ԱՌ ԳԱՂԱՏԱՑԻՍ ԹՈՒՂԹ Գլուխ Գ
Գլուխ Գ
1 Ո անմիտ Գաղատացիք, ո՞ նախանձ արար զձեզ#3։1 Ոմանք յաւելուն. ոչ հնազանդել ճշմարտութեան. որոց գրեթէ առաջի աչաց Յիսուս Քրիստոս գրեցաւ ի խաչ ելեալ։ 2Զայս միայն կամիմ ուսանել ի ձէնջ. ի գործո՞ց օրինաց զՀոգին ընկալարուք, եթէ ի լրոյ հաւատոց։ 3Այդչափ անմի՞տ էք. սկսեալ հոգւով, եւ արդ մարմնո՞վ վախճանիք։ 4Եւ այնչափ անցք անցին ընդ ձեզ զո՞ւր, եթէ իցէ զուր։ 5Իսկ արդ որ բաշխեաց ի ձեզ զՀոգին եւ յաջողեաց ի ձեզ զզօրութիւնս՝ ի գործո՞ց օրինաց էր, եթէ ի լրոյ հաւատոց։ 6Որպէս Աբրահամ հաւատաց յԱստուած, եւ համարեցաւ նմա յարդարութիւն։ 7#3։7 Յոյնն. Ապա գիտասջիքԳիտիցէ՞ք արդեւք՝՝, զի որք ի հաւատոց անտի են, նոքա են որդիք Աբրահամու։ 8Յառաջագոյն գիտէր գիր, եթէ ի հաւատոց անտի արդարացուցանէ Աստուած զհեթանոսս, յառաջագոյն խոստացաւ Աստուած Աբրահամու, թէ՝ Ի քեզ օրհնեսցին ամենայն ազգք։ 9Այսուհետեւ որք ի հաւատոց անտի են՝ օրհնին ընդ հաւատացելոյն Աբրահամու։ 10Զի որ միանգամ ի գործոց օրինացն են, ընդ անիծիւք են. քանզի գրեալ է թէ՝ Անիծեալ ամենայն մարդ որ ոչ կացցէ յամենայն գրեալսն ի գիրս օրինաց՝ առնել զամենայն։ ՎՋ
11Զի օրինօքն ոչ ոք արդարանայ առաջի Աստուծոյ, այն յայտ իսկ է. զի Արդարն, #3։11 Ի Յունին պակասէասէ, ի հաւատոց կեցցէ։ 12Բայց օրէնքն չեն ի հաւատոց, այլ որ արասցէ զայն՝ կեցցէ ի նոսին։ 13Քրիստոս գնեաց զմեզ յանիծից օրինացն, եղեալ վասն մեր անէծք, (զի գրեալ է թէ՝ Անիծեալ ամենայն որ կախեալ կայցէ զփայտէ,) 14զի ի հեթանոսս օրհնութիւնն Աբրահամու եղիցի ի Քրիստոս Յիսուս. զի մեք զաւետիս Հոգւոյն Սրբոյ ընկալցուք հաւատովք։ 15Ըստ մարդկութեան ասեմ, եղբարք. Ապաքէն զմարդկան հաստատեալ կտակ ոչ ոք կարէ անարգել, եւ ոչ այլ հրաման ի վերայ այնր տալ, 16իսկ Աբրահամու խոստացան աւետիքն եւ զաւակի նորա. եւ ոչ ասէ. Զաւակաց՝ իբրեւ բազմաց, այլ իբրեւ զմիոյ, թէ՝ Եւ զաւակի քում, որ է Քրիստոս։ 17Բայց զայս ասեմ. Զկտակն յառաջագոյն հաստատեալ յԱստուծոյ ի Քրիստոս, օրէնքն որ յետ չորեքարեւր եւ երեսուն ամի եդան, ոչ կարեն խախտել առ ի խափանելոյ զաւետիսն։ 18Եթէ յօրինաց անտի է ժառանգութիւնն, ապա ոչ եւս յաւետեացն. բայց Աբրահամու աւետեօք շնորհեաց Աստուած։
19Իսկ զի՞նչ իցեն օրէնք. յանցուածոց վասն յաւելան, մինչեւ եկեսցէ զաւակն, որում խոստացեալն էր՝ կարգեալ հրեշտակօք ի ձեռն միջնորդի։ 20Իսկ միջնորդ միոյ ուրուք ոչ է, բայց Աստուած մի է։ 21Իսկ արդ օրէնքն հակառա՞կ ինչ իցեն աւետեացն Աստուծոյ. քաւ լիցի. զի եթէ տուեալ էին օրէնքն որ կարող էին կենդանի առնել, ապա հաստատ յօրինաց անտի էր արդարութիւն։ 22Այլ փակեցին գիրք զամենեսին ընդ մեղօք, զի աւետիքն ի հաւատոց անտի Յիսուսի Քրիստոսի տացին հաւատացելոց։ 23Մինչչեւ հաւատքն եկեալ էին՝ ընդ օրինօք փակեալ պահէաք ի հանդերձեալ հաւատսն, որ յայտնելոց էին ի մեզ։ 24Ապա օրէնքն դաստիարակ եղեն մեզ ի Քրիստոս Յիսուս, զի ի հաւատոցն արդարասցուք։ 25Այլ իբրեւ եկին հաւատքն, ոչ եւս ընդ դաստիարակաւ եմք։ 26Քանզի ամենեքին որդիք Աստուծոյ էք հաւատովք ի Յիսուս Քրիստոս։ 27Որք միանգամ ի Քրիստոս մկրտեցարուք, զՔրիստոս զգեցեալ էք. չիք խտիր, 28ոչ Հրէի եւ ոչ հեթանոսի, ոչ ծառայի եւ ոչ ազատի, ոչ արուի եւ ոչ իգի. զի ամենեքեան դուք մի էք ի Քրիստոս Յիսուս։ 29Ապա եթէ դուք Քրիստոսի էք, ուրեմն Աբրահամու զաւակ էք, ըստ աւետեացն ժառանգք։
Currently Selected:
ԱՌ ԳԱՂԱՏԱՑԻՍ ԹՈՒՂԹ Գլուխ Գ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
