YAHAYA 58
58
Na puaha na ma-langatàka
1Napanii i MIRI, “Warawa lundu dira àtalu-mu! Peka-nyawa na banjaru-nggu da njalada nyuda. 2Nimbihu lodu ba dalumu-ngga Nyungga, dàngu da-rinjungu papinya na pambuha-nggu, beri hama tuna wunda-danya mahàmu, dàngu ba tuturu-danya la ukunggu. Dapanii nyuda ba da-mbuhangu palumu-ngga dàngu darinju-nya na ukunggu na ma-deningu,” wàna.
3Na banjaru nuna na-paàrangu, “Nggàra linguna ba ta-puaha jàka nda na-tàngaru-maduta i MIRI? Nggàra linguna ta-pawawa wikinda, jàka nda na-hamata-maduta?” wàda.
I MIRI napanii, “Langatàka, ba talànga puaha-mi nyimi, himbu bia-minya utu wikimi dàngu bai lamuji-ha da tau maràma da pawua-mi wunda. 4Ba talànga puaha, palumungu dàngu pa-hànggangu-minya dàngu wàngu ma-mbàringu bai pa-luangu lima. Bai ngàdaya na puaha tungu nu na-titiru-ya na etinggu la pa-patingi-nja da hamayangu-mi? 5Jàkai puaha, mi-pamayila wikimi; mi-pa-karuduku-ya na katiku-mi hama tuna na ruu rumba. Mi-wàlahu hinggi karungu hi mi-wewaru-nya aü, tàka hi mi-katuda la pinuna. Jia-yaka nuna na puaha ba wàmi? Bai kakaya nahàmu na etinggu ba tuna nu na pawunda-mi?
6Yiana-ya duna na puaha na paora-nggu: Pukalu-ha da nggili bàhi ma-pakapidihu dàngu da buku da manda pa-deningu, dàngu pahàla-ha da tau pa-kapidihu. 7Paberi-nja da pangami la tau ma-rimbangu, dàngu nggepiha da tau lindingu la umami. Wuanya pakina na tau ma-kalulu, dàngu àmbu tulaku-duha da nua kalembi-mu da ma-kalana-nya na pa-ndulangu-mu.
8Napa nahunga-nggai harii hama tuna ba narara na kiri awangu, dàngu da manua-mu darengga lànga. Napa Nyungga ku-karia mànunggai la pa-pamàna-nggai. Nu ba ningga napa ka ku-katindi-kai welingu la nggi - nggini. 9Jàkai hamayangu, napa ku-kataku-ya. Jàkai warangga, napa kuhema-kai.
Àmbi hili kapidihu-dupa angumi, jiaka-nyawa na pa-muhungu dàngu na pa-pulungu. 10Wuanja pangangu da tau da ma-rimbangu dàngu ndulaha da tau pa-kapidihu. Jàka timika nu, na kapàtangu la winggiru-mi napa na-handaraku hama tuna na harii la lodu. 11Napa Nyungga ku-kapipi mànukai dàngu ku-pambihu-kai la tana màdu; napa kumangga-nggai ka pa-daingu hayandalu dàngu hi mi-àtalu mànu. Napa nyimi hama tuna woka ngia pambawa maràka jiaka waina, hama tuna matawai na manda ana mihikai. 12Na paraingu na mambàda mandai pa-kanànda napa mi-pahada belinya la lata memangu-na. Napa napanii wànggai tau ‘Banjaru ma-pahadangu beli kangeli dàngu ma-pahàmu uma ma-tanyungguru,’ wànanggai,” wàna.
Na himbalu-na na tau na ma-tembiya na lodu Hangahu
13Napanii i MIRI, “Tembiya na lodu Hangahu ba lodu pa-kahaungu-ya ndumana i MIRI. Àmbu paloku-duha da pa-kalana-mu la lodu nuna. Mbabunya na lodu nuna ba lodu pa-ohangu-ya; tembiya na loduna i MIRI ka àmbu ningu ngia palua-mu; àmbu ràmambu paràma-mu jàka ndia àmbu panii manda lingu. 14Napa nyimi da-nggaüru da etimi ruku pa-atami lai Nyungga. Napa nyimi kutukai tau patembi la pa-nggubulu awangu. Napa nyimi miluri mànjaku wàngu ihina na tana kangeha-na i Yakupu na boku la mangilu-mi. Nyungga, MIRI mambàda panii,” wàna.
Currently Selected:
YAHAYA 58: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAYA 58
58
Na puaha na ma-langatàka
1Napanii i MIRI, “Warawa lundu dira àtalu-mu! Peka-nyawa na banjaru-nggu da njalada nyuda. 2Nimbihu lodu ba dalumu-ngga Nyungga, dàngu da-rinjungu papinya na pambuha-nggu, beri hama tuna wunda-danya mahàmu, dàngu ba tuturu-danya la ukunggu. Dapanii nyuda ba da-mbuhangu palumu-ngga dàngu darinju-nya na ukunggu na ma-deningu,” wàna.
3Na banjaru nuna na-paàrangu, “Nggàra linguna ba ta-puaha jàka nda na-tàngaru-maduta i MIRI? Nggàra linguna ta-pawawa wikinda, jàka nda na-hamata-maduta?” wàda.
I MIRI napanii, “Langatàka, ba talànga puaha-mi nyimi, himbu bia-minya utu wikimi dàngu bai lamuji-ha da tau maràma da pawua-mi wunda. 4Ba talànga puaha, palumungu dàngu pa-hànggangu-minya dàngu wàngu ma-mbàringu bai pa-luangu lima. Bai ngàdaya na puaha tungu nu na-titiru-ya na etinggu la pa-patingi-nja da hamayangu-mi? 5Jàkai puaha, mi-pamayila wikimi; mi-pa-karuduku-ya na katiku-mi hama tuna na ruu rumba. Mi-wàlahu hinggi karungu hi mi-wewaru-nya aü, tàka hi mi-katuda la pinuna. Jia-yaka nuna na puaha ba wàmi? Bai kakaya nahàmu na etinggu ba tuna nu na pawunda-mi?
6Yiana-ya duna na puaha na paora-nggu: Pukalu-ha da nggili bàhi ma-pakapidihu dàngu da buku da manda pa-deningu, dàngu pahàla-ha da tau pa-kapidihu. 7Paberi-nja da pangami la tau ma-rimbangu, dàngu nggepiha da tau lindingu la umami. Wuanya pakina na tau ma-kalulu, dàngu àmbu tulaku-duha da nua kalembi-mu da ma-kalana-nya na pa-ndulangu-mu.
8Napa nahunga-nggai harii hama tuna ba narara na kiri awangu, dàngu da manua-mu darengga lànga. Napa Nyungga ku-karia mànunggai la pa-pamàna-nggai. Nu ba ningga napa ka ku-katindi-kai welingu la nggi - nggini. 9Jàkai hamayangu, napa ku-kataku-ya. Jàkai warangga, napa kuhema-kai.
Àmbi hili kapidihu-dupa angumi, jiaka-nyawa na pa-muhungu dàngu na pa-pulungu. 10Wuanja pangangu da tau da ma-rimbangu dàngu ndulaha da tau pa-kapidihu. Jàka timika nu, na kapàtangu la winggiru-mi napa na-handaraku hama tuna na harii la lodu. 11Napa Nyungga ku-kapipi mànukai dàngu ku-pambihu-kai la tana màdu; napa kumangga-nggai ka pa-daingu hayandalu dàngu hi mi-àtalu mànu. Napa nyimi hama tuna woka ngia pambawa maràka jiaka waina, hama tuna matawai na manda ana mihikai. 12Na paraingu na mambàda mandai pa-kanànda napa mi-pahada belinya la lata memangu-na. Napa napanii wànggai tau ‘Banjaru ma-pahadangu beli kangeli dàngu ma-pahàmu uma ma-tanyungguru,’ wànanggai,” wàna.
Na himbalu-na na tau na ma-tembiya na lodu Hangahu
13Napanii i MIRI, “Tembiya na lodu Hangahu ba lodu pa-kahaungu-ya ndumana i MIRI. Àmbu paloku-duha da pa-kalana-mu la lodu nuna. Mbabunya na lodu nuna ba lodu pa-ohangu-ya; tembiya na loduna i MIRI ka àmbu ningu ngia palua-mu; àmbu ràmambu paràma-mu jàka ndia àmbu panii manda lingu. 14Napa nyimi da-nggaüru da etimi ruku pa-atami lai Nyungga. Napa nyimi kutukai tau patembi la pa-nggubulu awangu. Napa nyimi miluri mànjaku wàngu ihina na tana kangeha-na i Yakupu na boku la mangilu-mi. Nyungga, MIRI mambàda panii,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)