Amosi 5
5
Mbubakaambilwa kuti beempe
1Amumvwe majwi aaya nomusyobo wa Isilayeli, ndaimba cabuumba akaambo kandinywe.
2Nyika ya Isilayeli iitakwe kampenda yawa, tiikabuki alimwi!
“Yoolwa ansi taakwe uukonzya kwiibusya.”
3Mboobu mbwaamba Mwami Leza ulati, “Munzi wamu Isilayeli uutuma basilumamba bali cuulu kunkondo, bali mwaanda balikke mbabapiluka, munzi uutuma basilumamba bali mwaanda kunkondo, bali kkumi balikke mbabapiluka.”
4Mboobu Mwami Leza mbwaambila musyobo wa Isilayeli ulati, “Amundiyandaule kuti mupone, 5mutayandauli Beteli, mutainki ku Giligali, mutabi aalweendo lwakuya ku Biiyasyeba. Nkaako kasimpe baku Giligali balatolwa mubwaange, munzi wa Beteli ulaba makwisyilili.”
6Amuyandaule Mwami Leza kuti mupone kwataba boobo uzoonyonyoona musyobo wa Josefa mbuli mulilo, uyoomuumpa, nkabela taakwe muntu uyoozima munzi wa Beteli. 7Nywebo nomucita kuti buluzi bubije, akusowa bululami ansi,
8ooyo wakalenga mulalabungu abandakutema, ooyo uucita kuti kusiya kube bucedo,
uucita kuti buzuba bube mudima, ooyo uucita maanzi aamulwizi akwaatilila
atala aanyika, izina lyakwe ngu Mwami Leza.
9Ngonguwe uunyonyoona mayubilo mayumu,
akucita kuti munzi wankwakwa upwayaulwe.
10Nywebo mulasulaika muntu ooyo uutapatila munkuta akusampaula muntu ooyo waamba zyabwini. 11Mulalyatauka mucete akumusungilizya kuti amubbadele maila. Nkaako nokuba kuti mwakayaka maanda mabotu mapati aamabwe, tamukakkali mulingawo pe, nokuba kuti mwakalima myuunda mibotu yamisaansa, tamukanywi waini wayo. 12Kayi ndizi kuvula kwamilandu yanu akuti zinyonyoono zyanu nzipati. Mudyaminina baluleme akutambula masinkamulomo, bacete tamubacitili bweelede munkuta. 13Nkaako muntu wamaanu ulaumuna muziindi zili boobo, nkaambo nziindi zyabubi.
14Amuyandaule cibotu kutali cibi, kuti mube aabuumi. Ndendilyo Mwami Leza Singuzuzyoonse nayooba aandinywe, mbubonya mbomuti ulaandinywe. 15Amusulaike bubi, muyande cibotu, kamucita ziluleme munkuta. Ambweni Mwami Leza Singuzuzyoonse nayooengelela bantu basyeede baciinga ca Josefa.
16Nkaako mboobu mbwaamba Mwami Leza Singuzuzyoonse ulati, “Kuyooba kulila mumigwagwa yoonse, kuyooba kulila kwakucisa muzisambalilo zyoonse. Balimi bayooitwa kuti bakoomoke, basidilwe bayooema. 17Kunooli basikweema mumyuunda yoonse yansaansa, mukuti ndiyooboola kuzoomusubula.” Mbwaamba Mwami Leza.
Buzuba bwa Mwami Leza
18Maawe kuli baabo basukamina buzuba bwa Mwami Leza! Ino nkaambo nzi ncomusukamina buzuba bwa Mwami Leza? Buzuba oobo buyooba bwamudima kutali bwamumuni. 19Buyooba mbuli muntu uutija syuumbwa kwamana waakuswaangana amunyama wabutambo. Buyooba mbuli wanjila muŋanda yakwe wajatilila abwaanda, kwamana nzoka yamuluma. 20Sena buzuba bwa Mwami Leza tabukabi bwamudima, butali bwamumuni? Bunooli buzuba busiya mbi taakwe amumuni uuyoobonwa pe.
21Ndasulaika akusampaula mapobwe aabukombi bwanu, nsikonzyi kubotelwa akubungana kwanu. 22Nokuba kuti mulandiletela zipaizyo zyakutenta azituuzyo zyamaila, nsikoozitambula pe. Nokuba kuti mundiletele zituuzyo zyalumvwano zibotu, nsikooziyanda pe. 23Amutole kooko nyimbo zyanu zyacikwala nsikooswiilila nyimbo zyatulumbu twanu pe. 24Pele ndiyanda kuti bubetesi bululeme bukunke mbuli mulonga, bulondoke mbuli kalonga katayuminini.
25Sena mwakandiletela zipaizyo azituuzyo kwamyaka iili makumi one munkanda, nywebo nomusyobo wa Isilayeli? 26Munkanda mwakakomba cikozyanyo ca Sakuti mwami wanu. Mwakakomba Kaiwani leza wanyenyenzi, ooyo ngumwakalipangila nobeni. 27Nkaako ndiyoomutuma mubwaange kucisi cisakene kwiindilila munzi wa Damasikasi kamuziyumwide eezyo. Mbwaaamba Mwami Leza, Leza wamakamu Singuzuzyoonse.
Currently Selected:
Amosi 5: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Amosi 5
5
Mbubakaambilwa kuti beempe
1Amumvwe majwi aaya nomusyobo wa Isilayeli, ndaimba cabuumba akaambo kandinywe.
2Nyika ya Isilayeli iitakwe kampenda yawa, tiikabuki alimwi!
“Yoolwa ansi taakwe uukonzya kwiibusya.”
3Mboobu mbwaamba Mwami Leza ulati, “Munzi wamu Isilayeli uutuma basilumamba bali cuulu kunkondo, bali mwaanda balikke mbabapiluka, munzi uutuma basilumamba bali mwaanda kunkondo, bali kkumi balikke mbabapiluka.”
4Mboobu Mwami Leza mbwaambila musyobo wa Isilayeli ulati, “Amundiyandaule kuti mupone, 5mutayandauli Beteli, mutainki ku Giligali, mutabi aalweendo lwakuya ku Biiyasyeba. Nkaako kasimpe baku Giligali balatolwa mubwaange, munzi wa Beteli ulaba makwisyilili.”
6Amuyandaule Mwami Leza kuti mupone kwataba boobo uzoonyonyoona musyobo wa Josefa mbuli mulilo, uyoomuumpa, nkabela taakwe muntu uyoozima munzi wa Beteli. 7Nywebo nomucita kuti buluzi bubije, akusowa bululami ansi,
8ooyo wakalenga mulalabungu abandakutema, ooyo uucita kuti kusiya kube bucedo,
uucita kuti buzuba bube mudima, ooyo uucita maanzi aamulwizi akwaatilila
atala aanyika, izina lyakwe ngu Mwami Leza.
9Ngonguwe uunyonyoona mayubilo mayumu,
akucita kuti munzi wankwakwa upwayaulwe.
10Nywebo mulasulaika muntu ooyo uutapatila munkuta akusampaula muntu ooyo waamba zyabwini. 11Mulalyatauka mucete akumusungilizya kuti amubbadele maila. Nkaako nokuba kuti mwakayaka maanda mabotu mapati aamabwe, tamukakkali mulingawo pe, nokuba kuti mwakalima myuunda mibotu yamisaansa, tamukanywi waini wayo. 12Kayi ndizi kuvula kwamilandu yanu akuti zinyonyoono zyanu nzipati. Mudyaminina baluleme akutambula masinkamulomo, bacete tamubacitili bweelede munkuta. 13Nkaako muntu wamaanu ulaumuna muziindi zili boobo, nkaambo nziindi zyabubi.
14Amuyandaule cibotu kutali cibi, kuti mube aabuumi. Ndendilyo Mwami Leza Singuzuzyoonse nayooba aandinywe, mbubonya mbomuti ulaandinywe. 15Amusulaike bubi, muyande cibotu, kamucita ziluleme munkuta. Ambweni Mwami Leza Singuzuzyoonse nayooengelela bantu basyeede baciinga ca Josefa.
16Nkaako mboobu mbwaamba Mwami Leza Singuzuzyoonse ulati, “Kuyooba kulila mumigwagwa yoonse, kuyooba kulila kwakucisa muzisambalilo zyoonse. Balimi bayooitwa kuti bakoomoke, basidilwe bayooema. 17Kunooli basikweema mumyuunda yoonse yansaansa, mukuti ndiyooboola kuzoomusubula.” Mbwaamba Mwami Leza.
Buzuba bwa Mwami Leza
18Maawe kuli baabo basukamina buzuba bwa Mwami Leza! Ino nkaambo nzi ncomusukamina buzuba bwa Mwami Leza? Buzuba oobo buyooba bwamudima kutali bwamumuni. 19Buyooba mbuli muntu uutija syuumbwa kwamana waakuswaangana amunyama wabutambo. Buyooba mbuli wanjila muŋanda yakwe wajatilila abwaanda, kwamana nzoka yamuluma. 20Sena buzuba bwa Mwami Leza tabukabi bwamudima, butali bwamumuni? Bunooli buzuba busiya mbi taakwe amumuni uuyoobonwa pe.
21Ndasulaika akusampaula mapobwe aabukombi bwanu, nsikonzyi kubotelwa akubungana kwanu. 22Nokuba kuti mulandiletela zipaizyo zyakutenta azituuzyo zyamaila, nsikoozitambula pe. Nokuba kuti mundiletele zituuzyo zyalumvwano zibotu, nsikooziyanda pe. 23Amutole kooko nyimbo zyanu zyacikwala nsikooswiilila nyimbo zyatulumbu twanu pe. 24Pele ndiyanda kuti bubetesi bululeme bukunke mbuli mulonga, bulondoke mbuli kalonga katayuminini.
25Sena mwakandiletela zipaizyo azituuzyo kwamyaka iili makumi one munkanda, nywebo nomusyobo wa Isilayeli? 26Munkanda mwakakomba cikozyanyo ca Sakuti mwami wanu. Mwakakomba Kaiwani leza wanyenyenzi, ooyo ngumwakalipangila nobeni. 27Nkaako ndiyoomutuma mubwaange kucisi cisakene kwiindilila munzi wa Damasikasi kamuziyumwide eezyo. Mbwaaamba Mwami Leza, Leza wamakamu Singuzuzyoonse.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.