YAHAYA 64
64
1Bàriku-ya na awangu, kau puru dou MIRI,
pa-nggairidu-hawa da palindi la hanggamu,
2hama tuna epi ma-paroka ai
hi na-pawura-ya na wai.
Pa-jiliku-nya na kuaha-mu la mu - muhumu,
hi lupa da-kandàndaku la hanggamu da ba - banjaru.
3Mbàda wunda-muka pawunda ma-wirungu,
na panda mbuti ndokuma.
Ba jia napuru-mu, da-yoyangu
la hanggamu da palindi.
4Ndedi ninguma mambàda rongu,
dàngu ndedi ningumbu mambàda ngitangu
ba ningu ala hinggilu-mu Nyumu ma-paluangu lima,
la tau mamonu-nya nyuna.
5Nyumu mulua pa-hàmburu-ya na tau pa-tutungu
dàngu na maluri tundunya na pawuku-mu.
Nyumu muhàngga-nggama, tàka nyuma pa-daingu njala biama
tubangu-ma weli ndaingu-maka ba manjala.#Talànga wanguna na-njenjangu ningu-mapa ba tuna yia na ihina: Nyumu muhàngga-nggama ... ba manjala.
6Nyuma mbuu ndàbama tau iraku-kama,
jiapa-ki da pawunda-ma da mahàmu da-marihaku-mbu.
Napa nyuma ma-molungu ruku akatu-ma
hama tuna ruu ai malaï pa-hawuru ngàndi ngilu.
7Nda ningu ma-hamaya-nggamu,
jàka ndia makarai-ya na pa-ndulangu-mu,
nadu bau wini-dunya na matamu welingu lai nyuma,
dàngu bau puli-nggama#La pa-haleli ndai: puli-nggama; jàka ndia: mumàta-ma-a-nggama. Imbarani: palui. ka na-patàlaru-kama njalama.
8Na nyuna Nyumu ou MIRI, Ama-manggau duma,
nyuma tana wurungu-kama, tàka Nyumu ma-unggulu-kama;
nyuma mbuu ndàbama paruku limamu-nggama.
9Àmbu tikadu pahàngga halawàla-nggama, ou MIRI,
àmbu hilu namu-duhapa da njalama;
tàngaru, nyuma yia banjaru-mu-nggama.
10Da paraingu matua-mu da pahada maràda telangu-ka,
na Yeruhali maràda bulu ma-kahàna-yaka.
11Na Uma Ala na ma-matua dàngu na ma-bunjuku
na ngia pawo - wotu-danggau da boku la mangilu-ma,
na-patalàpu-yaka epi;
mbuu ndàbada da pangia da pambuha-ma
kananda-ki-dahaka.
12Muita ndàba-maha nuda MIRI,
kanii hi padaïngu pàdi wàmu bia?
Puli-mamu-nggamaka ka mapàda-nya
na mayila ma-kanjupu mbotuna?
Currently Selected:
YAHAYA 64: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
