ԹԻՒՔ Գլուխ Ը
Գլուխ Ը
1 Եւ խօսեցաւ Տէր ընդ Մովսիսի եւ ասէ. 2Խօսեաց ընդ Ահարոնի եւ ասասցես ցնա. Յորժամ դնիցես զճրագունսն, ի #8։2 ՅԵբր. պակասէմիոջէ կողմանէ երեսաց աշտանակին լուցանիցին եւթանեքին ճրագարանքն։ 3Եւ արար այնպէս Ահարոն. #8։3 ՅԵբր. պակասէի միոջէ կողմանէ՝՝ հանդէպ աշտանակին ելոյց զճրագարանս նորա, որպէս հրամայեաց Տէր Մովսիսի։ 4Եւ այս է կազմած աշտանակին. #8։4 Եբր. ճախարակեայ, կամ, կռածոյ յոսկւոյ, ի բնոյ նորա մինչեւ ի շուշանսն կռածոյձոյլ ոսկի, բուն նորա, եւ շուշանք նորա ձոյլ համակ՝՝, ըստ օրինակին որպէս եցոյց Տէր Մովսիսի՝ այնպէս արար զաշտանակն։
5Խօսեցաւ Տէր ընդ Մովսիսի՝ եւ ասէ. 6Առ դու զՂեւտացիսն ի միջոյ որդւոցն Իսրայելի եւ սրբեսցես զնոսա. 7եւ այսպէս արասցես նոցա զսրբութիւնն իւրեանց. ցանեսցես զնոքօք ջուր սրբութեան, եւ ածցի ածելի ի վերայ ամենայն մարմնոց նոցա, եւ լուասցեն զձորձս իւրեանց, եւ սուրբք եղիցին։ 8Եւ առցեն զուարակ մի յանդւոյ, եւ ըստ նմին զոհ, նաշիհ զանգեալ իւղով, եւ առցես #8։8 Եբր. մեւս եւս զուարակորթ տարեւոր՝՝ յանդւոյ վասն մեղաց։ 9Եւ տարցիս զՂեւտացիսն առաջի խորանին վկայութեան. եւ ժողովեսցես զամենայն ժողովուրդ որդւոցն Իսրայելի։ 10Եւ մատուսցեն զՂեւտացիսն առաջի Տեառն, եւ դիցեն որդիքն Իսրայելի զձեռս իւրեանց ի վերայ Ղեւտացւոցն։ 11Եւ զատուսցէ Ահարոն զՂեւտացիսն ի հատուցումն առաջի Տեառն յորդւոցն Իսրայելի, եւ եղիցին գործել զգործ խորանին առաջի Տեառն։ 12Եւ Ղեւտացիքն դիցեն զձեռս իւրեանց ի վերայ գլխոյ զուարակացն. եւ արասցես զմին վասն մեղաց, եւ զմին յողջակէզ Տեառն քաւել վասն նոցա։ 13Եւ կացուսցես զՂեւտացիսն #8։13 ՅԵբր. պակասէառաջի Տեառն եւ՝՝ առաջի Ահարոնի եւ առաջի որդւոց նորա, եւ տացես զնոսա հատուցումն առաջի Տեառն։ 14Եւ զատուսցես զՂեւտացիսն ի միջոյ որդւոցն Իսրայելի, եւ եղիցին ինձ։ 15Եւ ապա մտցեն Ղեւտացիքն գործել զգործ խորանին վկայութեան. եւ սրբեսցես զնոսա, եւ տացես զնոսա հատուցումն #8։15 ՅԵբր. պակասէառաջի Տեառն՝՝. 16զի հատուցումն հատուցեալ են նոքա ինձ ի միջոյ որդւոցն Իսրայելի. փոխանակ ամենայն անդրանկաց որ բանան զամենայն արգանդ յորդւոցն Իսրայելի՝ առի զնոսա ինձ։ 17Զի իմ է ամենայն անդրանիկ որդւոցն Իսրայելի, ի մարդոյ մինչեւ յանասուն. յաւուր յորում հարի զամենայն անդրանիկ յերկրին Եգիպտացւոց, սրբեցի զնոսա ինձ։ 18Եւ առի զՂեւտացիսն փոխանակ ամենայն անդրանկաց որդւոցն Իսրայելի։ 19Եւ ետու զՂեւտացիսն հատուցումն տուեալս Ահարոնի եւ որդւոց նորա ի միջոյ որդւոցն Իսրայելի, գործել զգործ որդւոցն Իսրայելի ի խորանին վկայութեան, եւ քաւել վասն որդւոցն Իսրայելի #8։19 Եբր. զի մի՛ դիպեսցի հարուած յորդիսն Իսրայելի՝ ի մերձենալ որդւոցն Իսրայելիմերձենալով ի սրբութիւնսն։
20Եւ արարին Մովսէս եւ Ահարոն եւ ամենայն ժողովուրդ որդւոցն Իսրայելի Ղեւտացւոցն. որպէս պատուիրեաց Տէր Մովսիսի վասն Ղեւտացւոցն՝ նոյնպէս արարին նոցա որդիքն Իսրայելի. 21եւ սրբեցան Ղեւտացիքն, եւ լուացին #8։21 Եբր. զհանդերձս իւրեանց, եւ մատոյց Ահարոն զնոսա նուէրզհանդերձս, եւ ետուն զանձինս Ահարոնի ի հատուցումն՝՝ առաջի Տեառն. եւ քաւեաց վասն նոցա Ահարոն սրբել զնոսա։ 22Եւ ապա մտին Ղեւտացիքն պաշտել զպաշտօն իւրեանց ի խորանին վկայութեան՝ առաջի Ահարոնի եւ առաջի որդւոց նորա. որպէս պատուիրեաց Տէր Մովսիսի վասն Ղեւտացւոցն, նոյնպէս եւ արարին նոցա։
23Եւ խօսեցաւ Տէր ընդ Մովսիսի եւ ասէ. 24Այս ինչ է որ վասն Ղեւտացւոցն իցէ. ի քսան եւ հինգամենից եւ ի վեր մտցեն գործել ի խորանին վկայութեան. 25եւ ի յիսնամենից՝ ի բաց կացցեն ի պաշտամանէ անտի, եւ ոչ եւս գործեսցեն։ 26Եւ #8։26 Եբր. պաշտեսցեն զեղբարս իւրեանցպաշտեսցէ եղբայր նորա՝՝ ի խորանին վկայութեան, #8։26 Եբր. պահել զպահպանութիւնս, բայց գործ ինչ մի՛ գործեսցենպահել պահեսցէ զպահպանութիւնս, բայց գործ ինչ մի՛ գործեսցէ՝՝. այնպէս արասցես Ղեւտացւոցն ի պահպանութիւնս իւրեանց։
Currently Selected:
ԹԻՒՔ Գլուխ Ը: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
