1 TIMUTIU 3
3
Da ma-hamata kabungguru
1Langatàka na-deningu na kareuku yiana, “Na tau na ma-mbuhangu pa-hamata kabungguru, mbuhangu-nanya paràma mambana pa-wilingu,” ba wàna. 2Na haàtu na tau na ma-hamata kabungguru, tau manda ningu nyurangu-ya bàdi, ma-haàtu-a papaha-na,#ma-haàtu-a papaha-na; jàka ndia: na handàkangu-a palalei. napingu pa-roputu wikina, na-manggàna dàngu na-àhalu; na-mbuhangu panggepi ariyaa la umana, napingu pa-ajaru tau; 3màtangu tau makàli maüku, jàka ndia tau makàli pahànggangu. Tàka hauya duna, nyuna ka tau maringu etiya dàngu nambuha-nya na papeku. Àmbu tau matarungu nduiya. 4Màta nyuna ka tau mapingu pa-paloku hàmu uma-nanya, mapingu pa-papeka-nja da anana la pa-manundu dàngu la patembi-ya nyuna. 5Nadu na tau na manda pingu pa-paloku hàmu kuru uma wikina, nggiki hama pingu-naka pa-paloku-ya na kabungguru-na i Ala? 6Na haàtu na tau ma-hamata kabungguru nda ukua tau mabidi tama pa-karitu, nadu napa nyuna nangamba wadunya, ka lupa pa-ràtungu-yaka hama tuna i Kambàliku la handàka-na. 7Màta nyuna ka tau mahàmu tamu-nanya la panggolu; nadu jàka nda tuna nu, nyuna napa na-paaka-nya tau, ka lupa kanabu-nanyaka la kahili-na i Kambàliku.
Ma-pambapangu la kabungguru
8Na ma-pambapangu la kabungguru jia-mayai ba tau hàmu dàngu ba tau tànjiya bàdi; nda na-matarungu ndui dàngu manda lalu unu padangu wai angguru. 9Dakata pamàndu-manya bàdi nyuda la eti dalu yahangu-da na lii pa-ajaru la papawai lai Karitu na pambàda pawuwa-na paraïna i Ala. 10Pa-kamangu-mahapa bàdi nyuda, jàka ndia madu ningu nyurada ba itaha, hinaka duna hi napeku ba da-pambapangu la kabungguru. 11Da papaha-da#Da papaha-da; jàka ndia: Da kawini da ma-pambapa dànja la kabungguru. tau hàmu-mahai bàdi, nda tau makàli maràna ngaruna. Nyuda dapingu bàdi pa-roputu wikida dàngu ka da-patutungu la mbuu ndàbana. 12Da ma-pambapangu la kabungguru haàtu-a bàdi papaha-da.#haàtu-a bàdi papaha-da; jàka ndia: da-handàkangu palalei. Dapingu bàdi paangga-ha da anada dàngu pa-paloku hàmuya na kuru umada. 13Da tau da ma-pambapangu dàngu hàmungu la kuru kabungguru, napa patembi-ha la kabungguru dàngu napa da-parukangu patoru mbeni pa-pabanjaru-nya na ngera pawaida lai Karitu.
Na ma-tanjiku la anggama-nda
14Na pamonu-nggu nda nahili mandai-apa ba kumai pa-tadalu-kau. Jiapa ka tuna nu, ku-tulihu-maya bàdi na huratu yiana lai nyumu, 15jàka ku-endapu, ka mbàda pi-munyaka jàka nggikina wànda bàdi ba taluri ba kuru Umana i Alata, nu na kabungguru-na i Ala na maluri. Na kabungguru yiana-maka ba kambaniru ndolaku-ya, jiaya na na mandema-ya na lii pa-ajaru na ma-deningu welingu lai Ala. 16Nda ningumbu haàtu mamàka pa-pandia-ya, ba kanjupu bokulu-ya na ma-tanjiku la anggama-nda nyuta:
Nyuna na-paitangu wikina la hada tau,
dàngu na-paloha-nya ba ma-deningu-ya paraïna Ngahuna i Ala,#dàngu na-paloha-nya ba ma-deningu-ya paraïna Ngahuna i Ala; jàka ndia: dàngu la ngera pangahu, pa-jakarungu-ya ba na-deningu nyuna.
hi daita-ya paraï da papalewa.
Na rukuna pa-bobaru-yaka la hau banja - hau banjaru,
dàngu Nyuna pawai-yaka la pinu tana nggubulu-na
dàngu ba pa-padita-ya la awangu.
Currently Selected:
1 TIMUTIU 3: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
