Tshimuangi 18

Yetro udi umonangana ne Moshe

1Yetro, mutuangaji wa mu Madiyane, tatuende muenu wa Moshe, kumvua-ye lumu lua bionsu bivua Maweja-Nangila Mvidi Mukulu muenzele Moshe ne bena Izrayele pawaye mubapatule mu Ejipitu. 2Nanku Yetro kuangata Sefora, mukaji wa Moshe, uvua Moshe mutume kuabu.#18.2 Kabena bamanye diba kayi ne mushindu kayi uvua Moshe muambile tatuende muenu bua kumulamina mukajende ne bana. 3Kuangataye kabidi bana ba balume babidi ba Sefora: ke Ngershone uvua Moshe muinyike nanku, bualu uvua muambe ne: “Ndi muenyi#18.3 bana ba balume babidi: tangila MM 7.29. — Sefora, Ngershone: tangila 2.21-22. mu ditunga dia bende.” 4Muana muibidi ke Eliyezere, mmumue ne: “Mvidi Mukulu wa bankambua banyi mmuntabalele lelu, mumpandishe ku lufu lua kudi mukalenga wa bena Ejipitu.#18.4 Eliyezere: dina dia muana muibidi wa Moshe ewu, tudi tudisangana musangu wa kumpala muaba ewu mu buena ebrewu. Pavua bena latin bandamune mukanda wa Mvidi Mukulu bakavua badifunde kabidi mu 2.22.”

5Nanku Yetro, tatuende muenu wa Moshe, ne mukaji wa Moshe, pamue ne bana ba Moshe babidi abu, kufika mu tshipela ku mukuna wa Mvidi Mukulu,#18.5 mukuna wa Mvidi Mukulu: tangila 3.1 ne diumvuija. muaba uvua Moshe mutudile. 6Yetro kutumina Moshe muntu ne mukenji ne: “Ndi tatuebe muenu. Ndi ne mukajebe ne bana bebe kabidi.” 7Moshe kuya kuakidila tatuende muenu, kutua binu panshi kumupukila. Kuelanganabu muoyi bakoleshangana. Pashishe Moshe kubabueja mu ntenta. 8Moshe kulondela tatuende muenu muvua Maweja-Nangila mukengeshe bena Ejipitu ne mukalenga wabu mu tshimuangi tshia bena Izrayele. Kumulondelaye kabidi muvua Maweja-Nangila mubapandishe mu makenga onsu avuabu nawu mu njila. 9Yetro kusanka bikole bua bilenga bionsu bivua Maweja-Nangila muenzele bena Izrayele bua kubapatula mu bupika bua bena Ejipitu. 10Kuambaye ne:

— Maweja-Nangila atumbe, bualu uvua mukuambuluishe, mukupatule mu tshinyangu tshia bena Ejipitu#18.10 Mu ebrewu badi bambulula miaku ya mu kan. 9: mmupatule tshisamba tshiende mu bupika bua bena Ejipitu. ne tshia mukalenga wabu. 11Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba#18.11 Mmudileje: kabena bajadike bimpe mudibu mua kuandamuna miaku idi muaba ewu mu buena ebrewu. divua bena Ejipitu bakengeshe bena Izrayele bikole.

12Pashishe Yetro, tatuende muenu wa Moshe, kuoshila Maweja-Nangila nyama ya milambu. Kumulambulaye kabidi milambu ya ditua ndondu. Arone ne bakulu bonsu ba bena Izrayele, pamue ne Yetro, kudia biakudia bia tshijila abi.

Moshe udi usungula bakulu bakoshi ba nsambu

13Butshia dinda, Moshe kusomba bua kumvua bilumbu bia bantu. Bantu bavua amu bimane kumpala kuende too ne ku dilolu. 14Tatuende muenu umona bionsu bivua Moshe wenzela bantu, kukonkaye Moshe ne:

— Udi wenza mudimu anu nkayebe bua tshinyi? Udi muimanyike bantu ku dinda too ne ku dilolu bua tshinyi?

15Moshe kumuandamuna ne:

— Bantu aba mbafike kundi bua kuebeja mudi Mvidi Mukulu mua kukosa bilumbu biabu. 16Padibu ne tshilumbu, badi bafika kundi. Ndi njikija matandu abu. Pashishe ndi mbamanyisha meyi ne mikandu bia Mvidi Mukulu.

17Tatuende muenu wa Moshe kumuambila ne:

— Mushindu uudi wenza mudimu kawena mukumbane to. 18Wewe ne bantu bonsu badi bimane aba nenupungile. Bualu mudimu ewu udi mupite bukole. Kuena mua kuwenza amu nkayebe to. 19Mbimpe witabe tshindi nkuambila. Mvidi Mukulu akuambuluishe. Wewe ushale anu Muakuidi wa bantu kudi Mvidi Mukulu. Wikale ufikishe bilumbu bia bantu kudi Mvidi Mukulu. 20Ulongeshe bantu meyi ne mikenji bia Mvidi Mukulu, bua babilame, bakumbaje bidiye musue. 21Pashishe, usungule bantu ba nsongu badi batshina Mvidi Mukulu munkatshi mua bena Izrayele. Bantu badi bamba malu malelela, babenga mabuejila ubateke bakulu badi ku mutu kua bantu tshinunu, lukama, makumi atanu too ne kua bantu dikumi. 22Bakulu abu, nebalumbuluishe bantu matuku onsu bua kukuambuluisha. Nebakutuadile wewe anu bilumbu binene. Kadi bobu nebajikije tulumbu tukese. Nanku, mudimu webe neukepele. 23Wewe muenze mundi nkuambila amu, — Mvidi Mukulu mukutume kabidi bua kuenza nanku — kuena upungila to. Kabidi bantu bonsu nebapingane ku nzubu yabu anu bimpe, bumvuangane.#18.23 nebapingane: nansha: nebafike kudibu baye anu talalaa.

24Moshe kuitaba bionsu bivua tatuende muenu mumuambile. Kubikumbajaye. 25Kusungulaye bantu bashindame munkatshi mua bena Izrayele. Kubatekaye bakulu badi ku mutu kua bantu tshinunu, lukama, makumi atanu too ne ku kua bantu dikumi. 26Bakulu abu, bavua balumbuluisha bilumbu bikese matuku onsu. Kadi bilumbu binene bavua baye nabi kudi Moshe.

27Moshe kulayangana ne tatuende muenu. Awu kupingana kuende.

Currently Selected:

Tshimuangi 18: TSH96

Highlight

Copy

Compare