LIVALITSWA 30
30
Makhuva khu Lilaaka
1Musa yavoolela vimilili va vandu vi tsimbia tsia Israeli, “Mwami Nyasaye ambolele muvoolele, 2Lwa mundu alaakanga khuha Mwami Nyasaye shindu, inoho kwisuuha khulekhana ni shindu, avuli khumeneka lilaaka lielie lienelo; navutswa khutukha akhole shia shindu shiosi, shia yali niyavoola aliitsa khukhola.
3“Lwa mwana wi shikhana, ushili mu inzu ya tata wewe alaakanga khuha Mwami Nyasaye shindu, inoho khulaaka khulekhana ni shindu shindi, 4khutukha akhole shia shindu shiosi shia yalaaka inoho shia yali niyisuuha, nikakhavele tata wewe wambakhane avuli khukhola kenako, niiva aliitsa khuhulila makhuva khulondokhana khushio. 5Navutswa niiva tata wewe aliitsa khumukaya, khuvula khurweshitsa ka yali niyalaaka lwa aliitsa khuhulila makhuva khulondokhanakhu, aliitsa khuvula khunikwa khurweshitsa khuli yalaaka. Mwami Nyasaye aliitsa khumusemeha, shichila tata wewe yamwikalila khurweshitsa lilaaka lielie lienelo.
6“Niiva mundu mukhali, ushili khutsia lukhali alaakanga khukhola shindu, kave umanyi akholanga inoho ashili khumanya, inoho khulaaka khulekhana ni shindu, ma musatsa amuhile, 7aliitsa khukhola shia shindu shiosi, shia yalaaka inoho yavoola aliitsa khukhola, nikakhavele musatsa wewe, aliitsa khumukaya khurweshitsa lilaaka lielie, lwa aliitsa khuhulila makhuva khulondokhanakhu. 8Navutswa niiva musatsa wewe aliitsa khumukaya, lwa aliitsa khuhulila makhuva khulondokhanakhu, aliitsa khuvula khunikwa khurweshitsa khuli yalaaka khukhola. Mwami Nyasaye aliitsa khumusemeha.
9“Mukhali mukhutsakhali inoho wakhungwa mu lukhali nu musatsa wewe, aliitsa khurweshitsa ka yisuuha, aliitsa khukhola khandi lilaaka lielie liu khulekhana ni shindu.
10“Niiva mukhali uli mu lukhali aliitsa khulaaka, inoho khwisuuha khulekhana ni shindu, 11aliitsa khurweshitsa shia shindu shiosi, shia yalaaka inoho yisuuha aliitsa khukhola, nikakhavele musatsa wewe aliitsa khumukaya khurweshitsa kenako, lwa aliitsa khuhulila makhuva khulondokhanakhu. 12Navutswa niiva musatsa wewe, aliitsa khumukaya khurweshitsa lilaaka lielie lienelo, lwa aliitsa khuhulila makhuva khulondokhanakhu, aliitsa khuvula khurweshitsa kenako. Mwami Nyasaye aliitsa khumusemeha, shichila musatsa wewe yamwikalila khurweshitsa, ka yali niyisuuha. 13Musatsa wewe ali nu vunyali vu khuhuchilila inoho khwambakhana, ka yisuuha inoho ka yalaaka khurweshitsa. 14Navutswa niiva musatsa wewe, aliitsa khuvula khuvoolakhu shindu shiosi khulondokhana khuko shia litukhu, aliitsa khuva ahuchililanga ka yisuuha koosi khandi ku mukhali mwenoyo yalaaka aliitsa khukhola. Aliitsa khuhuchilila kenako lwa alivula khuvoolakhu shindu shiosi, lwa aliitsa khuhulila makhuva khulondokhana khuko. 15Navutswa niiva matukhu nikakhavira, aliitsa khwambakhana khuhuchilila lilaaka lielie, aliitsa khusalilitswa, shichila wakhaywa khurweshitsa lilaaka lienelo.
16“Yaka nako malako ku Mwami Nyasaye yaha Musa, khulondokhana nu mundu mukhali ushili khutsia lukhali, ushili mu inzu ya tata wewe inoho uli mu lukhali.”
Currently Selected:
LIVALITSWA 30: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LIVALITSWA 30
30
Makhuva khu Lilaaka
1Musa yavoolela vimilili va vandu vi tsimbia tsia Israeli, “Mwami Nyasaye ambolele muvoolele, 2Lwa mundu alaakanga khuha Mwami Nyasaye shindu, inoho kwisuuha khulekhana ni shindu, avuli khumeneka lilaaka lielie lienelo; navutswa khutukha akhole shia shindu shiosi, shia yali niyavoola aliitsa khukhola.
3“Lwa mwana wi shikhana, ushili mu inzu ya tata wewe alaakanga khuha Mwami Nyasaye shindu, inoho khulaaka khulekhana ni shindu shindi, 4khutukha akhole shia shindu shiosi shia yalaaka inoho shia yali niyisuuha, nikakhavele tata wewe wambakhane avuli khukhola kenako, niiva aliitsa khuhulila makhuva khulondokhana khushio. 5Navutswa niiva tata wewe aliitsa khumukaya, khuvula khurweshitsa ka yali niyalaaka lwa aliitsa khuhulila makhuva khulondokhanakhu, aliitsa khuvula khunikwa khurweshitsa khuli yalaaka. Mwami Nyasaye aliitsa khumusemeha, shichila tata wewe yamwikalila khurweshitsa lilaaka lielie lienelo.
6“Niiva mundu mukhali, ushili khutsia lukhali alaakanga khukhola shindu, kave umanyi akholanga inoho ashili khumanya, inoho khulaaka khulekhana ni shindu, ma musatsa amuhile, 7aliitsa khukhola shia shindu shiosi, shia yalaaka inoho yavoola aliitsa khukhola, nikakhavele musatsa wewe, aliitsa khumukaya khurweshitsa lilaaka lielie, lwa aliitsa khuhulila makhuva khulondokhanakhu. 8Navutswa niiva musatsa wewe aliitsa khumukaya, lwa aliitsa khuhulila makhuva khulondokhanakhu, aliitsa khuvula khunikwa khurweshitsa khuli yalaaka khukhola. Mwami Nyasaye aliitsa khumusemeha.
9“Mukhali mukhutsakhali inoho wakhungwa mu lukhali nu musatsa wewe, aliitsa khurweshitsa ka yisuuha, aliitsa khukhola khandi lilaaka lielie liu khulekhana ni shindu.
10“Niiva mukhali uli mu lukhali aliitsa khulaaka, inoho khwisuuha khulekhana ni shindu, 11aliitsa khurweshitsa shia shindu shiosi, shia yalaaka inoho yisuuha aliitsa khukhola, nikakhavele musatsa wewe aliitsa khumukaya khurweshitsa kenako, lwa aliitsa khuhulila makhuva khulondokhanakhu. 12Navutswa niiva musatsa wewe, aliitsa khumukaya khurweshitsa lilaaka lielie lienelo, lwa aliitsa khuhulila makhuva khulondokhanakhu, aliitsa khuvula khurweshitsa kenako. Mwami Nyasaye aliitsa khumusemeha, shichila musatsa wewe yamwikalila khurweshitsa, ka yali niyisuuha. 13Musatsa wewe ali nu vunyali vu khuhuchilila inoho khwambakhana, ka yisuuha inoho ka yalaaka khurweshitsa. 14Navutswa niiva musatsa wewe, aliitsa khuvula khuvoolakhu shindu shiosi khulondokhana khuko shia litukhu, aliitsa khuva ahuchililanga ka yisuuha koosi khandi ku mukhali mwenoyo yalaaka aliitsa khukhola. Aliitsa khuhuchilila kenako lwa alivula khuvoolakhu shindu shiosi, lwa aliitsa khuhulila makhuva khulondokhana khuko. 15Navutswa niiva matukhu nikakhavira, aliitsa khwambakhana khuhuchilila lilaaka lielie, aliitsa khusalilitswa, shichila wakhaywa khurweshitsa lilaaka lienelo.
16“Yaka nako malako ku Mwami Nyasaye yaha Musa, khulondokhana nu mundu mukhali ushili khutsia lukhali, ushili mu inzu ya tata wewe inoho uli mu lukhali.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013