Matayo 5
EKGE

Matayo 5

5
Okorandia kwa Yeso ase egetunwa igoro
(Luk 6:20-23)
1Yeso agachia korora emeganda eria y’abanto, agatiira gochia egetunwa igoro; na ekero aikaransire, aborokigwa baye bakamochiera. 2Agachaaka koborokereria, ogoteeba.
3Mbasesenirie abare abataka ase omoika, ekiagera oborwoti bwa igoro nobwabo.
4 # Isaya 61:2 Mbasesenirie abaichanete, ekiagera inabaache koremigwa.
5 # Zab 37:11 Mbasesenirie abare noboitongo, ekiagera barabwo ’nabaire omwando bw’ense.
6 # Isaya 55:1,2 Mbasesenirie abare nenchara na erang’o y’okonyora okogania kwa Nyasae, ekiagera barabwo ’nabaigotigwe.
7Mbasesenirie abakororera abande amaabera, ekiagera barabwo ’nabarorerwe amaabera.
8 # Zab 24:3,4 Mbasesenirie abare abachenu ase chinkoro, ekiagera barabwo ’nabarore Nyasae.
9Mbasesenirie abagokora omorembe, ekiagera barabwo ’nabarokwe abana ba Nyasae.
10 # 1 Petr 3:14 Mbasesenirie abagochandwa ase engencho y’oboronge, ekiagera oborwoti bwa igoro nobwabo.
11 # 1 Petr 4:14 Imosesenirie inwe, ekero abanto bakobarama na kobachaanda, na kobateebera kera ring’ana riibe ase oborimo, ase engencho y’ane. 12#2 Amg 36:16; Ogok 7:52Goka na gochenga, ekiagera eng’eria yaino n’enene igoro. Inaki naboigo bachaandete ababani abarengeo ritang’ani konya motarabao.
Omoonyo n’oborabu
(Mar 9:50; 4:21; Luk 14:34-35; 8:16; 11:33)
13 # Mar 9:50; Luk 14:34,35 Inwe nomonyoo bw’ense; korende omoonyo korasirie obwansu bwaye, ninki orabekwe bwanse? Togwenereti gento kende otatiga ogotugutwa isiko, otirindachwe n’abanto.
14 # Yoh 8:12; 9:5 Inwe noborabu bw’ense. Omochie tokobiseka koagachire ase egetunwa igoro. 15#Mar 4:21; Luk 8:16; 11:33Nonya n’abanto tibagotongia etaya na koyemumeka negetonga, korende nigo bakoyebeeka igoro ase egetangora, ebae oborabu bonsi abare nyomba ime. 16#1 Petr 2:12Ase enchera eyio eyio, tiga omobaso oino obare boigo ase abanto, erio barore emeremo yaino emiya, batogie Iso oino ore igoro.
Amorokererio korwa ase ogochika
17Timokaga ng’a nigo nachire gosaria amachiiko, gose amang’ana y’ababani; tincheti kobisaria, korende ase okobiikerania. 18#Luk 16:17Ekeene nabateebirie ng’a, goika igoro na ense biete, korende tegoeta enuguta eyemo gose agatone akamo ase amachiiko, goika bionsi biikerane. 19Ase igo monto onde bwensi orasarie richiiko erimo erire rike ase amachiiko aya, na kworokereria abanto kogosaria okwo, oyio narokwe omoke mono ase oborwoti bwa igoro, korende oyorayakore na koyorokereria, oyio nere orarokwe omonene ase oborwoti bwa igoro. 20Inaki nabateebirie inwe, onye oboronge bwaino tibokobua obw’aborokia b’amariiko na Abafarisai, timogosoa nonya ng’ake ase oborwoti bwa igoro.
Amorokererio igoro y’obororo
(Luk 12:57-59)
21 # Okong’ 20:13; Okoir 5:17 Mwaigwete ng’a abanto ba kare ’mbateebetigwe: Toita; na oyoraite nabe omonto okonacherwa ekiina. 22Korende inche nabateebirie ng’a onde bwensi orageeche oyomwabo, nabe omonto okonacherwa ekiina, na oyoramogorere oyomwabo nabe omonto okoirwa ase ekegaambero, na oyoramoroke oyonde Omoriri! Nagwenere omorero o kare na kare. 23Nabo gokorenta okorua kwao ase egesasiimero, korainyore ng’a oyomino nare ne ring’ana ase ore, 24otige okorwa kwao agwo ase egesasiimero, ogende ritang’ani mwanchane noyomino, erio oirane ase okorua kwao. 25Bwatana nomosoeri oo bwango, ekero more nere inchera gochia ase ekegaambero, erinde omosoeri oo tabaisa gokobeeka ase okoboko kw’omogaambi, na omogambi akobeke ase omorendi bw’echela, naye norutwe ime yechela. 26Nekeene nagoteebirie: Tokorwa aroro nonya ng’ake goika oakane ebesa y’omoerio.
Obotomani
(Mat 18:8-9; Mar 9:43-48; Mat 19:9; Mar 10:11-12; Luk 16:18)
27 # Okong’ 20:14; Okoir 5:18 Mwaigwete ng’a ndiateebetwe: Totomana. 28Korende inche nabateebirie, ng’a onde bwensi orarigererie omokungu na korengereria gotomana nere otomanire nere ime ase enkoro yaye. 29#Mat 18:9; Mar 9:47Onye eriiso riao ria borio rikogera okore ebibe, rirusie, oritugute are, ekiagera mbuya ase ore ekiimo kiao ekemo gesire, kobua omobere oo omogima gotugutwa ase omorero o kare na kare. 30#Mat 18:8; Mar 9:43Onye nokoboko kwao gw’okorio gokogera okore ebibe, konache, ogotugute are, ekiagera mbuya ase ore ekiimo kiao ekemo gesire, kobua omobere oo omogima gotugutwa ase omorero o kare na kare.
31 # Okoir 24:1-4; Mat 19:7; Mar 10:4 Naende ndiateebetwe; Oyoratige mok’aye, tiga amoe riruube ri’ogotigana. 32#Mat 19:9; Mar 10:11,12; Luk 16:18; 1 Abakr 7:10,11Korende inche nabateebirie, ng’a onde bwensi oratige mok’aye, otatiga ase engencho y’obotomani, ogerire abe omotomani; na oyoramonyuome oyotigirwe, oyio otomanire.
Chimuma na obwegenwa
33 # Abal 19:12; Omob 30:2; Okoir 23:21 Naende mwaigwete ng’a abanto ba kare mbateebetigwe: Totiana bosa, korende oikeranerie ase Omonene chiira chiao. 34#Yakb 5:12; Isaya 66:1; Mat 23:22Korende inche nabateebirie: Totiana ase egento kende gionsi; nonya nase igoro, ekiagera nao ekerogo ki’obonene kia Nyasae; 35#Isaya 66:1; Zab 48:2gose ase ense, ekiagera nao ekerogo#5:35 Ekerogo: ase eririeta rinde “egeteeni” kiaye gi’okobekerera amagoro; gose ase Yerusalemu, ekiagera n’oro omochie bw’Omorwoti omonene. 36Na totiana ase omotwe oo, ekiagera tokonyara gokora agatukia akamo kabe akarabu gose akamwamu. 37Amang’ana aino abe: Ee, gose: Yaaya; naki ayakomenteka ase aya, nigo akorwa ase oria omobe.
Amorokererio igoro yokorusia egesiomba
(Luk 6:29-30)
38 # Okong’ 21:24; Abal 24:20; Okoir 19:21 Mwaigwete ng’a ndiateebetwe: “Eriso ase eriiso, na erino ase erino.” 39Korende inche nabateebirie: Timobaisa koamererania noyore omobe. Korende omonto karagoake orosea rwa borio, omoonchorere norw’okobee. 40Na omonto karigetie gokoira ase ekegambero kogosoera na koira eyanga yao ya ime, omotigere neya isiko boigo. 41Na onye omonto ogokobetereria kogenda nere emaeli eyemo, genda nere goika chimaeli ibere. 42Oyokogosaba, moe; na oyorigetie singo, tomorina.
Obwanchani ase Ababisa
(Luk 6:27-28,32-36)
43Mwaigwete ng’a ndiateebetwe: “Ancha omogisangio oo, na ogeche omobisa oo.” 44Korende inche nabateebirie: Ancha ababisa baino, mobasabere abakobachanda, 45nario moranyare koba abana ba Iso oino ore igoro, ekiagera ere nigo akobabareria omobaso oye ababe na abaya, obatweria embura abakori oboronge, na abatari gokora oboronge. 46Inaki komoranche abaabanchete inwe, ing’eria ki more nero? Inee! Nonya mbaria bakorusia ebango tibari gokora bo? 47Na inwe komorakwanie abamino boka, mbuya ki mwakora kobua abande? Nonya n’abanto b’Ebisaku tibari gokora boigo? 48#Abal 19:2; Okoir 18:13Gaki inwe mobe abaikeranu buna Iso oino ore igoro are omoikeranu.

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.