; Yer 1:5; Yoh 10:14; 2 Tim 2:19 Te Musa ’yo Yehova tia, Mi ne, mi ’yo ma tia kini, Mi ji ’ba ’diyi uru; te mi eceni nga ma dri ’ba mini ngale tini pele ma be tualuri ku. Te di, mi ’yo ra, Ma ni mi rusi, mi isu vini asi ndriza ma milia ’bo. 13#Efu 34:9; Zab 25:4; 27:11; Azi 9:26; Yoe 2:17Ka adri ’dini curu’do ma zi mi tia, ma ka asi ndriza isu mi ma milia ’bo, mi ece curu’do geri mini ’diyi ma dri, ma ma ni mi ani, ’dini ma ma isu asi ndriza mi milia ani beni. Mi ma osu indi kini, suru ’diri yi ’ba mini. 14#Efu 40:34-38; Isa 63:9; Azi 3:20; Yos 21:44; 22:4; 23:1; Zab 95:11Te eri omvi e’yo ra, kini, Ma ngulupi nga mu mi be, ma nga fe mini ava li. 15#Efu 34:9Te eri ’yo eri tia, Te mi ngulupi ka mu ma be ku, mi ji ama ngazu ’doarisi ku. 16#Kal 14:14; Azi 4:34; 2 Sam 7:23; Zab 147:20; Tit 2:14Te ’ba yi nga ni ngoni ngoni, ama isu asi ndriza mi milia, ma’i ’ba mini ’diyi be ’bo ya? Yi ngani ni mini mule ama be indirisi ’dini ku ya? ’dini ma’i ’ba mini ’diyi be, ama co esele ’ba nyakua ’diyi be dria.

17 # E’do 19:21; Yak 5:16 Yehova ’yo Musa tia, Ma nga e’yo mini ’yole ’diri ’ye ra; mini asi ndriza isule ma milia ’borisi, azini mani mi nile rusirisi. 18#1 Tim 6:16Musa ’yo, Ma zi mi tia, mi ece ma dri diza mini. 19#Rum 9:1, 15; 4:4; Yer 31:14Te Mungu ’yo, Ma nga fe onyi mani dria ma aga mi drilia, ma nga Yehova ma ru olu mi drilia; ma nga asi ndriza ’ba ’ba mani lele asi ndriza ’bale vuniari vu, ma nga yiki ’ba ’ba mani lele yiki ’bale vuniari vu. 20#E’do 32:30; Azi 5:24; Lip 13:22; Isa 6:5; Eceza 1:16Te eri ’yo ra, Mi econi ma mile ndrezaru ku; a’disiku ’ba econi ma ndrezaru, vutinia ovuzu idriru ku. 21Te Yehova ’yora, Mi ne, pari ma ageia indi, mi nga pa so oni dria; 22#Isa 2:21; Zab 91:1, 4azini eri nga eca ’dinile, ma dizani agaria ma nga mi ’ba onigulea, ma nga mi a’bu ma drisi cazu mani agazu ’boria; 23#Yoh 1:18; 1 Tim 6:16; 1 Yoh 1:12te ma nga ma dri omvi, mi nga ma nguku ne’i; te ma mile ngani i e’da mi dri ku.

Currently Selected:

Efuza 33: LB66

Highlight

Copy

Compare