2 Makani 2
2
Solomoni mbwaakalibambila kuyaka ŋanda ya Leza
(1 Bami 5.1-18)
1Lino Solomoni wakayeeya kuyaka ŋanda yakukombela Mwami Leza alimwi ayakwe yabwami. 2Wakasala bantu bakali zyuulu zili makumi aali ciloba kuti kabasusa zintu zyakuyasya alimwi abali zyuulu zili makumi aali lusele kuti kababeza mabwe muzilundu, abali zyuulu zyotatwe amyaanda iili cisambomwe babalanga.
3Solomoni wakatumya makani aaya kuli Hilamu mwami waku Taya wakati, “Nditumina mikamba mbuli mbookacita kuli taata Devedi naakali kuyaka ŋanda yabwami. 4Cino ciindi ndilibambilide ŋanda yakukombela Mwami Leza wangu. Iyooba busena busalala ooko nkotunoomukomba akutenta tununkilizyo cifumo-fumo, kumangolezya, mu Masabata, ciindi camwezi mupya aziindi zyamapobwe aakulemeka Mwami Leza wesu. Kweendelana akulailila kwakwe ku Baisilayeli mane kukabe kutamani. 5Ŋanda njeyanda kuyaka nimpati, nkaambo Leza wesu mupati kwiinda tumwi twaambwa kuti ntuleza. 6Nikuba boobo taakwe muntu uukonzya kuyakila Leza ŋanda, kayi nimuba mujulu lyamajulu takonzyi kweela. Ino ono mebo mbuti mbwenga ndayaka ŋanda kunze aayakupaizizya buyo. 7Ndakukumbila nditumizya muntu sibuuya mumulimo wangolida, nsiliva, mukuba, alubulo. Alimwi amukuluka masani aacisombo, aadowalowa, aacijulu-julu, atutali toosedwe twacijulu-julu, alimwi kazi zyakusimba. Uzoobelekela mucisi ca Juda mu Jelusalemu, antoomwe abasibuuya bangu kuli zyamaanza, aabo Devedi taata mbaakandipa. 8Ndizi kuti bantu bako balicibwene kutema masamu, aboobo nditumina mukamba, mupulanga amulembe kuzwa ku Lebanoni. Ndilibambilide kutuma bantu bangu kuti bazoogwasye bantu bako, 9mukuti bazooteme zisamu zinji, nkaambo ŋanda ya Leza njeyanda kuyaka inooli mpati yeebeka. 10Ndiyoopa bantu bako basikutema masamu, talo lyamaila aasyubwidwe, talo lyawaini, atalo lyamafuta aaoliva.”
11Mwami Hilamu waku Taya wakasandula Solomoni wati, “Nkaambo kakuti Mwami Leza ulabayandisisya bantu bakwe wabapa nduwe kuti ube mwami wabo. 12Aalumbaizigwe Mwami Leza wa Isilayeli wakalenga julu anyika! Wakapa Devedi mwana musongo, simaanu uuteelela. Uutiyakile Mwami Leza ŋanda alimwi aŋanda yabwami yakwe mwini. 13Ndakutumina Hulamuabi mwaalumi sibuuya. 14Banyina bakali bamusyobo wa Dani, wisi ngwaku Taya. Wakaiisigwa kabotu mumulimo wangolida, nsiliva, mukuba, lubulo, mabwe azisamu. Wakalicibwene kuluka masani aacisombo, acijulu-julu, atutali toosedwe twadowa-lowa andeketela. Ngusibuuya mumilimo yoonse yakusimba. Ulakonzya kusimba kufumbwa ncaatondezegwa. Uzoobeleka abasibuuya bako kubikkilizya abakakusiila Devedi uso. 15Nkaako tumina babelesi bako maila amwi mafuta aaoliva awaini ngookasyomezya. 16Swebo tuzootema zisamu zyoonse nzyoyanda kuzwa ku Lebanoni akuzyaanga muziliba kuti zizoosike ku Jopa alwizi. Nywebo mulakonzya kuzibweza kuzwa kooko kuzitola ku Jelusalemu.”
Ŋanda ya Leza mbuyakatalikwa kuyakwa
(1 Bami 6.1-38)
17Mwami Solomoni wakabala bamasi boonse bakali kukkala mu Isilayeli mbubonya bwakacitide Devedi wisi. Wakajana kuti bakali zyuulu zili mwaanda amakumi otatwe amyaanda iili cisambomwe. 18Wakatumina bantu bakali zyuulu zili makumi aali ciloba kuti kabasusa zintu zyakuyasya, abali zyuulu zili makumi aali lusele kuti kababweza mabwe muzilundu, abali zyuulu zyotatwe amyaanda iili cisambomwe babalanga.
Currently Selected:
2 Makani 2: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
2 Makani 2
2
Solomoni mbwaakalibambila kuyaka ŋanda ya Leza
(1 Bami 5.1-18)
1Lino Solomoni wakayeeya kuyaka ŋanda yakukombela Mwami Leza alimwi ayakwe yabwami. 2Wakasala bantu bakali zyuulu zili makumi aali ciloba kuti kabasusa zintu zyakuyasya alimwi abali zyuulu zili makumi aali lusele kuti kababeza mabwe muzilundu, abali zyuulu zyotatwe amyaanda iili cisambomwe babalanga.
3Solomoni wakatumya makani aaya kuli Hilamu mwami waku Taya wakati, “Nditumina mikamba mbuli mbookacita kuli taata Devedi naakali kuyaka ŋanda yabwami. 4Cino ciindi ndilibambilide ŋanda yakukombela Mwami Leza wangu. Iyooba busena busalala ooko nkotunoomukomba akutenta tununkilizyo cifumo-fumo, kumangolezya, mu Masabata, ciindi camwezi mupya aziindi zyamapobwe aakulemeka Mwami Leza wesu. Kweendelana akulailila kwakwe ku Baisilayeli mane kukabe kutamani. 5Ŋanda njeyanda kuyaka nimpati, nkaambo Leza wesu mupati kwiinda tumwi twaambwa kuti ntuleza. 6Nikuba boobo taakwe muntu uukonzya kuyakila Leza ŋanda, kayi nimuba mujulu lyamajulu takonzyi kweela. Ino ono mebo mbuti mbwenga ndayaka ŋanda kunze aayakupaizizya buyo. 7Ndakukumbila nditumizya muntu sibuuya mumulimo wangolida, nsiliva, mukuba, alubulo. Alimwi amukuluka masani aacisombo, aadowalowa, aacijulu-julu, atutali toosedwe twacijulu-julu, alimwi kazi zyakusimba. Uzoobelekela mucisi ca Juda mu Jelusalemu, antoomwe abasibuuya bangu kuli zyamaanza, aabo Devedi taata mbaakandipa. 8Ndizi kuti bantu bako balicibwene kutema masamu, aboobo nditumina mukamba, mupulanga amulembe kuzwa ku Lebanoni. Ndilibambilide kutuma bantu bangu kuti bazoogwasye bantu bako, 9mukuti bazooteme zisamu zinji, nkaambo ŋanda ya Leza njeyanda kuyaka inooli mpati yeebeka. 10Ndiyoopa bantu bako basikutema masamu, talo lyamaila aasyubwidwe, talo lyawaini, atalo lyamafuta aaoliva.”
11Mwami Hilamu waku Taya wakasandula Solomoni wati, “Nkaambo kakuti Mwami Leza ulabayandisisya bantu bakwe wabapa nduwe kuti ube mwami wabo. 12Aalumbaizigwe Mwami Leza wa Isilayeli wakalenga julu anyika! Wakapa Devedi mwana musongo, simaanu uuteelela. Uutiyakile Mwami Leza ŋanda alimwi aŋanda yabwami yakwe mwini. 13Ndakutumina Hulamuabi mwaalumi sibuuya. 14Banyina bakali bamusyobo wa Dani, wisi ngwaku Taya. Wakaiisigwa kabotu mumulimo wangolida, nsiliva, mukuba, lubulo, mabwe azisamu. Wakalicibwene kuluka masani aacisombo, acijulu-julu, atutali toosedwe twadowa-lowa andeketela. Ngusibuuya mumilimo yoonse yakusimba. Ulakonzya kusimba kufumbwa ncaatondezegwa. Uzoobeleka abasibuuya bako kubikkilizya abakakusiila Devedi uso. 15Nkaako tumina babelesi bako maila amwi mafuta aaoliva awaini ngookasyomezya. 16Swebo tuzootema zisamu zyoonse nzyoyanda kuzwa ku Lebanoni akuzyaanga muziliba kuti zizoosike ku Jopa alwizi. Nywebo mulakonzya kuzibweza kuzwa kooko kuzitola ku Jelusalemu.”
Ŋanda ya Leza mbuyakatalikwa kuyakwa
(1 Bami 6.1-38)
17Mwami Solomoni wakabala bamasi boonse bakali kukkala mu Isilayeli mbubonya bwakacitide Devedi wisi. Wakajana kuti bakali zyuulu zili mwaanda amakumi otatwe amyaanda iili cisambomwe. 18Wakatumina bantu bakali zyuulu zili makumi aali ciloba kuti kabasusa zintu zyakuyasya, abali zyuulu zili makumi aali lusele kuti kababweza mabwe muzilundu, abali zyuulu zyotatwe amyaanda iili cisambomwe babalanga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.