2 कुरिन्थियों 3
3
मसीही जींदी चिट्ठी
1के अस पी अपनी बड़याई करन लगी पे? जां असैं बाकी लोकें साईं शफारशें दियां चिट्ठीयां थुआड़े कोल आननियां जां लेनयां न? 2साड़ी शफारश दी चिट्ठी तोस गै ओ, जेड़ी साड़े एर्दें उपर लिखी गेदी ऐ, ते उसी सारे मनुक्ख पनछानदे ते पढ़दे न। 3ए परकट ऐ, के तोस मसीह थमां मिली दी पत्री ओ, जिसी असैं सेवकें आला लेखा लिखया, ते जेड़ी स्याई कन्ने नेई लेकन जिन्दे परमेसर दी आत्मा कन्ने, पत्थर दी पट्टीयें उपर नेई, लेकन एर्दें दे मास रूपी पट्टीयें उपर लिखी ऐ।
पौलुस दी कावलियत
4अस मसीह थमां परमेसर उपर ऐसा गै परोसा करनयां न। 5ए नेई, के अस अपने आप थमां एस काबल ओ, के अपनी तरफुं कुसे गल्ल दा वचार करी सकचै, लेकन साड़ी काबलता परमेसर थमां ऐ, 6जेस ने असेंगी नमें बायदे दे सेवक ओनें दे काबल बी कित्ता, छड़े बोलने आले सेवक नेई वरन आत्मा दे; किके मूसा दे कनून दे मताबक बोल मारदा ऐ, लेकन परमेसर दी आत्मा मेशा दी जिन्दडी दिन्दी ऐ।
नमें बायदे दी मैमा
7जेकर मौत दा ए कनून जेसदे अखर पत्थरें उपर लिखे गेदे हे, इत्थैं तकर मैमा योकत ओए, के मूसा दे मुं उपर दी तेज लो दे कारन जेड़ी घटदी बी जंदी ही, इस्राएली ओदे मुंह उपर नजर नेई पाई सकदे हे, 8ते आत्मा दा बायदा ओर बी तेज लोई आला कि नेई ओग? 9किके जेलै दोषी बनाने आला बायदा बड़ा गै शक्ति आला हा, तां तरमी बनाने आला बायदा ओर बी शक्ति आला कि नेई ओग? 10ते जेड़ा मैमा आला हा, ओ बी ओस तेज लोई दे कारन जेड़ा ओस थमां जादै शक्ति आला हा, केछ बड़ा शक्ति आला नेई निकलया। 11किके जेलै ओ तेज जेड़ा कटदा जन्दा हा, तां ओ जेड़ा टिका दा रौग ओर बी बड़ा शक्ति आला कि नेई ओग?
12एसकरी ए जेई आस रखियै अस दलेरी कन्ने बोलनयां न, 13ते मूसा आला लेखा नेई, जेस ने अपने मुंह उपर पड़दा पाए दा हा तां जे इस्राएली लोक ओस घटने आली लोई दे ऐन्त गी नेई दिखन। 14लेकन उनै अपने एर्दें कठोर करी दिते, किके अज्ज तकर पराना नियम पढ़दे बेलै उंदे एर्दें उपर उवै पड़दा पेदा रौंदा ऐ, लेकन ओ मसीह च चुकी लित्ता जन्दा ऐ। 15ते अज्ज तकर जेलै कुत्ते मूसा दी कताब पढ़ी जन्दी ऐ, तां उंदे एर्दें उपर पड़दा पेदा रौंदा ऐ। 16लेकन जेलै कुत्ते उंदा एर्दें प्रभु यीशु आली बक्खी फिरग, ओस बेलै ओ पड़दा अटी जाग। 17प्रभु तां आत्मा ऐ; ते जिथें कुत्ते प्रभु दा आत्मा ऐ उत्थें कनून थमां अजादी ऐ। 18लेकन जेलै साड़े सारें दे उगडे दे मुंह थमां प्रभु दी ओ तेज लो एस चाली परकट ओंदी ऐ, जेस चाली शीशे च, तां प्रभु थमां जेड़ा ओ आत्मा ऐ, अस उसै तेज लोई आला लेखा थुड़े-थुड़े करियै बदलदे जनयां न।
Currently Selected:
2 कुरिन्थियों 3: DOG
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
