ԹԻՒՔ Գլուխ Ե
Գլուխ Ե
1 Խօսեցաւ Տէր ընդ Մովսիսի եւ ասէ. 2Հրաման տուր որդւոցն Իսրայելի, եւ արձակեսցեն ի բաց զամենայն բորոտ ի բանակէ անտի, եւ զամենայն սերմնակաթ եւ զամենայն պղծեալ յոգի. 3յարուէ մինչեւ ցէգ արձակեցէք ի բաց ի բանակէ անտի, եւ մի՛ պղծեսցեն զբանակս իւրեանց յոր եսդ #5։3 Եբր. բնակեմ ի միջի նոցաիջանեմ։ 4Եւ արարին այնպէս որդիքն Իսրայելի, եւ արձակեցին զնոսա ի բաց ի բանակէ անտի. որպէս խօսեցաւ Տէր ընդ Մովսիսի, այնպէս արարին որդիքն Իսրայելի։
5Խօսեցաւ Տէր ընդ Մովսիսի եւ ասէ. 6Խօսեաց ընդ որդիսդ Իսրայելի եւ ասասցես. Այր կամ կին, որ ոք արասցէ յամենայն մարդկեղէն մեղաց, եւ արհամարհելով #5։6 Եբր. արհամարհիցէ զՏէրարհամարհիցէ եւ յանցանիցէ անձնն այն, 7խոստովան լիցի զմեղս իւր զոր արար, եւ հատուսցէ ընդ յանցանացն զգլուխն, եւ զհինգերորդ եւս մասն նորա յաւելցէ ի նոյն, եւ տացէ այնմ որում յանցեաւն։ 8Ապա թէ չիցէ ոք առնն մերձաւորիչ հատուցանել նմա զյանցանաց նորա, եւ ընդ յանցանացն որ ինչ ընծայիցի Տեառն՝ այն քահանային եղիցի, բաց ի խոյէ քաւութեանն որով քաւիցէ վասն իւր։
9Եւ ամենայն պտուղ ըստ ամենայնի որ սրբիցի յորդւոցն Իսրայելի զոր ինչ մատուցանիցեն Տեառն, քահանային եղիցի։ 10Եւ #5։10 Եբր. զոր իւրաքանչիւր ոք սրբիցէ՝յիւրաքանչիւր սրբելոց անտի՝՝ նորա լինիցին. եւ այր ոք որ տացէ քահանային՝ նորա լինիցի։
11Խօսեցաւ Տէր ընդ Մովսիսի եւ ասէ. 12Խօսեաց ընդ որդիսդ Իսրայելի եւ ասասցես ցդոսա. Առն ուրուք առն, եթէ յանցանիցէ կին իւր եւ արհամարհիցէ զնա, 13եւ ննջեսցէ ոք ընդ նմա արութեամբ սերման, եւ վրիպիցի յաչաց առն իւրոյ եւ թաքուցանիցէ, եւ նա պղծեալ իցէ, եւ վկայ ոչ գուցէ զնմանէ, եւ #5։13 Եբր. չիցէ ըմբռնեալյղի ոչ իցէ՝՝, 14եւ հասանիցէ ի վերայ առն նորա ոգի նախանձու, եւ նախանձ բերիցէ ընդ կնոջ իւրում, եւ նա իցէ պղծեալ. կամ հասանիցէ ի վերայ նորա ոգի նախանձու, եւ նախանձ բերիցէ ընդ կնոջ իւրում, եւ նա ոչ իցէ պղծեալ, 15ածցէ այրն զկին իւր առ քահանայն, եւ մատուսցէ վասն նորա պատարագ՝ զտասանորդ գրուի ալեր գարեղէն, եւ եւղ մի՛ արկցէ ի նա, եւ կնդրուկ մի՛ դիցէ ի վերայ նորա. զի զոհ նախանձաւորութեան է, զոհ յիշատակի, զոհ յիշատակելոյ զմեղս։ 16Մատուսցէ քահանայն եւ կացուսցէ զկինն առաջի Տեառն։ 17Եւ առցէ քահանայն ջուր սուրբ կենդանի խեցեղէն ամանաւ, եւ ի հողոյ անտի որ իցէ առ յատակաւ խորանին վկայութեան՝ առեալ քահանայն արկցէ ի ջուրն։ 18Եւ կացուսցէ քահանայն զկինն առաջի Տեառն, եւ մերկացուսցէ զգլուխ կնոջն, եւ տացէ ի ձեռս նորա զզոհ յիշատակին, զզոհ նախանձաւորութեանն. եւ ի ձեռին քահանային կացցէ ջուրն յանդիմանութեան նզովին այնորիկ. 19եւ երդմնեցուսցէ զնա քահանայն եւ ասասցէ ցկինն. Եթէ չիցէ ննջեցեալ ընդ քեզ առն, եթէ չիցես յանցուցեալ եւ պղծեալ առ արամբ քով, քաւեալ լիջիր ի ջրոյդ #5։19 Եբր. դառնութեան, այսպէս իմա եւ ի ստորեւյանդիմանութեան նզովիդ այդորիկ. 20ապա թէ յանցուցեալ իցես առ արամբ քով, կամ պղծեալ իցես, եւ տուեալ իցէ ուրուք զարութիւն իւր ի քեզ՝ առանց առն քո, 21եւ երդմնեցուսցէ քահանայն զկինն երդմամբ նզովիս այսորիկ, եւ ասասցէ քահանայն ցկինն. Տացէ զքեզ Տէր ի նզովս եւ յերդումն ի մէջ ժողովրդեան քո, ի տալ Տեառն զբարձս քո ի քակտումն, եւ զորովայն քո յուռուցումն. 22եւ մտցէ ջուրս նզովեալ յորովայն քո, ուռուցանել զմէջ քո եւ քակել զբարձս քո. եւ ասասցէ կինն. Եղիցի, եղիցի։ 23Եւ գրեսցէ քահանայն զնզովս զայսոսիկ ի մատենի, եւ լուասցէ ի ջուրն յանդիմանութեան նզովիցն։ 24Եւ տացէ ըմպել կնոջն զջուրն յանդիմանութեան նզովից, եւ մտցէ ի նա ջուրն յանդիմանութեան նզովեալ։ 25Եւ առցէ քահանայն ի ձեռանէ կնոջն զզոհ նախանձաւորութեանն, եւ #5։25 Եբր. երերեսցէդիցէ զզոհն առաջի Տեառն, եւ մատուսցէ առ սեղանն։ 26Եւ առցէ բռամբ քահանայն ի զոհէ յիշատակին նորա եւ #5։26 Եբր. այրեսցէ ի վերայ սեղանոյնհանցէ զայն ի սեղանն՝՝, եւ ապա արբուսցէ կնոջն զջուրն յանդիմանութեան։ 27Եւ եղիցի եթէ պղծեալ իցէ, եւ ծածկելով ծածկեալ իցէ յառնէն նորա, եւ մտանիցէ ի նա ջուրն յանդիմանութեան նզովեալ, ուռուսցէ զորովայն նորա եւ քակեսցին բարձք նորա, եւ եղիցի կինն ի նզովս ի մէջ ժողովրդեան իւրոյ։ 28Ապա թէ չիցէ պղծեալ կինն եւ սուրբ իցէ, քաւեալ լիցի եւ ընկալցի սերմն։ 29Այս օրէն իցէ նախանձաւորութեան, որոյ յանցուցեալ իցէ կին՝ որ առնակին իցէ եւ պղծիցի, 30կամ այր յորոյ վերայ հասանիցէ ոգի նախանձու, եւ ի նախանձ մտանիցէ ընդ կնոջ իւրում, կացուսցէ զկինն առաջի Տեառն, եւ արասցէ նմա քահանայն ըստ ամենայն օրինիս այսորիկ. 31եւ քաւեալ լիցի այրն ի մեղաց անտի, եւ կինն ընկալցի զմեղս իւր։
Currently Selected:
ԹԻՒՔ Գլուխ Ե: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
