PARATU 25
25
Na ndaungu papihu wàna
(Bel. 15:1-11)
1Dita la pinu Palindi Hinai i MIRI napanii-nya i Muha dàngu hi na-paràha-nya 2pa-patàka-nja da kalaratu jiada la banjaru Ihirailu. Jàkai tama-nyaka na tana na pawua-nanggai nyimi napa i MIRI, lupangu-ma ka tuna yia bai tembiya i MIRI: Nimbihu la ndaungu papihu wàna àmbi ràma-duha da woka la patondu-nja. 3Nomu mbua ndaungu lupangu-ma kai tondunja da wokami, kai rokanja da woka angguru-mi dàngu kai kalamitu-ha da ihi wokami. 4Tàka nimbihu-na na ndaungu papihu wàna pa-pahinggilu-ya ndumana i MIRI. Jia-duyaka nggubulu-na na ndaungu nuna lupangu-ma ka pahàla-nya kàdi na tana nuna àmbi ràma-duha. Àmbi tondunja da woka dàngu àmbi rokanja da pingi angguru-mi. 5Jiapa da uhu nggàndumu da matumbu wikida àmbi muti-duha, dàngu da wua angguru da panda rokangu-mbu àmbi pauhi-dunja la pa-pahàmu-ha, nadu na ndaungu nuna ba ndaungu hangahu-nanya na tana. 6Na nyuna ba tuna napa na tana na-wuangu ihina na patuu pangami nyimi, da atami, da tau maràma lai nyimi dàngu na tau nàmu na angu ngiangu-mi. 7Dàngumbu da banda papawa-mi, dàngu da banda matàmba la tanami. Mbuu ndàbana na ihina nuna na tana pekuna la panganya.
Na Ndaungu Pa-belingu
8Dihawa papihu wundangu papihu mbua ndaungu, nggubulu-da nu patu kambulu hiwa mbua ndauda. 9Hàla, la tànggalu hakambulu wulangu pihu, nu na lodu jàmangu njala, paràha-nya na tau ka na-palingu taropitu la nggi - nggini la nggubulu-na na tana. 10Lupanguma kai pa-hinggilu-ya na ndaungu palima kambulu wàna, dàngu kai pakada-nya na pahàlangu la nggubulu-na na mangia-nya na tana. La ndaungu nuna mbuu ndàbada da bandada da pa-mangungu da pambàda danggangu lupangu-ma ka pabeli-nja la mamangu-nja la mangilu-na jàka ndia la ana umbuku-nakai. Nggamuya na pambàda danggangu la paata, lupangu-ma pabeli-nya la kalembi-na. 11Àmbi tondu-dunja da wokami. Da uhu nggàndumu da matumbu wikida àmbi muti-duha jàka ndia da wua angguru la woka angguru-mi na panda rokangu àmbi pauhi-dunja la pa-pahàmu-ha. 12Na ndaungu nuna jiaya na ndaungu matua ndumami nyimi. Da mapeku la panganja jiaha da matumbu wikida la wokami.
13La ndaungu nuna mbuu ndàbada da tana da pambàda danggangu lupangu-ma ka pabeli-nja la mamangu memanja. 14Jia-duya jàkai danggangu tana la angumi patau Ihirailu jàka ndiakai bai kei tana welingu lai nyuna, bai kei bai danggangu àmbi wàngudu ma-palapingu. 15Na wilina na tana lupangu-ma ka padainya pa-namatu-nya na danguna na ndaungu ba na-wuangu ihina nuna na tana lupa tomaya na Ndaungu Pa-belingu na manàmu-nya. 16Jàka nadangu na ndaungu-na nggubulu-na, jia-duyaka hi nahei na wilina na tana. Tàka jàka hawutu-na na ndaungu, jia-duyaka hi nawawa na wilina, nadu na pa-danggangu ba jiaya na danguna na ihina na pamuti. 17Àmbi lapi-duya na angumu patau Ihirailu, tàka màtawa nyimi kai mangàdatu-nya i MIRI, Alami.
Na ngerana na ndaungu papihu, wàna
18Nunju-maha mbuu ndàbada da uku dàngu da pareta-na i MIRI, ka peku luri mandangu-mi la tana nuna. 19Na tanana la tana lai nu napa na-wuangu ihina hi lupa na-patoma napa na pangami dàngu hii ngiangu dàngu lànyapu-na na lurimi lai nu.
20Tàka talànga wanguna ningu ma-paàrangu nggàraka pangangu la dalu ndaungu papihu wàna ba nda patondu-nja da tana dàngu ba nda pa-kalàmitu-ha da ihida. 21Napa la ndaungu panomu wàna i MIRI na-pakanyuru-nya na tana hi lupa natoma-na ihina nduma tailu mbua ndaungu. 22Dàngu la rehi tondu-minja da wokami la ndaungu pawalu wàna, da pangala-mi la ndaungu panomu wàna ningu-mapa tuda ngangumi. Da pangangu pa-pahàmu-mi jiapa datoma-mbuipa la rehi kalàmitu-minja da ihina na ndaungu nuna.
Pa-belingu tana dàngu uma
23Àmbu jia dangga palupa-dumunya na tanamu. Nadu ba nda mangumu nyumu-aya na tana, tàka manguna i Alaya duna. Nyimi dimi hama tuna tau nàmukai na pa-pahiangu la paràma-ya nuna na tana.
24Jàka dangganya na hau lobaku tana, pajia pàkuya bàdi na hàkuna na mamangu-manya duna la mangilu-na ba nyuna napa na ma-papuru belinya. 25Jàka nalua-ya la pamila na haàtu tau Ihirailu hi lupa nadangga mangu leranya na tanana, wai ngerana na nua nditaku-nanya la pa-papuru belinya nuna na tana. 26Jàka nda ningu ma-papuru belinya tàka la lodu malamiri nalua-ya la màka nuna na mamangu-nya dàngu datoma da àmahu-na la pa-paru belinya na tanana, 27lupangu-ma na-mbayaru-nya nu na tau na mambàda keiya nuna na tanana hama danguna na wilina na ihina na tana la ndaungu - ndaungu na manàmu-nya lundu tomaya na Ndaungu Pa-belingu na manàmu-nya. Wàngu patuna nu ka nangala belinya na tanana. 28Tàka jàka nda namàka pa-papuru belinya na tanana na tau na makeiya pa-daingu yàpa-mana-nyapa duna nuna na tana, lundu tomaya na Ndaungu Pa-belingu na manàmu-nya. La ndaungu nuna lupangu-ma ka pabeli-nya nuna na tana la mamangu memanya.
29Jàka ningu haàtu ma-danggangu hau uma la paraingu ma-pakuru kilimbatungu, ningu-mapa hàkuna la pa-papuru belinya na umana la manggawa hau ndaungu, diha welinya la lodu dangganya. 30Tàka na uma nuna jàka nda na-papuru belinya la manggawa hau ndaungu, mbulangu-nanyaka na hàkuna la pa-papuru belinya nuna na uma. Na uma nuna pa-daingu mangu-nanyaka na makeiya lupa wàla wuana. La Ndaungu Pa-belingu, nda pa-pabeli-anyapa nuna na uma. 31Na uma la ndeha na panda winggirungu kilimbatu, hama-mana na kalaratu pawàngu hama tuna da tana: na tau na mamangu memanya ninguma hàkuna la pa-papuru belinya dàngu lupangu-ma ka pabeli-nya nuna na uma la Ndaungu Pa-belingu. 32Tàka na nyuna da tau Lewi ninguma hàkuda duda pi-pirangu bia la pa-papuru belinja da manguda la parai - paraingu pa-pandumangu-ha nyuda. 33Jàka ningu haàtu tau Lewi ma-danggangu umana la hau paraingu nuda, tàka nyuna nda nahili papuru belinya, na uma nuna lupangu-ma ka pabeli-nya lai nyuna la Ndaungu Pa-belingu. Nadu, da uma tau Lewi la parai - paraingu-da nyuda pa-daingu mangu-madanya la honga banjaru Ihirailu. 34Tàka na maràda rumba la winggiru paraingu-da da kabihu Lewi nda ukua padangga-nya. Nuna mangu tau Lewi-ma-aya duna lundu nu - nu.
Na wua parutangu la tau mila
35Jàka ningu haàtu angu banjaru-mi na ma-ngiangu la hongami na malua-ya la pamila tàka hi nda namàka pa-kabubulu-ya na lurina, lupanguma kai ndulaya hama tuna na haàtu tau nàmu jàka ndia tau tàkaya ka peku pa-daingu lurina la hongami nyimi. 36-37Àmbi karuhi-du anana jàka nggàraya na pawua paruta-minya nyuna, tàka màtawa nyimi kai mangàdatu-nya na Alami, dàngu màta bianya na tau nuna ka naluri la hongami nyimi. Dàngumbu àmbi pitidu pa-utungu wàmi welingu la pangangu na padangga-mi lai nyuna.
38Nunaya na pareta-na i MIRI Alami na mangàndi-kai paluhu welingu la Mehiru la pawua-nggainya na tana Kanaàngu lai nyimi dàngu ka Ala-minya Nyuna.
Na pahàlangu-da da ata pakei
39Jàka ningu haàtu angu banjaru-mi na ma-ngiangu la hongami na malua-ya la pamila, hi lupa na-danggangu wikina la paata lai nyimi, àmbi palewa-duya na tau nuna paràma hama tuna na ràma tau ata. 40Lupangu-ma ka na-ndàdiku lai nyimi hama tuna na tau pa-wuangu wunda, dàngu màta ka naràma ndumami nyimi lundu tomaya na Ndaungu Pa-belingu. 41La rehi nuna nyuna dàngu da anana pekuna ka da-dunjaku-nya na umamu dàngu ka nabeli la angu dedina dàngu la tana mangu boku la mangilu-da. 42Na tau Ihirailu atana i MIRI-ha; Nyuna na mangàndi-ha nyuda paluhu welingu la Mehiru, jia ba tuna nda ukua padangga-nja nyuda hama tuna ata. 43Jia ba tuna na tau Ihirailu na ma-danggangu wikina lai nyimi, àmbi wànja ma-hanggàritu bai palewa-ha. Màtawa nyimi kai mangàdatu-nya na Alami. 44Era ka ningu atanggu jàka wàmu, pekuna kai wàngu pakei welingu la banja - banjaru la winggiru-mu. 45Peku-mbuna jàkai wàngu pakei anada da tau nàmu da ma-paengangu la hongami. Da ana tau nàmu da madedi la tanami pekuna kai mangunja 46dàngu peku-mbuna kai pa-kangeha-nja da anami ka daata-nja nyuda lundu njàpu lurida. Tàka na hama angumi pa-Ihirailu nda ukua pa-hanggàritu-nja.
47Jàka ningu haàtu tau nàmu na ma-ngiangu la hongami na malua-ya la pawulu, tàka hi ninyai na angumi pa-Ihirailu na malua-ya la pamila, hi lupa na-danggangu wikina padedi ata la tau nàmu nuna jàka ndia la angu dedina-kai, 48nuna na tau Ihirailu pa-daingu ninguma hàkuna ka papuru belinya. Na haàtu welingu la anguna paluhu, 49jàka ndia na anguna paluhu ama, jàka ndia na haàtu na ana angu paluhu amana jàka ndia na haàtu nua nditaku-na peku papuru beli-nanya. Jàka ndia era màkana nyuna wiki la lodu malamiri, peku-mana ka na-papuru belinya na wikina. 50Nuna na tau ata lupangu-ma ka da-pahamangu dàngu na tau na mambàda keiya. Lupangu-ma nyuda dadiha-ha na danguna na ndaungu piti welingu ba na-paatangu wikina lundu tomaya na Ndaungu Pa-belingu na manàmu-nya, hàlaka nu, ka damangu padiha-ha da bila àmahu ba papuru belinya. Na bilana na pabota-da palata-nya la wunda tau pa-wuangu wunda. 51-52Nuna na tau ata lupangu-ma ka na-pabeli-nja hawiangu da wilina ba keiya pa-namatu-nya na dihada na wunda haàtu tau pa-wuangu wunda la ndaungu - ndaungu pandedi tomana, 53beri hama tuna ba tau pambàda wuangu wunda ràmana ba wàngu padiha-nya wundana la dalu hau ndaungu. Na tau na maata-nya àmbu na-hanggàritu-dunya ba na-palewa-ya. 54Jàka nda pekuna pa-papuru belinya pa-namatu-nja nuda da pawangu ba wànda, nyuna dàngu da anana papuru beli-manja bàdi ba tomaya na Ndaungu Pa-belingu na manàmu-nya. 55Na haàtu na tau Ihirailu nda peku-ana la paata lundu metina, nadu na banjaru Ihirailu ba atana i MIRI-ha. I MIRI na mangàndi-ha paluhu welingu la Mehiru. Nyuna-maka na MIRI Alada nyuda.
Currently Selected:
PARATU 25: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
PARATU 25
25
Na ndaungu papihu wàna
(Bel. 15:1-11)
1Dita la pinu Palindi Hinai i MIRI napanii-nya i Muha dàngu hi na-paràha-nya 2pa-patàka-nja da kalaratu jiada la banjaru Ihirailu. Jàkai tama-nyaka na tana na pawua-nanggai nyimi napa i MIRI, lupangu-ma ka tuna yia bai tembiya i MIRI: Nimbihu la ndaungu papihu wàna àmbi ràma-duha da woka la patondu-nja. 3Nomu mbua ndaungu lupangu-ma kai tondunja da wokami, kai rokanja da woka angguru-mi dàngu kai kalamitu-ha da ihi wokami. 4Tàka nimbihu-na na ndaungu papihu wàna pa-pahinggilu-ya ndumana i MIRI. Jia-duyaka nggubulu-na na ndaungu nuna lupangu-ma ka pahàla-nya kàdi na tana nuna àmbi ràma-duha. Àmbi tondunja da woka dàngu àmbi rokanja da pingi angguru-mi. 5Jiapa da uhu nggàndumu da matumbu wikida àmbi muti-duha, dàngu da wua angguru da panda rokangu-mbu àmbi pauhi-dunja la pa-pahàmu-ha, nadu na ndaungu nuna ba ndaungu hangahu-nanya na tana. 6Na nyuna ba tuna napa na tana na-wuangu ihina na patuu pangami nyimi, da atami, da tau maràma lai nyimi dàngu na tau nàmu na angu ngiangu-mi. 7Dàngumbu da banda papawa-mi, dàngu da banda matàmba la tanami. Mbuu ndàbana na ihina nuna na tana pekuna la panganya.
Na Ndaungu Pa-belingu
8Dihawa papihu wundangu papihu mbua ndaungu, nggubulu-da nu patu kambulu hiwa mbua ndauda. 9Hàla, la tànggalu hakambulu wulangu pihu, nu na lodu jàmangu njala, paràha-nya na tau ka na-palingu taropitu la nggi - nggini la nggubulu-na na tana. 10Lupanguma kai pa-hinggilu-ya na ndaungu palima kambulu wàna, dàngu kai pakada-nya na pahàlangu la nggubulu-na na mangia-nya na tana. La ndaungu nuna mbuu ndàbada da bandada da pa-mangungu da pambàda danggangu lupangu-ma ka pabeli-nja la mamangu-nja la mangilu-na jàka ndia la ana umbuku-nakai. Nggamuya na pambàda danggangu la paata, lupangu-ma pabeli-nya la kalembi-na. 11Àmbi tondu-dunja da wokami. Da uhu nggàndumu da matumbu wikida àmbi muti-duha jàka ndia da wua angguru la woka angguru-mi na panda rokangu àmbi pauhi-dunja la pa-pahàmu-ha. 12Na ndaungu nuna jiaya na ndaungu matua ndumami nyimi. Da mapeku la panganja jiaha da matumbu wikida la wokami.
13La ndaungu nuna mbuu ndàbada da tana da pambàda danggangu lupangu-ma ka pabeli-nja la mamangu memanja. 14Jia-duya jàkai danggangu tana la angumi patau Ihirailu jàka ndiakai bai kei tana welingu lai nyuna, bai kei bai danggangu àmbi wàngudu ma-palapingu. 15Na wilina na tana lupangu-ma ka padainya pa-namatu-nya na danguna na ndaungu ba na-wuangu ihina nuna na tana lupa tomaya na Ndaungu Pa-belingu na manàmu-nya. 16Jàka nadangu na ndaungu-na nggubulu-na, jia-duyaka hi nahei na wilina na tana. Tàka jàka hawutu-na na ndaungu, jia-duyaka hi nawawa na wilina, nadu na pa-danggangu ba jiaya na danguna na ihina na pamuti. 17Àmbi lapi-duya na angumu patau Ihirailu, tàka màtawa nyimi kai mangàdatu-nya i MIRI, Alami.
Na ngerana na ndaungu papihu, wàna
18Nunju-maha mbuu ndàbada da uku dàngu da pareta-na i MIRI, ka peku luri mandangu-mi la tana nuna. 19Na tanana la tana lai nu napa na-wuangu ihina hi lupa na-patoma napa na pangami dàngu hii ngiangu dàngu lànyapu-na na lurimi lai nu.
20Tàka talànga wanguna ningu ma-paàrangu nggàraka pangangu la dalu ndaungu papihu wàna ba nda patondu-nja da tana dàngu ba nda pa-kalàmitu-ha da ihida. 21Napa la ndaungu panomu wàna i MIRI na-pakanyuru-nya na tana hi lupa natoma-na ihina nduma tailu mbua ndaungu. 22Dàngu la rehi tondu-minja da wokami la ndaungu pawalu wàna, da pangala-mi la ndaungu panomu wàna ningu-mapa tuda ngangumi. Da pangangu pa-pahàmu-mi jiapa datoma-mbuipa la rehi kalàmitu-minja da ihina na ndaungu nuna.
Pa-belingu tana dàngu uma
23Àmbu jia dangga palupa-dumunya na tanamu. Nadu ba nda mangumu nyumu-aya na tana, tàka manguna i Alaya duna. Nyimi dimi hama tuna tau nàmukai na pa-pahiangu la paràma-ya nuna na tana.
24Jàka dangganya na hau lobaku tana, pajia pàkuya bàdi na hàkuna na mamangu-manya duna la mangilu-na ba nyuna napa na ma-papuru belinya. 25Jàka nalua-ya la pamila na haàtu tau Ihirailu hi lupa nadangga mangu leranya na tanana, wai ngerana na nua nditaku-nanya la pa-papuru belinya nuna na tana. 26Jàka nda ningu ma-papuru belinya tàka la lodu malamiri nalua-ya la màka nuna na mamangu-nya dàngu datoma da àmahu-na la pa-paru belinya na tanana, 27lupangu-ma na-mbayaru-nya nu na tau na mambàda keiya nuna na tanana hama danguna na wilina na ihina na tana la ndaungu - ndaungu na manàmu-nya lundu tomaya na Ndaungu Pa-belingu na manàmu-nya. Wàngu patuna nu ka nangala belinya na tanana. 28Tàka jàka nda namàka pa-papuru belinya na tanana na tau na makeiya pa-daingu yàpa-mana-nyapa duna nuna na tana, lundu tomaya na Ndaungu Pa-belingu na manàmu-nya. La ndaungu nuna lupangu-ma ka pabeli-nya nuna na tana la mamangu memanya.
29Jàka ningu haàtu ma-danggangu hau uma la paraingu ma-pakuru kilimbatungu, ningu-mapa hàkuna la pa-papuru belinya na umana la manggawa hau ndaungu, diha welinya la lodu dangganya. 30Tàka na uma nuna jàka nda na-papuru belinya la manggawa hau ndaungu, mbulangu-nanyaka na hàkuna la pa-papuru belinya nuna na uma. Na uma nuna pa-daingu mangu-nanyaka na makeiya lupa wàla wuana. La Ndaungu Pa-belingu, nda pa-pabeli-anyapa nuna na uma. 31Na uma la ndeha na panda winggirungu kilimbatu, hama-mana na kalaratu pawàngu hama tuna da tana: na tau na mamangu memanya ninguma hàkuna la pa-papuru belinya dàngu lupangu-ma ka pabeli-nya nuna na uma la Ndaungu Pa-belingu. 32Tàka na nyuna da tau Lewi ninguma hàkuda duda pi-pirangu bia la pa-papuru belinja da manguda la parai - paraingu pa-pandumangu-ha nyuda. 33Jàka ningu haàtu tau Lewi ma-danggangu umana la hau paraingu nuda, tàka nyuna nda nahili papuru belinya, na uma nuna lupangu-ma ka pabeli-nya lai nyuna la Ndaungu Pa-belingu. Nadu, da uma tau Lewi la parai - paraingu-da nyuda pa-daingu mangu-madanya la honga banjaru Ihirailu. 34Tàka na maràda rumba la winggiru paraingu-da da kabihu Lewi nda ukua padangga-nya. Nuna mangu tau Lewi-ma-aya duna lundu nu - nu.
Na wua parutangu la tau mila
35Jàka ningu haàtu angu banjaru-mi na ma-ngiangu la hongami na malua-ya la pamila tàka hi nda namàka pa-kabubulu-ya na lurina, lupanguma kai ndulaya hama tuna na haàtu tau nàmu jàka ndia tau tàkaya ka peku pa-daingu lurina la hongami nyimi. 36-37Àmbi karuhi-du anana jàka nggàraya na pawua paruta-minya nyuna, tàka màtawa nyimi kai mangàdatu-nya na Alami, dàngu màta bianya na tau nuna ka naluri la hongami nyimi. Dàngumbu àmbi pitidu pa-utungu wàmi welingu la pangangu na padangga-mi lai nyuna.
38Nunaya na pareta-na i MIRI Alami na mangàndi-kai paluhu welingu la Mehiru la pawua-nggainya na tana Kanaàngu lai nyimi dàngu ka Ala-minya Nyuna.
Na pahàlangu-da da ata pakei
39Jàka ningu haàtu angu banjaru-mi na ma-ngiangu la hongami na malua-ya la pamila, hi lupa na-danggangu wikina la paata lai nyimi, àmbi palewa-duya na tau nuna paràma hama tuna na ràma tau ata. 40Lupangu-ma ka na-ndàdiku lai nyimi hama tuna na tau pa-wuangu wunda, dàngu màta ka naràma ndumami nyimi lundu tomaya na Ndaungu Pa-belingu. 41La rehi nuna nyuna dàngu da anana pekuna ka da-dunjaku-nya na umamu dàngu ka nabeli la angu dedina dàngu la tana mangu boku la mangilu-da. 42Na tau Ihirailu atana i MIRI-ha; Nyuna na mangàndi-ha nyuda paluhu welingu la Mehiru, jia ba tuna nda ukua padangga-nja nyuda hama tuna ata. 43Jia ba tuna na tau Ihirailu na ma-danggangu wikina lai nyimi, àmbi wànja ma-hanggàritu bai palewa-ha. Màtawa nyimi kai mangàdatu-nya na Alami. 44Era ka ningu atanggu jàka wàmu, pekuna kai wàngu pakei welingu la banja - banjaru la winggiru-mu. 45Peku-mbuna jàkai wàngu pakei anada da tau nàmu da ma-paengangu la hongami. Da ana tau nàmu da madedi la tanami pekuna kai mangunja 46dàngu peku-mbuna kai pa-kangeha-nja da anami ka daata-nja nyuda lundu njàpu lurida. Tàka na hama angumi pa-Ihirailu nda ukua pa-hanggàritu-nja.
47Jàka ningu haàtu tau nàmu na ma-ngiangu la hongami na malua-ya la pawulu, tàka hi ninyai na angumi pa-Ihirailu na malua-ya la pamila, hi lupa na-danggangu wikina padedi ata la tau nàmu nuna jàka ndia la angu dedina-kai, 48nuna na tau Ihirailu pa-daingu ninguma hàkuna ka papuru belinya. Na haàtu welingu la anguna paluhu, 49jàka ndia na anguna paluhu ama, jàka ndia na haàtu na ana angu paluhu amana jàka ndia na haàtu nua nditaku-na peku papuru beli-nanya. Jàka ndia era màkana nyuna wiki la lodu malamiri, peku-mana ka na-papuru belinya na wikina. 50Nuna na tau ata lupangu-ma ka da-pahamangu dàngu na tau na mambàda keiya. Lupangu-ma nyuda dadiha-ha na danguna na ndaungu piti welingu ba na-paatangu wikina lundu tomaya na Ndaungu Pa-belingu na manàmu-nya, hàlaka nu, ka damangu padiha-ha da bila àmahu ba papuru belinya. Na bilana na pabota-da palata-nya la wunda tau pa-wuangu wunda. 51-52Nuna na tau ata lupangu-ma ka na-pabeli-nja hawiangu da wilina ba keiya pa-namatu-nya na dihada na wunda haàtu tau pa-wuangu wunda la ndaungu - ndaungu pandedi tomana, 53beri hama tuna ba tau pambàda wuangu wunda ràmana ba wàngu padiha-nya wundana la dalu hau ndaungu. Na tau na maata-nya àmbu na-hanggàritu-dunya ba na-palewa-ya. 54Jàka nda pekuna pa-papuru belinya pa-namatu-nja nuda da pawangu ba wànda, nyuna dàngu da anana papuru beli-manja bàdi ba tomaya na Ndaungu Pa-belingu na manàmu-nya. 55Na haàtu na tau Ihirailu nda peku-ana la paata lundu metina, nadu na banjaru Ihirailu ba atana i MIRI-ha. I MIRI na mangàndi-ha paluhu welingu la Mehiru. Nyuna-maka na MIRI Alada nyuda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)