Tshimuangi 22

1“Pikalabu bakuate muivi mu nzubu butuku, bamushipe, mumushipi kena ne tshilumbu to. 2Kadi pikalabu bakuate muivi mu munya, mumushipi udi ne tshilumbu.#22.2 mu munya: diba adi badi mua kukuata bivi kabayi babashipe. Bobu babashipe, mbashipe muntu. Pikala muivi katshiyi ne bintu bivuaye muibe abi, nebamupane, ashale mupika bua buivi buende.

3“Kadi bobu bamusangane ne bimuna bivuaye muibe abi bitshikale ne muoyi: ngombe, mpunde, mukoku nansha mbuji, bua tshimuna tshimue neafute bimuna bibidi.

Teka tshianza pa kebe

4“Pikala muntu mulekela bimuna biende binyange budimi bua bende, nansha mionji yende ya mvinyo, muena bimuna neapingajile muena budimi bimuma bilenga bia mu madimi ende.

5“Pikala muntu osha budimi buende, kapia aku kalambuke, kosha bikunyibua bia mu madimi a bende bitshidi ku miepu, nansha bidibu bamane kunowa babiteka mu bisumbu mu madimi, muntu uvua mutemeshe kapia neafute muena budimi.

6“Pikala muntu mutekesha makuta ende nansha bintu bikuabu bia mushinga ku nzubu kua muntu mukuabu, bintu abi bijimine, bobu bakuate muivi, bua tshintu tshimue neafute bintu bibidi. 7Kadi pikalabu kabayi bakuate muivi, muena nzubu awu neaye kuditshipa kudi Mvidi Mukulu#22.7 kuditshipa kudi Mvidi Mukulu: tangila 21.6 ne diumvuija. bua kujadika mudiye kayi muangate bintu abi. 8Pikala bantu batandangane bua bintu bijimine: ngombe, mpunde, mikoku, mbuji, bilamba nansha bintu bikuabu, nebaye kuditshipa bonsu babidi kudi Mvidi Mukulu. Wikale Mvidi Mukulu muambe ne: ke udi muibe awu, bua tshintu tshimue neafute bintu bibidi.

9“Pikala muntu mutekeshe mpunde, ngombe, mukoku nansha tshimuna tshikuabu ku nzubu kua mukuende bua kumulamima, tshimuna atshi tshifue, tshitapike mputa nansha tshibe kabayi bajadike udi muibe, 10mulami awu neaditshipe kumpala kua Maweja-Nangila bua kujadika mudiye kayi muangate bintu abi. Nanku muena bintu bidi bijimine, neitabe dijadika dia Maweja-Nangila adi.#22.10 Badi mua kuandamuna kabidi ne: neangate munyinyi wa tshimuna udi mushale. Kabakumufuta to. 11Kadi pikalabu bamuibe bimuna abi ku nzubu kuende, mulami neafute muena bintu. 12Pikala tshimuna tshikuata kudi nyama wa lonji, muena lubanza nealeje munyinyi wikala mushale bua kujadika. Nanku kakufuta to.

13“Pikala muntu musombe tshimuna tshia mukuende, tshimuna atshi tshitapike mputa, nansha tshifue, muenatshi kayipu, uvua musombe neafute. 14Kadi pikala muena tshimuna mudimuene bionsu bivua bienzeka abi, kabena mua kumufuta to. Anu mushinga uvuabu bafile bua kusomba tshimuna awu neujikije bualu.#22.14 pikala tshimuna…: badi mua kuandamuna kabidi ne: pikala muena mudimu udibu bafuta musombe tshimuna, udi amu mua kupeta difutu diende.

Mikenji ya ditendelela ne ya nsombelu mulenga wa bantu

15“Pikala muntu mutombole nsongakaji udibu kabayi banji kusela, afile biuma bua kusela mukaji awu. 16Kadi pikala tatuende wa mukaji ubenga mulume awu, mulume neafute biuma bionsu bidibu bafidila nsongakaji#22.16 Tun. 15-16: tangila Diel 22.28-29. utshidi kamama.

17“Mukaji muena mupongu, numushipe.#22.17 Tangila Lev 19.26, 31; Diel 18.10-11.

18“Muntu yonsu udi ulala ne nyama, numushipe.#22.18 Tangila Lev 18.23; 20.15-16; Diel 27.21.

19“Muntu yonsu udi utendelela mvidie ya bisamba bikuabu, uyilambula milambu, kayi ulambula amu Maweja-Nangila, numushipe.#22.19 Tangila Diel 17.2-5.

20“Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu. 21Kanukengeshi bakaji bakamba nansha bana ba nshiya.#22.21 Tun. 20-21: tangila 23.9; Lev 19.33-34; Diel 24.17-18; 27.19. 22Bualu bobu badile, bambikile, nembateleje. 23Nemfike munda, nnushipe ne muela. Nanku bakaji benu nebashale bakamba, bana benu nebashale bana ba nshiya.

24“Pikala muntu mupela wa mu tshisamba tshianyi ukenga, wewe mumusombeshe makuta, kumulombi tshia kasombela to.#22.24 Tangila Lev 25.36-37; Diel 15.7-11; 23.20-21.

25“Tshilamba tshidi mukuebe udibuikila, wewe mutshikuate lukola, umupingajilatshi anu dituku dimue. 26Bualu ke tshiende tshidiye natshi bua kudibuikila. Kadi pawakandamana natshi, yeye neadibuikile tshinyi? Nanku, yeye mudile, mumbikile, nemmuteleje, bualu meme ndi muena luse#22.26 Tun. 25-26: tangila Diel 24.10-13..

27“Kanumpendi meme Mvidi Mukulu wenu. Kanuedi mulombodi wa tshisamba tshienu tshia bena Izrayele milawu.#22.27 Tangila MM 23.5.

28“Panudi nupola bintu bia tshianyi bia mu madimi enu, nubindambule lukasa, nansha bimuma bia maluvu.

“Nundambule kabidi muanenu wa balume muanabute.

29“Nundambule muanabute wa ngombe yenu, mikoku yenu, mbuji yenu. Muana wa balume wa bimuna abi, neashale kudi mamuende anu matuku muanda mutekete. Dituku dia muanda mukulu numundambule.

30“Nuenu nenuikale bantu banyi ba tshijila, kanuena mua kudia munyinyi wa nyama wa tshisuku uvua nyama ya lonji mishipe.#22.30 Tangila Lev 17.15. — Kabena mua kudia munyinyi ewu to, bualu ki mbashipe nyama mudibu bafunde. Munyinyi awu nuwelele mbwa.

Currently Selected:

Tshimuangi 22: TSH96

Highlight

Copy

Compare