LIVALITSWA 31
31
Vaisraeli Vakwana na Vamidiani
1Mwami Nyasaye yavoolela Musa, 2“Vanza Vamidiani khu ka vakholela Vaisraeli. Numali khukhola kenako, nalwo lwa uliitsa khukhutsa.”
3Nalwo lwa Musa yavoolela Vaisraeli, “Mwiyavaale khutsia khukwana muliihe, nikanyalikha khukwana Vamidiani, khali khuvanzila Vamidiani khurulana khu ka vakholela Mwami Nyasaye. 4Shia luhia mu vandu vi tsimbia tsia Israeli, luliitsa khuruma vandu iheelefu indala, khutsia khukwana muliihe.”
5Vandu iheelefu indala, varovolwa khurula mu shia luhia; voosi vali tsiheelefu likhomi na vavili, vali niviyavaale khutsia khukwana muliihe. 6Musa yavaruma khutsia khukwana muliihe. Finiasi mwana wu musalisi Eliazari, neye wa vimililanga; Finiasi neye wasinjililanga vindu vitakatifu nende visiliva, viu khumanyinya vimanyilu vi vindu viakholekhanga. 7Vakwana Vamidiani, nu khwiira shia mundu wosi, khuli Mwami Nyasaye yali navoolele Musa khukhola. 8Valala khu vandu vali ni viirwa muliihe vali Evi, Rekemu, Zuri, Huri nende Reba. Vami varanu, vamihanga Midiani. Viira khandi Balamu mwana wa Behori.
9Vaisraeli vavukula ni tsingulu vandu vakhali Vamidiani nende vaana, khali nivavukula tsing'ombe tsiavo nende makondi; nivayaaya miandu chiavo chiosi. 10Vasamba nu mulilu mataala kavo koosi, halala na maheemo kavo ka vamenyamu. 11Vavukula shia shindu shiosi, shia vali nivayaayi muliihe, khali vavohe vali nivakumilwa muliihe nende miruku, 12nivalerela Musa nende Eliazari nende Vaisraeli voosi, vali nivali mu maheemo kavo ka vamenyamu mu lwomera lwa Moabu, injelekha wu Muchela kwa Yorodani, nuli mu litaala lia Yeriko.
Mukaanda kwa Vasikali Vakalukha
13Musa, Eliazari nende vimilili vandi va Vaisraeli voosi, vasimukha nivarula mu maheemo ka vamenyamu, nivatsia khwakanila mukaanda kwa vasikali. 14Musa yalolela vurima vimilili va vasikali venavo -- vimilili va vasikali mu tsiheelefu nende vimilili va vasikali mu tsimia -- vakalukha nivarula muliihe. 15Musa yavareeva, “Shichila shina numuvula khwiira vandu vakhali voosi? 16Muve numumanyi ndi vandu vakhali, navo valonda mivaalo ka Balamu, khandi navo vachila Vaisraeli nivambakhana khuva vasuuvilwa khu Mwami Nyasaye, nivali mu litaala lia Pehori. Nako kachila vandu vu Mwami Nyasaye, nivalwala. 17Muliitsa khwiira shia mwana wi shiyayi wosi, mu vaana vatititi; khali shia mundu mukhali wosi wakonakhu nu mundu musatsa aliitsa khwiirwa; 18navutswa muliitsa khuvura khwiira vaana vi shikhana voosi, vashili khukonakhu nu mundu musatsa; navo va muliitsa khuhila khuva vakhali venyu. 19Niiva mundu ali mu munyi uliitsa khuva niyiirakhu mundu, inoho watiila khu mmbili ku mukhutsu, aliitsa khuva ihale wene khumatukhu saba khurula mu maheemo kamumenyamu. Mwitakase munyi vene halala na vavohe, va mwakumila khulitukhu lia khavaka khandi khulitukhu lia saba. 20Muliitsa khunihitsa khandi tsinguvu tsienyu, khandi shia shindu shiosi shialombwa khu liseelo, vwoya vwi tsimbuli inoho musala.”
21Musalisi Eliazari yavoolela vasikali vali nivakalukha khurula muliihe, “Yaka nako mechitso khulondokhana khu malako, ku Mwami Nyasaye yaha Musa: 22itsahabu, ifetsa, mukasa, shivia, livati, nende lisasi, 23khandi shia shindu shiosi shinyala khuvula khusambwa nu mulilu, shilitsa khuvirila mu mulilu, nu khunihitswa. Navutswa khali ndio, shilitsa khunihitswa na matsi ku khunihitsa. Shia shindu shiosi shinyala khusambwa nu mulilu, shilitsa khuvirila mu matsi kenako. 24Muliitsa khufuya tsinguvu tsienyu khulitukhu lia saba; khandi muliitsa khuva vanihu. Numumali khukhola ndio, nalwo lwa muliitsa khwinjila mu maheemo kamumenyamu.”
Khukavulwa khwi Vindu Viayaaywa
25Mwami Nyasaye yavoolela Musa, 26“Yivi halala na Eliazari, halala na vimilili vandi voosi va Vaisraeli, muliitsa khuvalitsa shia shindu shiosi shia mwavukula ni tsingulu, khali vavohe va mwakumila muliihe nende miruku chiavo. 27Muliitsa khwahula haluveka vindu via mwayaaya muliihe mu vituma vivili vilekhani, shituma shilala shiliitsa khuva shia vasikali vakwana muliihe, khandi shituma shindi shiliitsa khuva shia Vaisraeli vandi vali nivarikala. 28Khurula khu shituma shia vasikali vanyola, muliitsa khurulitsamu shitonye shiu khuhaana vushuru khu Mwami Nyasaye, khu shia mulala mu vavohe tsimia tsiranu, vakumilwa muliihe, ing'ombe indala mu tsing'ombe tsimia tsiranu, ipunda indala mu tsipunda tsimia tsiranu, likondi lilala mu makondi tsimia tsiranu, nende imbuli indala mu tsimbuli tsimia tsiranu. 29Muliitsa khuha musalisi Eliazari vindu vienevo, khuli shihanwa shilahi khu Mwami Nyasaye. 30Khurula khu shituma shia Vaisraeli, vali nivarikala vanyola, muliitsa khurulitsamu shitonye shiu khuhaana vushuru khu Mwami Nyasaye, khu shia mulala mu vavohe makhomi karanu, ing'ombe indala mu tsing'ombe makhomi karanu, ipunda indala mu tsipunda makhomi karanu, likondi lilala mu makondi makhomi karanu, nende imbuli indala mu tsimbuli makhomi karanu. Muliitsa khuha vandu vu lwivulu lwa Levi, shichila vasinjililanga Liheemo Litakatifu liu Mwami Nyasaye.” 31Musa nende Eliazari vakhola shia shindu shiosi khuli Mwami Nyasaye yali navooli.
32Vindu viayaaywa muliihe viali nivirikale khu via vasikali vavukula, kali makondi tsiheelefu tsimia tsiranu makhomi saba na karanu, 33tsing'ombe tsiheelefu makhomi saba nitsivili, 34tsipunda tsiheelefu makhomi sita nindala 35nende vakhali vachima tsiheelefu makhomi kavaka na vavili, vashili khukonakhu nu mundu musatsa wosi. 36Inusu yi shituma shia vasikali vakwana muliihe vanyola, kali makondi tsiheelefu tsimia tsivaka makhomi kavaka na saba ni tsimia tsiranu, 37vushuru vwa vahaana khu Mwami Nyasaye, kali makondi tsimia sita makhomi saba na varanu; 38vahaana vushuru khu Mwami Nyasaye, vwi tsing'ombe makhomi saba na vavili, khurula mu tsing'ombe tsiheelefu makhomi kavaka na sita; 39vahaana vushuru khu Mwami Nyasaye, vwi tsipunda makhomi sita nindala, khurula mu tsipunda tsiheelefu makhomi kavaka ni tsimia tsiranu; 40vahaana vushuru khu Mwami Nyasaye, vwa vavohe vakumilwa muliihe makhomi kavaka na vavili, khurula mu vavohe tsiheelefu likhomi na sita. 41Musa yaha musalisi Eliazari vushuru vwenovo, khuli shihanwa khu Mwami Nyasaye, khuli Mwami Nyasaye yali niyavoolela Musa akhole.
42Inusu yi vindu via vayaaya khurula muliihe, via Vaisraeli vanyola, via Musa yahula haluveka viarula khu via vasikali -- 43Inusu yi vindu via Vaisraeli vanyola -- kali makondi tsiheelefu tsimia tsivaka makhomi kavaka na saba ni tsimia tsiranu, 44tsing'ombe tsiheelefu makhomi kavaka na sita, 45tsipunda tsiheelefu makhomi kavaka ni tsimia tsiranu 46nende vandu tsiheelefu likhomi na sita. 47Khurula khu inusu yi vindu vi shituma shia Vaisraeli vanyola, Musa yarovolamu mulala, mu shia vandu makhomi karanu, khandi mulala khurula mu miruku makhomi karanu; naha vandu vu lwivulu lwa Levi vasinjililanga Liheemo Litakatifu liu Mwami Nyasaye, khuli Mwami Nyasaye yali namuvoolele.
48Nalwo lwa vimilili vu mukaanda kwa vasikali, vasimukha nivatsia khu Musa 49nivamuvoolela, “Khutsi varumishi vovo khumali khuvalitsa vasikali va khwimililanga, khandi avulakhuho khali mulala khuvo wakorakhu. 50Khu khwakhalera vindu vialombwa khu itsahabu, viuma viu khu makhono, viuma viu khwivoha mwing'ori, tsipete, matemba, nende matongolo, ka shia mulala khu khutsi yali niyavukula. Khuhaananga khu Mwami Nyasaye, khuli murungu shichila vulamu vweru, khu atsililile khukhulinda vulahi vwene.” 51Musa nende musalisi Eliazari, vahuchilila itsahabu ya vanyola khuvo -- shia shindu shiosi, shia vandu vali nivalomba khu itsahabu. 52Isavu yi vindu viosi, via vimilili va vasikali vahaana khu Mwami Nyasaye, viali himbi tsikilo 200. 53Shia musikali wosi, yivukulila vindu vievie mwene. 54Musa nende musalisi Eliazari, vahila itsahabu mu Liheemo Litakatifu, khu Mwami Nyasaye, atsililile khwitsushitsa Vaisraeli.
Currently Selected:
LIVALITSWA 31: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LIVALITSWA 31
31
Vaisraeli Vakwana na Vamidiani
1Mwami Nyasaye yavoolela Musa, 2“Vanza Vamidiani khu ka vakholela Vaisraeli. Numali khukhola kenako, nalwo lwa uliitsa khukhutsa.”
3Nalwo lwa Musa yavoolela Vaisraeli, “Mwiyavaale khutsia khukwana muliihe, nikanyalikha khukwana Vamidiani, khali khuvanzila Vamidiani khurulana khu ka vakholela Mwami Nyasaye. 4Shia luhia mu vandu vi tsimbia tsia Israeli, luliitsa khuruma vandu iheelefu indala, khutsia khukwana muliihe.”
5Vandu iheelefu indala, varovolwa khurula mu shia luhia; voosi vali tsiheelefu likhomi na vavili, vali niviyavaale khutsia khukwana muliihe. 6Musa yavaruma khutsia khukwana muliihe. Finiasi mwana wu musalisi Eliazari, neye wa vimililanga; Finiasi neye wasinjililanga vindu vitakatifu nende visiliva, viu khumanyinya vimanyilu vi vindu viakholekhanga. 7Vakwana Vamidiani, nu khwiira shia mundu wosi, khuli Mwami Nyasaye yali navoolele Musa khukhola. 8Valala khu vandu vali ni viirwa muliihe vali Evi, Rekemu, Zuri, Huri nende Reba. Vami varanu, vamihanga Midiani. Viira khandi Balamu mwana wa Behori.
9Vaisraeli vavukula ni tsingulu vandu vakhali Vamidiani nende vaana, khali nivavukula tsing'ombe tsiavo nende makondi; nivayaaya miandu chiavo chiosi. 10Vasamba nu mulilu mataala kavo koosi, halala na maheemo kavo ka vamenyamu. 11Vavukula shia shindu shiosi, shia vali nivayaayi muliihe, khali vavohe vali nivakumilwa muliihe nende miruku, 12nivalerela Musa nende Eliazari nende Vaisraeli voosi, vali nivali mu maheemo kavo ka vamenyamu mu lwomera lwa Moabu, injelekha wu Muchela kwa Yorodani, nuli mu litaala lia Yeriko.
Mukaanda kwa Vasikali Vakalukha
13Musa, Eliazari nende vimilili vandi va Vaisraeli voosi, vasimukha nivarula mu maheemo ka vamenyamu, nivatsia khwakanila mukaanda kwa vasikali. 14Musa yalolela vurima vimilili va vasikali venavo -- vimilili va vasikali mu tsiheelefu nende vimilili va vasikali mu tsimia -- vakalukha nivarula muliihe. 15Musa yavareeva, “Shichila shina numuvula khwiira vandu vakhali voosi? 16Muve numumanyi ndi vandu vakhali, navo valonda mivaalo ka Balamu, khandi navo vachila Vaisraeli nivambakhana khuva vasuuvilwa khu Mwami Nyasaye, nivali mu litaala lia Pehori. Nako kachila vandu vu Mwami Nyasaye, nivalwala. 17Muliitsa khwiira shia mwana wi shiyayi wosi, mu vaana vatititi; khali shia mundu mukhali wosi wakonakhu nu mundu musatsa aliitsa khwiirwa; 18navutswa muliitsa khuvura khwiira vaana vi shikhana voosi, vashili khukonakhu nu mundu musatsa; navo va muliitsa khuhila khuva vakhali venyu. 19Niiva mundu ali mu munyi uliitsa khuva niyiirakhu mundu, inoho watiila khu mmbili ku mukhutsu, aliitsa khuva ihale wene khumatukhu saba khurula mu maheemo kamumenyamu. Mwitakase munyi vene halala na vavohe, va mwakumila khulitukhu lia khavaka khandi khulitukhu lia saba. 20Muliitsa khunihitsa khandi tsinguvu tsienyu, khandi shia shindu shiosi shialombwa khu liseelo, vwoya vwi tsimbuli inoho musala.”
21Musalisi Eliazari yavoolela vasikali vali nivakalukha khurula muliihe, “Yaka nako mechitso khulondokhana khu malako, ku Mwami Nyasaye yaha Musa: 22itsahabu, ifetsa, mukasa, shivia, livati, nende lisasi, 23khandi shia shindu shiosi shinyala khuvula khusambwa nu mulilu, shilitsa khuvirila mu mulilu, nu khunihitswa. Navutswa khali ndio, shilitsa khunihitswa na matsi ku khunihitsa. Shia shindu shiosi shinyala khusambwa nu mulilu, shilitsa khuvirila mu matsi kenako. 24Muliitsa khufuya tsinguvu tsienyu khulitukhu lia saba; khandi muliitsa khuva vanihu. Numumali khukhola ndio, nalwo lwa muliitsa khwinjila mu maheemo kamumenyamu.”
Khukavulwa khwi Vindu Viayaaywa
25Mwami Nyasaye yavoolela Musa, 26“Yivi halala na Eliazari, halala na vimilili vandi voosi va Vaisraeli, muliitsa khuvalitsa shia shindu shiosi shia mwavukula ni tsingulu, khali vavohe va mwakumila muliihe nende miruku chiavo. 27Muliitsa khwahula haluveka vindu via mwayaaya muliihe mu vituma vivili vilekhani, shituma shilala shiliitsa khuva shia vasikali vakwana muliihe, khandi shituma shindi shiliitsa khuva shia Vaisraeli vandi vali nivarikala. 28Khurula khu shituma shia vasikali vanyola, muliitsa khurulitsamu shitonye shiu khuhaana vushuru khu Mwami Nyasaye, khu shia mulala mu vavohe tsimia tsiranu, vakumilwa muliihe, ing'ombe indala mu tsing'ombe tsimia tsiranu, ipunda indala mu tsipunda tsimia tsiranu, likondi lilala mu makondi tsimia tsiranu, nende imbuli indala mu tsimbuli tsimia tsiranu. 29Muliitsa khuha musalisi Eliazari vindu vienevo, khuli shihanwa shilahi khu Mwami Nyasaye. 30Khurula khu shituma shia Vaisraeli, vali nivarikala vanyola, muliitsa khurulitsamu shitonye shiu khuhaana vushuru khu Mwami Nyasaye, khu shia mulala mu vavohe makhomi karanu, ing'ombe indala mu tsing'ombe makhomi karanu, ipunda indala mu tsipunda makhomi karanu, likondi lilala mu makondi makhomi karanu, nende imbuli indala mu tsimbuli makhomi karanu. Muliitsa khuha vandu vu lwivulu lwa Levi, shichila vasinjililanga Liheemo Litakatifu liu Mwami Nyasaye.” 31Musa nende Eliazari vakhola shia shindu shiosi khuli Mwami Nyasaye yali navooli.
32Vindu viayaaywa muliihe viali nivirikale khu via vasikali vavukula, kali makondi tsiheelefu tsimia tsiranu makhomi saba na karanu, 33tsing'ombe tsiheelefu makhomi saba nitsivili, 34tsipunda tsiheelefu makhomi sita nindala 35nende vakhali vachima tsiheelefu makhomi kavaka na vavili, vashili khukonakhu nu mundu musatsa wosi. 36Inusu yi shituma shia vasikali vakwana muliihe vanyola, kali makondi tsiheelefu tsimia tsivaka makhomi kavaka na saba ni tsimia tsiranu, 37vushuru vwa vahaana khu Mwami Nyasaye, kali makondi tsimia sita makhomi saba na varanu; 38vahaana vushuru khu Mwami Nyasaye, vwi tsing'ombe makhomi saba na vavili, khurula mu tsing'ombe tsiheelefu makhomi kavaka na sita; 39vahaana vushuru khu Mwami Nyasaye, vwi tsipunda makhomi sita nindala, khurula mu tsipunda tsiheelefu makhomi kavaka ni tsimia tsiranu; 40vahaana vushuru khu Mwami Nyasaye, vwa vavohe vakumilwa muliihe makhomi kavaka na vavili, khurula mu vavohe tsiheelefu likhomi na sita. 41Musa yaha musalisi Eliazari vushuru vwenovo, khuli shihanwa khu Mwami Nyasaye, khuli Mwami Nyasaye yali niyavoolela Musa akhole.
42Inusu yi vindu via vayaaya khurula muliihe, via Vaisraeli vanyola, via Musa yahula haluveka viarula khu via vasikali -- 43Inusu yi vindu via Vaisraeli vanyola -- kali makondi tsiheelefu tsimia tsivaka makhomi kavaka na saba ni tsimia tsiranu, 44tsing'ombe tsiheelefu makhomi kavaka na sita, 45tsipunda tsiheelefu makhomi kavaka ni tsimia tsiranu 46nende vandu tsiheelefu likhomi na sita. 47Khurula khu inusu yi vindu vi shituma shia Vaisraeli vanyola, Musa yarovolamu mulala, mu shia vandu makhomi karanu, khandi mulala khurula mu miruku makhomi karanu; naha vandu vu lwivulu lwa Levi vasinjililanga Liheemo Litakatifu liu Mwami Nyasaye, khuli Mwami Nyasaye yali namuvoolele.
48Nalwo lwa vimilili vu mukaanda kwa vasikali, vasimukha nivatsia khu Musa 49nivamuvoolela, “Khutsi varumishi vovo khumali khuvalitsa vasikali va khwimililanga, khandi avulakhuho khali mulala khuvo wakorakhu. 50Khu khwakhalera vindu vialombwa khu itsahabu, viuma viu khu makhono, viuma viu khwivoha mwing'ori, tsipete, matemba, nende matongolo, ka shia mulala khu khutsi yali niyavukula. Khuhaananga khu Mwami Nyasaye, khuli murungu shichila vulamu vweru, khu atsililile khukhulinda vulahi vwene.” 51Musa nende musalisi Eliazari, vahuchilila itsahabu ya vanyola khuvo -- shia shindu shiosi, shia vandu vali nivalomba khu itsahabu. 52Isavu yi vindu viosi, via vimilili va vasikali vahaana khu Mwami Nyasaye, viali himbi tsikilo 200. 53Shia musikali wosi, yivukulila vindu vievie mwene. 54Musa nende musalisi Eliazari, vahila itsahabu mu Liheemo Litakatifu, khu Mwami Nyasaye, atsililile khwitsushitsa Vaisraeli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013