ගීතාවලිය 32
32
කමාව ලැබීමේ භාග්යය
දාවිත්ගේ අනුශාසනා ගීතයකි.
1 #
රෝම 4:7-8
අපරාධයට සමාව ද පාපයට සමාව ද ලත් මිනිසා ආසිරි ලද්දෙකි.
2වරදක් ගැන සමිඳාණන් වහන්සේගෙන් චෝදනාවක් නොලබන, වංක සිතක් නොමැති මිනිසා ආසිරි ලද්දෙකි.
3මාගේ වරද ගැන නිහඬ ව සිටිමින්, දවස පුරා කඳුළු හෙළා සුසුම් ලෑමෙන් මාගේ ඇඟපත දිරා ගියේ ය.
4දිවා රෑ දෙකේ දී ම ඔබ මට දඬුවම් කළ සේක;
මාගේ ශක්තිය පහ ව ගියේ ය.
ගිම්හානයේ දී නැති වන දියසීරාව මෙන් වියළී ගියේ ය.
5 #
2 සාමු 12:13
මාගේ පව් නොසඟවා මම පාපෝච්චාරණය කෙළෙමි.
“හිමිතුමාණන්ට මාගේ පව් කියන්නෙමි”යි කීමි.
ඔබ ද මාගේ පාප දෝෂ කමා කළ සේක.
6එබැවින් ඔබේ සැදැහැවත්තු විපතේ දී ඔබට යාච්ඤා කරත් වා!
ඉවුරු තළා නඟින මහ ජලධාරා මෙන් විපත්ති පැමිණියත්, ඒවා ඔවුන් අසලටවත් නොපැමිණෙයි.
7මා රැකවරණය ඔබ ය;
දුක් දොම්නසින් ඔබ මා රක්නා සේක.
විමුක්ති ගීත මා අවටින් මතු වෙයි.
8“නුඹට උගන්වන්නෙමි;
යා යුතු මඟ ගැන උවදෙස් දෙන්නෙමි;
මා දෙනෙතින් නුඹ දෙස බලා නුඹට දැනමුතුකම් දෙන්නෙමි.
9අශ්වයෙකු හෝ කොටළුවෙකු හෝ මෙන් මෝඩ නොවන්න;
උන් දමනය කිරීමට කටකලියාව හා පටිය අවශ්ය ය.
නැතහොත් නුඹට උන් පාලනය කළ නොහැකි ය.”
10දුදනන් හට බොහෝ දුක් දොම්නස් ඇත.
එහෙත්, හිමිතුමාණන් කෙරේ විශ්වාසය තබන්නා දිව්ය කරුණාවෙන් වට වී සිටියි.
11දමිටුනි, හිමිතුමාණන් කෙරේ ප්රීති වී උදන් අනන්න.
අවංක සිත් ඇති සියල්ලෙනි, ප්රීති ඝෝෂා පවත්වන්න.
Currently Selected:
ගීතාවලිය 32: SNRV
Highlight
Share
Copy
Want to have your highlights saved across all your devices? Sign up or sign in
