ZAKHARIA 7
7
tuhan pai kep yok tut ide niyem njita bi mem nituti poi di mungkun bi
1Nibou Ndig Darius ninyeng tak kepti mbut ug bipek njap gi nibitai ei bed nimuhwindatai di ninyeng Kislew leu api tuhan sok nihyet kwei mem da.
2Timiei minu ndig Betel ipinak Sarezer kin Regem-Melekh bitut yo di igya kui yok kwei ei tuhan Di Sindem Bibor De Ig mem gima yahara Noni mem gima njei mun di kei bak yoni, 3lene hi cuk yok bikwei hig ser imam nya kin nabi nya “No suar niyem njita mem nituti poi bi bikwop bed nimuhwi drek dip tuhan De Ig ninggekti bit leu nok nibon kikepti mem ari bingwam pimu kwei bijo kikau yo e?”
4 tuhan nisokti dini kwei ndam da. 5Noni pai “Ma atri tut bak timiei minu dini kin imam nya yahagom bipia mpe di jiyem njita mem nituti poi bi ba, jipim bijibwos-bwos nyen mem bed nimuhwi kin bed nimuwindacan mem nijam ari bingwam ningot muhwindacan pima ne jibikon dinyeng bi. 6Mpe dima cem tirigi igyem njita bidut mun ngei lene inggok tut gi ibipwoi yonti ingon he.”
7 tuhan tri tut nisokti dima tug hon nabi nya ei nijam gi nipou pini jug di timiei minu ndig Yerusalem ibong kei igwam kei ba, mpia mbum-bra ri. Ei nijam dima ne ibong ser minu mien nya di jo ttai minu ndig he bi noro ibong ei minu mien ei nite bei mpia nibiho kin mbigdip nimig him nya ei nite bei mpia nicutti cem.
Ingkek di ndok bindei ba, isar ei ingkiaisi
8 tuhan di Sindem Bibor yai nisokti dini bida bipai, 9“Ditri tut nicukti dini yok bak Ditde limwa nya mimbrek ngan tu. ‘Suar jahati tut nikei nikos tutti di sren kei nya ba, jingon nggriu sut yam. Suar jingon kwes kin yam cem. 10Ma jico kep kibom nya kin moibihi nya kin ngkiai nya di ibong timiei ei jikieti nya di mun di buhun cut igkep yok nya au. Lene ma juhum yam nsi mem yo di jinttig-tta nya au.’
11Noro Ditde limwa nya ingkek ndok ba, idat kep itingou ser leu ba, igimiap dihyet bi. 12Ibindei ba, ingon ngkiem-ngkiau bidem tig tindak a. Digga bibor drek dip gi igibit nipingokti di diyai biyok nya tug hon nabi di nipou nya bi. 13Dibuhup ide nadi bi drek dip gino igimiap kep dihyet tirigi dimbrap bit yok bi. 14Dicok tut yok noyam kin sigau di nimig ten di cok tut yok apino bitig dino ibong ei ingkiaisi nya ug a. Leu api dihyei di nipou nnum kei dini wer mpia di ngoi-nga ba, ha he bong cem drek dip hi di bong ser dihyei dima bi.”
Currently Selected:
ZAKHARIA 7: HAD
Highlight
Copy
Compare
Share
Want to have your highlights saved across all your devices? Sign up or sign in
