LIVALITSWA 27
27
Vaana vi Shikhana va Zelofehadi Vakavulilwa Mulimi
1Mahula, Nuhu, Hogula, Milika, nende Tiriza, navo vali vaana vi shikhana va Zelofehadi mwana wa Heferi. Heferi neye mwana wa Gileadi, mwana wa Makiri, mwana wa Manaase, mwana wa Yosefu. 2Vasimukha nivatsia khusinjila imbeli wa Musa, musalisi Eliazari, vimilili, nende Vaisraeli voosi mu vwinjililu vwi Liheemo Litakatifu nivavoola, 3“Tata weru yakhutsila mwichendanyama. Shiyali mulala khu valondi va Kora viyunga, nivahinganyinya Mwami Nyasaye tawe; navutswa yakhutsa, shichila vwoni vwevwe vwa yakhola mwene. Khali shiyali wayivulakhu mwana wi shiyayi wosi tawe. 4Shichila shina lira lia tata weru khukora mu Vaisraeli, shichila avulakhu mwana wa yali niyivula? Khulwa yako, khukavulile miandu mu viikho va tata weru.”
5Musa yivaalila Mwami Nyasaye makhuva kavo; 6Mwami Nyasaye namuvoolela, 7“Ka vaana vi shikhana va Zelofehadi venyanga khukholelwa ni malahi. Muvakavulile miandu chia venyanga mu viikho va tata wavo. Leshi vanyole miandu chia tata wavo yali anyole. 8Voolela Vaisraeli ndi niiva mundu aliitsa khukhutsa, vuchila khwivulakhu mwana wi shiyayi, mwana wi shikhana wewe wayivula neye uliitsa khunyola miandu chiechie. 9Niiva ashili khwivulakhu mwana wi shikhana wosi, vambotso veve valiitsa khunyola miandu chiechie. 10Niiva avula vambotso veve, vaana vi shiyayi vanga tata wewe, navo valiitsa khunyola miandu chiechie. 11Niiva avula vamwavo inoho vakhootsa veve, mwiikho wewe wi inzu yeye aliitsa khunyola miandu chienecho, khuva miandu chiechie mwene. Vaisraeli valiitsa khukhola yaka khuli lilako litushili khulondwa, khuli inzi, Mwami Nyasaye, namuvoolela mukhole.”
Yoshwa Yarovolwa Khwimilila Vaisraeli
(Litsu 31:1-8)
12Mwami Nyasaye yavoolela Musa, “Tikulukha utsi khu Vikulu via Abarimu, ma uheenze ulole shivala shia mali khuha Vaisraeli. 13Numali khushilola, nalwo lwa uliitsa khukhutsa, khuli amwavo wowo Haruni yakhutsa, 14shichila munyi vavili mwambinganyinya nu mwambakhana khulonda malako kaanje, numuli Mwichendanyama mwa Sini. Lwa vandu voosi vililila, shichila inzi mu litaala lia Meriba, munyi mwambakhana khumba luyali khuli mutakatifu imbeli wavo.” (Meriba neyo isieveye ili mu litaala lia Kadeshi mwichendanyama mwa Sini.)
15Nalwo lwa Musa yasaala, 16“Mwami Nyasaye, shirula shiu vulamu vwosi, saalanga ndi urovole mundu unyala khwimilila vandu 17khandi uliitsa khuvimilila muliihe, khu vandu vovo voosi, valivula khuva khuli makondi kavula mwayi.”
18Mwami Nyasaye yavoolela Musa, “Vukula Yoshwa mwana wa Nuni, mundu uli ni shinani shiu khukhola muhinzilu kwenoko. Tiila makhono koko khuye, khumanyinya ndi neye utsitsanga khuvukula havukono hoho. 19Musinjilitsi imbeli wu musalisi Eliazari, halala na Vaisraeli voosi, ma umurovoole havukono hoho khuva mwimilili wa Vaisraeli. 20Muhe vunyali vulala khu vwovwo, nikanyalikha Vaisraeli voosi vamulonde. 21Aliitsa khulonda makhuva ku musalisi Eliazari aliitsa khumuvoolela, lwa yeeka khumanya makhuva kaanje, khuvirila khu Urimu nende Tumimu. Niiva aliitsa khukhola kenako, Eliazari aliitsa khwivaalila Yoshwa makhuva koosi khulondokhana khu vindu vikholekhanga khu Vaisraeli.” 22Musa yakhola khuli Mwami Nyasaye yali navooli akhole. Yasinjilitsa Yoshwa imbeli wu Musalisi Eliazari, halala na Vaisraeli voosi. 23Musa yatiila makhono keke khu murwi kwa Yoshwa, navoolela vandu voosi ndi Yoshwa neye uvukulanga havukono hehe.
Currently Selected:
LIVALITSWA 27: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LIVALITSWA 27
27
Vaana vi Shikhana va Zelofehadi Vakavulilwa Mulimi
1Mahula, Nuhu, Hogula, Milika, nende Tiriza, navo vali vaana vi shikhana va Zelofehadi mwana wa Heferi. Heferi neye mwana wa Gileadi, mwana wa Makiri, mwana wa Manaase, mwana wa Yosefu. 2Vasimukha nivatsia khusinjila imbeli wa Musa, musalisi Eliazari, vimilili, nende Vaisraeli voosi mu vwinjililu vwi Liheemo Litakatifu nivavoola, 3“Tata weru yakhutsila mwichendanyama. Shiyali mulala khu valondi va Kora viyunga, nivahinganyinya Mwami Nyasaye tawe; navutswa yakhutsa, shichila vwoni vwevwe vwa yakhola mwene. Khali shiyali wayivulakhu mwana wi shiyayi wosi tawe. 4Shichila shina lira lia tata weru khukora mu Vaisraeli, shichila avulakhu mwana wa yali niyivula? Khulwa yako, khukavulile miandu mu viikho va tata weru.”
5Musa yivaalila Mwami Nyasaye makhuva kavo; 6Mwami Nyasaye namuvoolela, 7“Ka vaana vi shikhana va Zelofehadi venyanga khukholelwa ni malahi. Muvakavulile miandu chia venyanga mu viikho va tata wavo. Leshi vanyole miandu chia tata wavo yali anyole. 8Voolela Vaisraeli ndi niiva mundu aliitsa khukhutsa, vuchila khwivulakhu mwana wi shiyayi, mwana wi shikhana wewe wayivula neye uliitsa khunyola miandu chiechie. 9Niiva ashili khwivulakhu mwana wi shikhana wosi, vambotso veve valiitsa khunyola miandu chiechie. 10Niiva avula vambotso veve, vaana vi shiyayi vanga tata wewe, navo valiitsa khunyola miandu chiechie. 11Niiva avula vamwavo inoho vakhootsa veve, mwiikho wewe wi inzu yeye aliitsa khunyola miandu chienecho, khuva miandu chiechie mwene. Vaisraeli valiitsa khukhola yaka khuli lilako litushili khulondwa, khuli inzi, Mwami Nyasaye, namuvoolela mukhole.”
Yoshwa Yarovolwa Khwimilila Vaisraeli
(Litsu 31:1-8)
12Mwami Nyasaye yavoolela Musa, “Tikulukha utsi khu Vikulu via Abarimu, ma uheenze ulole shivala shia mali khuha Vaisraeli. 13Numali khushilola, nalwo lwa uliitsa khukhutsa, khuli amwavo wowo Haruni yakhutsa, 14shichila munyi vavili mwambinganyinya nu mwambakhana khulonda malako kaanje, numuli Mwichendanyama mwa Sini. Lwa vandu voosi vililila, shichila inzi mu litaala lia Meriba, munyi mwambakhana khumba luyali khuli mutakatifu imbeli wavo.” (Meriba neyo isieveye ili mu litaala lia Kadeshi mwichendanyama mwa Sini.)
15Nalwo lwa Musa yasaala, 16“Mwami Nyasaye, shirula shiu vulamu vwosi, saalanga ndi urovole mundu unyala khwimilila vandu 17khandi uliitsa khuvimilila muliihe, khu vandu vovo voosi, valivula khuva khuli makondi kavula mwayi.”
18Mwami Nyasaye yavoolela Musa, “Vukula Yoshwa mwana wa Nuni, mundu uli ni shinani shiu khukhola muhinzilu kwenoko. Tiila makhono koko khuye, khumanyinya ndi neye utsitsanga khuvukula havukono hoho. 19Musinjilitsi imbeli wu musalisi Eliazari, halala na Vaisraeli voosi, ma umurovoole havukono hoho khuva mwimilili wa Vaisraeli. 20Muhe vunyali vulala khu vwovwo, nikanyalikha Vaisraeli voosi vamulonde. 21Aliitsa khulonda makhuva ku musalisi Eliazari aliitsa khumuvoolela, lwa yeeka khumanya makhuva kaanje, khuvirila khu Urimu nende Tumimu. Niiva aliitsa khukhola kenako, Eliazari aliitsa khwivaalila Yoshwa makhuva koosi khulondokhana khu vindu vikholekhanga khu Vaisraeli.” 22Musa yakhola khuli Mwami Nyasaye yali navooli akhole. Yasinjilitsa Yoshwa imbeli wu Musalisi Eliazari, halala na Vaisraeli voosi. 23Musa yatiila makhono keke khu murwi kwa Yoshwa, navoolela vandu voosi ndi Yoshwa neye uvukulanga havukono hehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013